معلومه افتتح فيها رسالتي:
انا من بيئه زراعيه تؤمن ان الارض الطيبه تعطيها تعطيك وكثر ما تهتم فيها يكون
الثم ر اطيب.
الى كل امراه سعوديه تعتقد انها ماجوره لانها ماخذه زوج سعودي…..
الى كل امراه سعوديه تعتقد انها فاقده الدلع مع زوج سعودي…..
الى كل امراه سعوديه تعتقد انها فاقده الرومنسيه مع زوج سعودي…..
الى كل امراه سعوديه تعتقد انها فاقده الكلام الحلو مع زوج سعودي…..
الى كل امراه سعوديه تعتقد انها مظلومه عاطفيا لانها مع زوج سعودي…..
الى كل امراه سعوديه تبحث عن زوج حق دلع ولا كلام حلو…..
اختي الفاضله:
اجلسي مع نفسك صباح يوم من الايام بعد ان يغادر زوجك السعودي الى العمل. راجعي
يوم الامس الذي مضى لحظه بلحظه واجيبي عن الاسئله التاليه:
صباح الامس الباكر؛ من ايقظ زوجك للعمل؟ انت ام الساعه المنبهه؟
اذا كانت الساعه ؛ اين كنتي؟
اذا كنتي انتي؛ كيف ايقظتيه؟ وباي صوت نبهتيه؟ وفي اي صوره كنتي عندما تفتحت عينيه؟

بعد ان استيقظ ودخل الحمام للدش؛ هل وجد حمامه جاهز؟
لما خرج والامل يحذوه في وجبه افطار؛ هل كنتي جهزتي له افطاره؟
(ولا كوب قهوه وكيكه على المكتب)
قبل ان يخرج للعمل؛ من اين اخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛ هل من مودع؟ ولا احسن اختاري اجابه واحده مما يلي:
1- خرج وانا نايمه.
2- صحيت من حركته في البيت فتحت وحده من عيوني وقلت: وين رايح العمل؟ بالسلامه.

3- كنت جالسه بالصاله وهو خارج قلت له لاتنسى الاغراض اللي وصيتك عليها.
4- رافقته للباب وكان وداع حار.
( تبين مساعده نحذف اجابتين؟ بس المشكله مانقدر نحذف الا اجابه وحده بس!!!)
لما وصل المكتب (طبعا اذا قام يفطر الشباب بالمكتب عرفوا وش انتي من حرمه)؛ هل
اتصلتي فيه تتطمنين انه وصل بالسلامه؟
تالي النهار وهو راجع البيت من العمل دق الجرس ( معه مفتاح بس يبي احد
يفتحله و يحسسه ان له وحشه)؛ هل استقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله
بطرف السرير)
يبي يدخل الحمام وياخذ دش؛ (كرري السؤال حق دش الصباح).
بعد الدش يبي استرخاء رجليه تالمه من الوقفه طول النهار والمشي جسمه هلكان؛ هل ريحتيه؟
(طشت مويه وملح وهاتك يا تدليك)
الان يبي غفوه قبل الغدا هل ساعدتي على توفير الجو الهادئ؟
لما صحي؛ هل وجد الغدا جاهز ولا هو اللي جابه معه من المطعم؟
بعد الغدا اكيد يبي شاي هل قدمتي له الشاي وجلستي معه سواليف وكيف كان يومك؟

الان فتره مستقطعه الى الليل وشلون قضيتوها؟
بالليل وقبل النوم على الاقل ساعتين (اذا فيه عيال اكيد ناموا)؛ وش كنت لابسه؟ كيف
رائحتك؟ وشلون صورتك وهيئتك امامه؟
خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف بس الجو
العام شلون؟
وقت النوم وانتي رايحه السرير؛ وش كنت لابسه؟ كيف وضعيه النوم مع زوجك؟ (وضعيه حنان
ولا كانكم اثنين اصدقاء استاجروا غرفه بفندق وما لقولهم الا غرفه بسرير واحد (كنج بد)
وكل واحد نايم بجهه)
باختصار لكل الاسئله السابقه:
هل كنتي انثى مع زوجك السعودي وعيشتيه جو زوج وزوجه؟
طبعا هذى مو كل الاسئله المطلوبه من زوجه انثى لكن المهم منها والمطلوب حتما وحق
الزوج فيها.
الى كل امراه سعوديه تبحث عن زوج حق دلع ولا كلام حلو:
ضعي درجه من 100 على كل سؤال ووزعيها بحسب الاهميه ثم اجيبي الاجابه الصحيحه ومن
ثم اجمعي الدرجات التي حصلتي عليها.
كم مجوع الدرجات اللتي حصلتي عليها؟
0% ولا 10% ولا 50% ؟
طبقي النتيجه على المعلومه الزراعيه التي اعطيتها اول الرساله عن الارض. اعتبري النتيجه هي نسبه
اهتمامك بالارض. والارض زوجك كيف بتكون الثم ره اللي تحصدينها؟(الثم ره اكيد الدلع والكلام الحلو
و… و….) اسالي مزارع اذا احتجتي مساعده .
في النهايه: اتمني من المراه السعوديه اللي تبي الدلع ما تاخذ لبناني،
واللي تبي الكلام الحلو ما تاخذ سوري واللي تبي…واللي تبي….واللي تبي….
كفايه يكون في العالم العربي كله بس السعوديين محرومين من انثى.
معلومه اختتم فيها رسالتي:
تعرفون ليه الزوج السعودي يفغر لما يشوف امراه متبرجه وتطيح سعابيله.
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.
تعرفون ليه الزوج السعودي لما يتزوج من سوريه ولا مغربيه ولا…ولا…
يحس ان فعلا فيه جنس اخر بالكون غير الذكور.
لانه في الاصل عايش مع واحد من ربعه.

منقول من الواقع
و ان برايي الشخصي انه لو فيه زوجه تسوي ما ذكر اعلاه ما راح زوجها
يفكر مجرد تفكير بالزواج عليها الا اذا كان مجنونا او مريضا نفسيا