كلام عن التعارف

موضوع شيق ان تتحدث فيما يخص الرجل والمراه وما بينهما وماده غنيه جدا ومثيره ,
الآن دعونا نذكر اشهر العبارات والجمل المتعارف عليها بين الرجل والمراه من بدايه التعارف الى
لحظه الاعتراف بالحب الى الزواج الى ما بعد الزواج والآن سنذكر العبارات الشهيره وقت بدايه
التعارف وقبل التصريح المباشر بالحب
فبدايه التعارف تجد كل طرف يحاول اظهار الاهتمام الشديد بالاخر حتى لو كان اهتمام زائف
وهو بالغالب يكون كذلك كما يحاول كل طرف اظهار محاسنه المستعاره للاخر والتركيز عليها واظهار
المثاليه في كل شئ ومحاوله اقناع كل منهم للار ان بينهم توافق شديد وكبير في
كل الاشياء ولهذه المرحله عباراتها الشهيره فتجد الحوار كالتالى ….
الفتاه: انت برجك ايه؟
الشاب: برج العقرب (مثلا)
الفتاه: بجد؟ تعرف انه متوافق تماما مع برجى ؟
الشاب: وانتى برجك ايه؟
الفتاه: الجوزاء
علما بان البرجين غير متوافقين وقد لا يكون الاثنين لا يعلمون اصلا اى شئ عن
الابراج
الشاب: اكلتى كويس؟
الفتاه: لاء والله ماليش نفس خالص ..مش عارفه ليه
الشاب: لو سمحتى تاكلى كويس ولو ما كلتيش هزعل منك جدا
الفتاه: طيب انت كمان لازم تاكل كويس ولو ما كلتش مش هاكل خالص لحد ما
اموت من الجوع
طبعا كلا منهم بيقول الكلام ده وهو بطنه هتفرقع من الاكل والحش طول النهار
وتجد الفتاه ليلا على الهاتف تساله
الفتاه: انت هتنام
الشاب: ايوه
الفتاه: طيب خلى بالك من نفسك
ومش عارفه يخلى باله من نفسه ازاى وهو نايم؟ وعلى سريره وفى بيته ؟ يعنى
في منتهى الامان بس برضوه كلام في منتهى الهبل
الشاب: انتى لابسه ايه دلوقتى؟
الفتاه: بيبى دول اسود
الشاب: واوووووووووو
طبعا هى بتقول كده وهى بالبيجامه الكستور وشعرها منكوش
الفتاه: لا اله الا الله
الشاب محمد رسول الله
وعندما ياتى الصباح لابد من عمل مكالمه تليفونيه من على السرير تحاول الفتاه ترقيق صوتها
في هذه المكالمه بقدر الامكان وخفت الصوت الى ادنى مستوياته وتبدا الحوار
الفتاه: صباح الخير
الشاب: صباح العسل
الفتاه: انا حلمت بيك امبارح
الشاب: وانا كمان
وتجد من العبارات الشهيره للرجل ايضا
مينفعش اللبس ده….مفيش تاخير بره البيت…..كلمينى اول ما توصلى ….انتى اول حب في حياتى….عرفت بنات
كتير بس ما حبيت غيرك….لو لفيتى الدنيا بحالها مش هتلاقى حد يحبك قدى…..نفسى يتقفل علينا
باب واحد….يااااااااااااااه امتى بقى نتجوز…نفسى اشوف ابن لى منك وياخد حنيتك…..عارفه شكلك احلى كتير من
غير مكياج
وامن اشهر العبارات للفتاه ايضا
انت اول تجربه في حياتى…..انا جالى عريس النهارده واهلى ضاغطين على….انا بحب الورد والشموع قوى
قوى….انا بحب الاطفال قوى ….نفسى اخلف ولد يكون شبهك واسميه على اسمك…..نفسى اعملك الاكل بايدى
واكلك بايدى…انت عارف ان مواصفاتك هى كل ماصفات فتى احلامى؟