كلام عن الزمان


كلام عن الزمان

 

صورة كلام عن الزمان

بيقولوا كفايه كلام عن الحب

كفايه كلام عن الهجر والفراق

والشوق والبعد والقرب

خلينا بقى نتكلم جد

نكتب بس عن الحرب

عن الغلاء عن الفساد

عن الغلب

نموت مشاعرنا

نجمد احاسسنا

نعمل اعتصام نشد الحزام

بكدا هانحل المشاكل

واللي نايم جعان

هايقوم الصبح اكل

وكمان هاترجع الكهربا

وهايتفك الحصار

وهايرخص كمان الخضار

لو بطلنا كلام عن الحب

الدنيا ها تزهزه

والورد هايفتح

ومشاكلنا كلها ها تتحل

اصل الكلمتين الحلوين

بينسوا الناس همومها

واحنا ننسيهم ليه

خليهم فاكرين

نايمين صاحيين متنكدين

طيب الحل ايه

نموت مرتين

مره باحساسنا

ومره بهمومنا

معقول ياناس

في ناس جامدة

زي الحجر

عايزه تقتل جوانا الاحساس

نفضل شايلين همومنا

ونعيش دنيا ما تنداس

فيها الحب بقى غريب

والضحكه شيء مريب

والنكد دا مكتوب وقدر

هم دول يا ناس بشر

وانا

مش ها اسمع كلامهم

وها اعمل مش واخده بالي منهم

وها اكتب واكتب

واللي يقول خليه يقول

 

  • كلام عن الزمن
  • كلمات عن الزمن
  • عبارات عن الزمن
  • كلام عن الزمان
3٬556 مشاهدة

كلام عن الزمان