المقال عن الكلام الغريب الى بيطلع عن الشيوخ

كل يوم و التانى

نلاقي هجوم على شيخ

منسوب لية كلام عجيب الشكل و اللون

و تلاقي الناس بتصدق..وتشتم و تسب

اكيد غيرة على الدين ..

لان فعلا الكلام الى بيطلع بعيد جميع البعد عن الدين

ولا يصح اصلا انه نسب لرجل يطلق عليه شيخ

الله يعينا

بس المشكلة فين

ان الناس ما زالت بتمشي و را الاعلام

رغم ثبوت عدم نزاهته

واغلب الى به بتحور الكلام ..عن عمد او ممكن عن غير عمد
ربنا العالم بيهم

ومع هذا ينجرفوا بعواطفهم للهجوم على شيخ معين

من غير ما نتاكد و ندور على صحة الكلام

وان كان اغلبنا بيعمل كده

زي مقال الشيخ احمد المحلاوى

و الى اتنشر عنه..بخصوص كلام
(منسوب الية )

انة قال من لن ينتخب محمد مرسي فهو اثم

وبالتاكيد هجوم و سب و قذف كالعاده

ماحدش استني رد الشيخ..
ولكن..

اتاكدوا بنفسكم
تكذيب على لسان المحلاوى..للكلام المنسوب اليه

ومبروك عليك الحسنات يا شيخ

نيجي بقي للصورة الفظيعه
الي اتعجب منها ناس كتير

 

طب دي فتوة تتصدق

بذمتك فشيخ هيقول كلام زي ده

صورة اصلا لا تعبر عن شئ

لا مكتوب عنوان الجريده

ولا اسم الى كاتب المقال

ولا حتي اسم الشيخ

طب بذمتك قوليلي الشيخ دة اسمه ايه؟؟!!

طب حاولتي تعرفي مين ده.

ولا كالعادة سب و قذف
الله يسامحهم عليها

الشيخ دة يا ستي اسمه الشيخ توفيق علوان

طب سمعتي راية عن الكلام المنسوب اليه

مش عايزة اتعبك

ومبروك عليك الثواب يا شيخ

ملحوظه:
التكذيب موجود تحت الخبر فاول تعليق..
للي مش و اخدة بالها

الهدف من المقال ايه

اولا:نتعلم ما نسلمش لاي حاجة نقراها
والكلام ليا و ليكوا و لاي واحدة بترشح اي حد
الاخبار بتطلع انهارده
بينزل تكذيبها بكره
فلية نندفع …

ثانيا:الشيوخ ليهم احترامهم
مش بالسهولة نسب و نشتم فيهم من غير
حتي ما نتاكد
مابقاش فاي احترام لرموز الدين ..
ربنا يصبرنا على الزمن ده

ثالثا:في فرق لما الشيخ يقول الادلاء بالصوت فالانتخابات و اجب شرعى
وان الادلاء لشخص معين و اجب شرعى
ودة الى ناس كتير بتلعب عليه
والله اعلم بنياتهم..وربنا يهدينا و يهديهم

رابعا:سؤال كمان..تفتكري لو واحدة رايحه
تنتخب ايا كان مين … بنية صادقة ترضي ربنا ..
مش هتثاب على نيتها الصادقه..اكيد هتثاب باذن الله
ودة الى بيقولوة الشيوخ
لما يطلع حد فيهم يقول
هنتخب فلان ابتغاء مرضاة الله
ودة نابع عن النية الصادقة مش الشخص الى هينتخبه

يارب اكون عرفت اوضح الفكره

بلاش ننجرف و را الاعلام

ونصدق اي حاجه..علي لسان الشيوخ

الشيوخ ما هماش منعزلين عشان نستني الاعلام و الصحائف

تنقلنا كلامهم..

وفينا الى بتروح دروس دين

حد قالك انتخبي حد و الا هتبقي اثم ة او كده
؟؟
ماعتقدش ابدا

مفيش شيخ يعرف ربنا

هيطلع يفتري على الدين بكلام غريب

مفضوح زي ده

ربنا يهدينا و يهديكوا و يصلح حالنا اجمعين

واخيرا
ربنا يكرم مصر برجل يصلح لها و لشعبها
الغيور على دينه..ويهدي شبابها و اهلها
ويشرح صدرهم للاسلام
ويولي علينا الاصلح

ويغفرلنا اجمعين
اللهم امين