كلام واتس اب حب


كلام واتس اب حب

كلام واتس اب حب

كلام واتس اب حب

صورة كلام واتس اب حب

مابقى الا سود الايام تحرمك الرقاد

كيف الاوهام تجرا اتسريك مغبون

من متى تجزع من الدمع وتخاف البعاد؟

من متى تقفي بك ظنون وتجيبك ظنون؟

صرت تاخذ كذبتي صدق ومزاحي وكاد

لو بقول اني بخونك تحسب اني بخون

ماتعرف ان كل شاعر يهيم بكل واد؟

وانهم دايم يقولون مالا يفعلون؟

ابك انا لاقلت ابنساك وانكرت الوداد

والله اني مانسيتك ولاهم يحزنون

من جزع من صفعه الشمس يطمع بالبراد

ومن فقد وجهاته الخمس يلقى بك ركون

اعتبرها هفوه انسان او كبوه جواد

لو بتسمح فانت غالي ولو تجرح تمون

عد صداتك مروه وطعناتك ضماد

خلهن لاراحن طعون ولا ردن طعون

خنجرك يستاهل الطعن ومتوني شداد

ومنك يازين الخناجر ويا بخت المتون

ردلي حنيه المزح باحساس الجماد

خلنا واحد يجي صلب والثاني حنون

موت فيني واندفن فيك بثياب الحداد

وان حييت اموت لرضاك واحيا بك بهون

مره ارقد بالكفن وانت ترقد بالمهاد

ومره ارقد بالمهد وانت ترقد بالكفون

ادري ان شجونك شجون واعنادك عناد

والبلا ان عنادك عناد وشجونك شجون

ربك اللي سخرك لي تقود وما تقاد

والله الخالق ولله في خلقه شؤون

ازرع ضلوعي من رضاك وابشر بالحصاد

لعنبو من جيت ترضيه وترد امحزون

بس تسوالك بلد

قول تسوالك بلاد

انت كل العالم بكون ولحالك بكون

مابعد محبتك حب ومرادك مراد

غير كونك سيد حشاي تدري من تكون؟

نعمتين اختصوا الخلق من جود الجواد

كافل الارزاق من حيث مالا تعلمون

البنون ونعمه المال بعيون العباد

زينه الدنيا بلا شك في كل العيون

مثل زينه دنيتي بس عندي شي زاد

من عرفتك صاروا المال وانت والبنون

انتشي بك نشوه التيه لعناق الرشاد

وافزع الك فزعه القرم لشهاب الزبون

واحصنك تحصين الارزاق عن درب الفساد

واعشقك عشق المظاليم لفراق السجون

لو تزيد الشوق جمره تحولني رماد

لو يزيد العشق شعره بوصل للجنون

خل هقواتك كبيرة ونظراتك بعاد

كانك انت بكبرك تهون من اللي ما يهون؟

ازعلك وارهن حياتي تحت رحمه زناد

تهبى لا والله الا انت والموت تهبون

عاد اذا ما ارضاك هرجي ولا اللي قلت فاد

اننا لله وانا اليه راجعون

وانت باكر بتعرف على ناس جداد

والكلام يجيك من كل شكل وكل لون

لاتحسب ان كل كلمه بتسمعها وكاد

ولا تصدق هرج شاعر وتخدعك الظنون

دايم اعرف كل شاعر يهيم بكل واد

وان هم دايم يقولون ما لا يفعلون

حتى انا اللي قلت اعشقك وما اطيق البعاد

يمكن اطلع ماعشقتك .

.

ولا هم يحزنون

1٬278 مشاهدة

كلام واتس اب حب