كلمات اغاني ابراهيم الكاشف


كلمات اغانى ابراهيم الكاشف

 

صورة كلمات اغاني ابراهيم الكاشف

 

رحله في طياره – سيد عبد العزيز

حبيبي قلبي حاب
رحله بين طيات السحاب
وحدنا…انت و انا
حبيبي خاف يوم الذهاب
في بساط الريح المهاب
حبيبي عاتبني و بعيونو كل العتاب
وللاحباب لغه العيون ابلغ خطاب
قال لي المس قلبي داب
انا خايف و انت شايف
طوينا الجو طي الحجاب
وبقو لينا الانجم قراب
من هنا اهن هنا جنبنا
قلت ليهو لاتعمل للخوف حساب
عملت ليك اسباب الراحه العجاب
احدث ما عرف الوجود
اشبه بنعيم الخلود الفي الكتاب
علشان رضاك و علشان تقول
واقول معاك انشوده الهوي و العذاب
الحب نما و بلغنا اسباب السما
سبحنا في العلا كالشهاب
ونشوف العالم رهاب
تحتنا و يهتف لنا
يا بختنا انت و انا
عدنا بسلامه الاياب
وبينا ما طال الغياب
من رحله كانت في هضاب
طي الاثير و مع السحاب
وصلنا جهه معينه مين زينا
امتزنا بعلو الركاب
اتخذنا الافق رحاب
واتخذنا الانجم صحاب من ضمننا
شربنا كاسات الهنا
******************

انا ما بقطف زهورك – عبيد عبد الرحمن

انا ما بقطف زهورك بس بعاين بعيونى
يا الغصن الفي نهورك
ويا البدر الفي خدورك
مترقب ظهورك اتامل في محاسنك
واتمتع بمناظرك و اتوسع في فنونى
لعبت بي دورك و اصبحت مسحورك
وعرفت اوزانك و عزفت الحانك اهات توالينى
لازلت ما سورك و ما قادر ازورك
ملا العيون نورك كشف الظلام بسمك
واتجلي لي رسمك شخصك ملا عيونى
اضناني تاثيرك
وما بشكي لغيرك
اعياني تفسيرك
يا الرمز الحيرنى
وهواك صيرني اتحدي العزلونى
يا العالي موهوبك
الناس يانسوبك
يا الراقي اسلوبك
يا العالي تعليمك
انا من مظاليمك
ايه ذنبي و رينى
*******************

حليل زمن الصبا – عبيد عبد الرحمن

حليل زمن الصبا الماضى
حليل زهر الحياه الزاهر
حليل زمن الحبيب راضى
وحليل زمن الهوي الطاهر
حليلو الافلج الباسم
حليلو الكاحل الناير
حليل قمر السما القاسم
لياليهو و صبح داير
اه لو اه تفيد مجروح
والمثل القديم ساير
رهاب ما حصلو الجارى
وسماك ما بحصلو الطاير
تجدني مراقب اخبارك
اذا النسمات بها تخابر
تجدني على الفراش مضنى
تجدني على الاسي صابر
انا البعدك اصون عهدك
وليتك كنت بي خابر
وليتك مره تذكرنى
ولو في ذكره الغابر
فداك نوم عيني يا نايم
وهل بلغك انا مساهر
اراقب في كواكب الليل
اراك بيناتها ما ك ظاهر
اغض الطرف و اتناوم
اقول يا الحسنو لي جاهر
متين انظر جمال نورك
ووين ياكوكبي الزاهر
جمالك يسعد الشافك
صباحك يشرح الخاطر
مياسك دا الهلك ناسك
دلالك و بسمه الفاطر
خدودك و ازدهار لونك
زهور و شما الندي القاطر
وروحك روح نسيم الروض
اذا مزجو الشذي العاطر
تعود لمسالمتك سالم
بعوده سلامه يامسافر
اشوفك زي ملاك رحمة
اشوفك زي غزال نافر
اشوف فيك منتهي الرقة
اشوف فيك هيبه الظافر
اشوف في لثامك البدر
البفوق بدر السما السافر
ذكري اهاجت الذكرى
دوام في فكرتي تخامر
حليل الماضي وحشامو
حليل الرونق العامر
حليل زمن الحبيب طايع
حليل زمن الحبيب امر
زمنا الكنا لاندرى
بما كان الزمن ضامر
************

الليل ما بنومو – عبيد عبد الرحمن

الليل ما بنومو
انا حارس نجومو
طول يا ليل و هود
عاجبني طول الليل
الليل نسيمو عليل
الليل سكونو جميل
الليل به النسمات
تتامل الافلاك
الليل به العشاق
تتذوق الاخلاق
تتناجي بالارواح
ولشده ما ترتاح
مادايره تاني صباح
انا راصد كوكبو
تايه في ظلامو
وساير في مواكبو
سابح في خيالو
وماعاشق جمالو
بس لي فيهو ذكرى
وماخد عنو فكرة
يكون فيه التلاقى
وانظر فيه حبى
والحابيه قلبى
ينظر ما الاقى
ياليل انت شايف
توليهى و هيامي
ياليل انت عارف
اشياء من غرامي
اما بلغك ياليل
بالله عيرنى سماع
احكيلك حبى الضاع
وتغير الاوضاع
هويت محاسن انسان
فى غايه الابداع
عاهدنى و حبيتو
ووجدت عهده خداع
  • كلمات اغاني الكاشف
  • كلمات اغاني ابراهيم الكاشف
  • ابراهيم الكاشف رحلة بين طيات السحاب
  • ما بعاين لغيرك
  • كلمات أغنية توبة يا أنا الكاشف
  • كلام جميل جدا لي حبيبي ابراهيم
  • قني ابراهيم الكاشف انت وان مين زين يابختنا
  • شاعر اغنية حليل زمن الصبا الماضي
  • تنزيل اغنيه انتي وانا مين زينا نحن بين طيات السحاب
  • الكاشف كلمات اغاني
2٬116 مشاهدة

كلمات اغاني ابراهيم الكاشف