كلمات اغاني جعفر السقيد


كلمات اغانى جعفر السقيد

 

صورة كلمات اغاني جعفر السقيد

 
عليكم الله يا احباب اتلموا و ابقوا قراب
خلونا النعيش ايامنا الموت يا داخلنا الباب
الدنيا العبوس غداره زي رايه الفكي الكضاب
تضحك لك تقول جيدلي تتكئ تغرس النشاب
الموت يا صحاب بالجمله اصبح ما بدورلو اسباب
والعاقل يعيش اياموا ما دام من تراب لتراب
هسي ان ما تو مننا عشره تلقاهم تمنيه شباب
والتاسع يكون و سطاني و العاشر يكون يا داب
اخدوا الحمكه من تربالنا اتوكل رمي التيراب
وعارف ربو من ينساهو و الصابر دعاهو مجاب
علمني الزمن يا خلا درسا ما قريتلو كتاب انو الدنيا مهما تبقى كلها في سؤال و جواب
اللقي يارفاق من الله زيو كذلك الانجاب و الحظ ما بتجيبوا القوه و الشقي ما بزيلو عذاب
والبكا ما بجيب الرايحه لو جرت الدموع صباب و الافراح تدور يمشولا و الاحزان تجيك في الباب
الدايره السعاده يكوسها و بينا و بين حزنا حجاب اولا في رنين الضحكه قمتا في لقي الاحباب
يا اخوانا التفاؤل نعمه ديمه يريح الاعصاب
والزول اليكون متشائم العصفور يشوفو غراب
زولا في و ضوحو بلا الشمس و د حمداحمد يا رفاق
من شب قام درفون صغير سوالو جوه الناس عرش
يا هو الركيزه الفي الفريق زول حوبه شقيش ما يمش
تلقاهو قدام الرجال حا شاهو كلمتوا ما بتطش
من شب قام زولا قنوع ما زكا يوم درب القرش
وما شالو حق زول بالغلط و ما بيرضي سمعتو تنهبش
في ليله كان راقد حزين و سارح في الزمن الوحش
كيفن بعد كان حالو زين و السوق مفرهد و منتعش
مرت عليهو سنين عجاف ضماير الناس تطش
بس فجاه سمع الباب يدق يالله خير و اطرافو كلها ترتعش
فتح البوابه بلا نفس و قدامو كان و د الفتح
قال ليهو ادخل قالو لا انا حالي ما داير شرح
قال ليهو جيت و العشم سايقني يا اب رايا سمح
وقفت قصاد بيتي الظروف حلفت يمين ما تزح
البيت معاهو المدرسه خلني بي ايدى ازح
والنخله هادي قدر تشيل ياخدوهو قبال يصطبح
قال ليهو بس نقع البنوك سلفيه و الحال ينصلح
قلبه و قلبتين و يا رفيق و بعدين نشيل نحن الربح
يا امه نقع الفتل ما الدنيا اصلو فرندقس
يوم انت طاير في السماء و يوم تحبو في جمر الفلس
بس قوي قلبك يا رفيق و نضمك يكون عجوه محس
من بدو كان درت النجوم تلقاها في شهقه نفس
قبال كمان تصحي الشمس مشي للخزين و د العوض
قال ليهو الا تمشي معاي اولادي ديك اكلو القرض
اتماسكوا الاتنين سوا و دحمداحمد داير يطير
مرات يجك و مرات يخب و مرات تحسبو زي عزير
بس فجاءه في لمح البصر لقي نفسو قدام المدير
نزلهم كل الشروط فيهم شرط قاسي و عسير كان الشرط ايه الضمان ما البنك منهجو برمكى
صاحبنا قام رهن الارض الشاربه من دمو الزكي مداهو معنى الانتماء و الضحكه في الزمن البكى
ذرات ترابه تقولو لا و الدنيا غرقت في البكي وين تاني تلقالك حضن ياويك و كتين تشتكى
مين السواى البفهك يا حمداحمد غير حكي انا ياني امك يا جناى من قمت زى تمر الفكى
يومو اليشيل فوقك تعب لابد فوق انا تتكى
لابد نرجع لي صاد لو حتى في اخر العمر
ربيت اعمامك و ابوك و ما احتاجو لاعند القبر
يا ابني لا ترهني هوي يا ابني عضي الصبر
ودحمداحمد بي حصار خلط البيصلح بالبضر
ماهمو ايه باكر يكون ما طالا حقتق للغرض
شال القريشات و في جيبو شيك سمو السند
مبسوط و يضحك منتشي و صاحبك يفوجج في البلد
اولادو دايرين يابا جيب صاحبنا يدى بلا عدد
البت تجيهو المدرسه صاحبنا يدى بلا عدد
الحاجه همها توب سمح صاحبنا يدى بلا عدد
لامن شهور الجن مضن لقي نفسو مخنوق بالمسد
الشيكا باقي و قيتا جا اقصاهو لا يوم الاحد
ودحمداحمد انضرب بقي يجرى زي القنقرد
مرات يفوتك في السلام مرات يسوي بكي و حرد
بس فجاه صاحبك اختفي همل عقابتو و شرد
ما راعي احساس الورا و ما راعي احساس البت و الولد
ولي زوجتو الممكن تضيع في زحمه الزمن النكد

 

  • كلمات اغاني جعفر السقيد
  • جميع كلمات اغاني جعفر السقيد
  • جعفر السقيد
  • اغاني جعفر السقيد كتابه
  • كلمات جعفر السقيد
  • اغاني جعفر السقيد
  • جعفرالسقيد
  • اغاني شايقية جعفر السقيد
  • كلمات أغاني جعفر السقيد
  • كلمات الفنان جعفر السقيد
5٬800 مشاهدة

كلمات اغاني جعفر السقيد