كلمات اغاني محمود عبد العزيز

كلمات اغانى محمود عبدالعزيز

بالصور كلمات اغاني محمود عبد العزيز

خلى بالك

خلى بالك لى ايدى وقت اسالمك لما يازولتى البريدك
أمسح من الزمن العداوه و اقول بريدك
تفرح الناس الحزينه و الأسف الكان مدينة
تهدمو الريده الحنينة
إنت و أنا من فوق على قمما سعيدة
نخلى صوتنا دوام يغني
ياصوتنا غنى باللهفه و الحب و التمني
لاسهاد في ليل بعاند لا الوجع تانى بعاود
بس تغنى نهدم الخسران و نبنى بالوهج عالم مغني

________________________________

النهايات

النهايات التفتش في عيونك للبداية
والبنيات البغنن في عمر حاضن الشكاية
والدريبات و اقفه تايهه ما شه منك و مره جاية
بس غني الوتر البيلهى حس نغيمات الغلابة
هو البياخد من ملامحك نغمه من طبله و ربابة
يصنعوا اللحن البيدوى يجمعوا الأرض و السحابة
نخله تاخد من ملامحك فرحه النيل في التعابة
طفله تلعب بين دموعو كايسه لى حرف الكتابة
النهايات التفتش في عيونك للبداية
والبنيات البغنن في عمر حاضن الشكاية
والدريبات و اقفه تايهه ما شه منك و مره جاية
بس غني الوتر البيلهى حس نغيمات الغلابة
هو اللى ثابت فينا منك هو اللى ساكن في الحنايا
النهايات التفتش في عيونك للبداية

_____________________________

——————————————————————————–

قربك

قربك بفرحنى بعدك بجرحني
حبك بسمحنى صدك بقمحني
إن شاء الله دايم لى قربك و حبك لي
إن شاء الله لينا تدوم الموده و الريدة
ننسي السهر و النوم نحضن اغاريدا
ننسج سوا الأحلام نتفاني شوق و هيام
وهواك يحلق بى و ارعاك بضى عيني
الله العليم بالريد جافانا صدا ليه
قسمه ما بالأيد و هواك هد الحيل
وهواك شال البال ياغايه الآمال
سآل الكريم الحى يحميك و يلطف بي
مالينا غير الريد غير الهوي الغلاب
غير رحمتك يالسيد يامجمع الألباب
يجمعنا رغم البين و نعيش سوا الإتنين
أرضيك و تبسم لى يالبى هواك انا حي

__________________________________

لما ردتك

لما ردتك كنت عارفك زى نغيمه هاربه من و تر الأسية
كنت شايفك زى نجيمه ضاويه في الفج ……..
كنت حابسك زى دميعه خوفى لما تسيل روية
تجرف احلام العيون العايشه جنبك لاشقية
لما ردتك كان عمر قصتنا ساعة
الزمن في لحظه نادي كل افراحو المضاعة
ماالموده معانى ساميه و الأمل للروح مساعة
إنتى ترحلى زى مراكب للوداع فردت شراعا
حومى في خاطر حبيبك كونى في زحمه ظروفو
شعرى من بهجه عيونك من حنانك ضى حروفو
دنيا فيها الريده قسمه و كل زول كايس و ليفو
ريدى مكتوب في الجبين بكره ياما العين تشوفو

____________________________

كل ما سألت عليك

كل ما سألت عليك صدونى حراسك
ردوا الجواب كافين مع انى من ناسك
ردوا الجواب قالوا كم غيرك احتالوا
غير صدهم لاشئ مننا نالوا
يا قاسى يا قاسى هل يرضيك ما قالوا
ام انت ما هاميك و لا حرك احساسك
ياغالى ياغالى يالديمه في بالي
جفاك حارمنى من لهجك الحالي
أنا في هواك ياجميل اتحطم امالي
أنا برضى بستناك و الصبر يحلالي
كل ما شذاك يسرى في قلبى كالسحر
ييقظ لهيب الشوق و الهوي العذري
أهواك و ادارى هواك لو يتقضي
أنا عمرى باقى على عطفك و إحساسك

____________________

مسافتك

لامقدور اسيبك و لاعايش معاكي
لا معدود حبيبك و لا عاشق سواكي
أجيكى بكل طيبه و أنا العايزك حبيبة
تجينى بكل ريبه و لاقى عيون غريبة
أجيكى بكل حنانى و اقول جنبك اماني
تجينى بشكل تانى تضيع منى الأماني
وافتش لى رضاكي
معاكى غلبت حيله مسافتك مستحيلة
ولا الريده النبيله و لا العشره الجميلة
ولا التحنان هداكي
بخاف من بكره بعدك يالأخلفت و عدك
انا البشقينى بعدك يكون في بعدى سعدك
واعيش محروم هواكي
أكون يالله و اهم وفاكر الخوه ريدة
وإنتى نهاكى فاهم ايه معنى القصيدة
وأنا الحزنان و باكي

___________________________

غدر الزمن

شغل القليب بالشوق على زولا بحن
طبع الفراق الجوه احساسى الدفين صوره شجن
زاد الألم سبب الفراق البينا كان غدر الزمن
غدر الزمن مسح الأحاسيس النبيله و بدلا
عشره سنين ممزوجه بى احرف وفاء ما اجملا
عزاى حروف بعد الشقاء مسح الليالى و بدلا
سلواى قصايد شاعر اتغرب و زادو بقي الصبر
نعمل شنو الا الحصل بيناتنا ما نفذ القدر
يرجع يعاودنى الحنين خاطرى انكسر يوم انجبر

_________________________

ياعمر

ياعمر خلينى انسى و البينسى الريده سيبو
خلى عايش في خيالو بكره ما الايام تجيبو
لا العذر يشفع اليه و لا الندم في يوم بفيدو
ياعمر الفات و دع ما ضى ابدا ما بعيده
الزمان ادى الفرح للقليب المابريدو
الزمان الداير يصيدنا الزمان باكر بصيدو
لما قسم للشقاوه اداها للناس البريدو
ياما نشقى عشان عيونو لا الفرح كان يوم بايدو
ياعيون حزنانه صبرك ما في زول فايت نصيبو
ياعمر خليها سيره دا الزمان حدد مصيرو

_______________________

الحبيب

الحبيب ما لو ما جاء وين ما لو ما جاء
إنتظرتو لما ما جاء رحت زرتو
ياعوازلى انتو جرتو لو عرفتو كان عزرتو
خدو صفقه جوا قلبى ليهو شفقة
الحنان العندو صدقه الدلال الظبيه سبقا
حبى عرفو و الأذانى سببو طرفو
ياعوازلى انتو جرتو لو عرفتو كان عزرتو
حبى عرفو و الأذانى سببو طرفو
ليهو القلوب بوالفو و البوالفو ما بخالفو
الحنان الزى حنانو شوفو لى وين مكانو
الجمال في الدنيا زانو ده بتروح الروح عشانو
خدو و جا جوه قلبى غاص و فجا
فى الغياب ما عندو حجه صد صاب الريد و لجا
حبى عرفو طرفى صاحى يرعى طرفو
زوقو و الإحساس و ظرفو كم قسي و قدرت ظرفو

_________________________

الحنين

الحنين البى ليه ما قدرو
العمر من وين بيشترو
ضوق و قاسى الوحده ياقلبى الرهيف
ياوليف الشوق بقيت فاقد الوليف
من تناسي و ضاع خلاص حبى الشريف
الكلام البينا كيفن ينكرو
الحنين البى من قلبى الأمين
من مشاعرو الساميه و الريد الدفين
الحنين البى لو طالت سنين
ما بتمر بى خاطرى لحظه تودرو
وين زمان العشره وين طيبه القلوب
وين امانى عمرنا و الريد الطروب
المحبه البينا لو كانت ذنوب
الذنب في الريده ليه ما يغفرو

_____________________

بعد الفراق

بعد الفراق ما عدت تانى تهمنا
أيه الحصل تكتب جواب مضمونو انت تزمنا
ما قلت في ساعه الوداع ما في امل حيلمنا
اخترت انت طريق طويل سكتنا ما زى سكتك
نفس المظاهر و الغرور في نص الطريق بنزلك
أيه الحصل تكتب جواب عايزنا نحن نقدرك
ما قلت في ساعه الوداع انت النجوم وايدينا ما بتحصلك
نحنا ما درنا الفراق البيهو جيت فاجأتنا
عايشين على ريدك سنين في لحظه جيت بس خنتنا
أيه الحصل تكتب جواب طالب نواصل و دنا
ماقلت في ساعه الوداع ما في امل بيلمنا

___________________

جاهل و ديع

جاهل و ديع مغرور في احلام صباهو
ناعم خلى و مسرور ما عرف الهوى
فى سور و داخل سور في روضه زهورغناء و قصور في قصور
آيه الجمال مبصور اخلاق الرضيع في هيبه المنصور
باهى الدلال موفور محجور الخدود ما هو الخليع و سفور
زاد في نفور نفور اصبح قلبى في ايدو اليمين عصفور
لو ينفع المحزون ما لى و ما ل هواهو الضامر المبزول
قاسى و منيع ما بزور لكن دابو تاه جاهل صغير معزور
هل الهلال في حجور و تقلد نجوم لافى اعتزار في جور
مابرحم المهجور مأسور الجمال ما برضي حكم الجور
ناعم لواحظ حور قاروط لو رآك مثلى كان مسحور
فاق الحسان الحور في خدو الزهور زاهيه و جوارا بحور

_________________________

حبك ياجميل

حبك حبك ياجميل ساهر بى و الدنيا ليل
حبك حبك ياجميل ساهر بى في ليل طويل
الليل ما بنومو و بترقب عدد النجوم
يالفى خاطرى دوام و رسوم و ما بقدر على بعدو يوم
داخل قلبى انا لى حبيب و بتألم كل ما يغيب
يا جراحى الما ليك طبيب املى معلق كيف تجي
حبيب القلب ساب نسى حسنو بديع بدع المساء
ياجراحى كيف المسا عينى كيفن احنسا

________________________

——————————————————————————–

ما بتقدري

مابتقدري..حلوه حقو تفكرى قبال قرارك تصدري

ومابتقدري..

اتذكرى انو الهوي غلاب و سلطان الغرام ما بتقهري

واتصورى انك قدرتى على النوي القادره للنوم تشتري

ومابتقدري..

اتمهلى من قبل ما تتهورى ياواحده دون الناس

ومابتتكرري..

أحلي زولا غنو ليه .. ليك الدلال ادللي

ابقى البحر بدلا ليه ابقى السما بطلع عليه

ماتهددى و تتعللى و خليهو قلبى على العليه

_________________________

صمت الشوق

اقول ليكى و لا اخلى صمت الشوق يزيد البى على البيكي

اهاجر في جمال محياك و اسيب عينيا لعيحماري

بكون ما سخ كلام الريدا لما يقولو ليك لسان

تتبكم حروف القول و ما بتعكس شعور و لهان

يسبح في سعير شوقك على موج الهوا البركان

يحرق في حشا الاحساس و يخلق قدره الإمكان

أصادق صمتك البواح و اكبل انطلاق السيل

من القلب العزف اهاتو بذكراكى عز الليل

آنين صداح من الاعماق يفيض بكل تقيل الشيل

ونكتم لهفه الاشواق مع الفرح البشد الحيل

أقول ليكى و لا اخلى صمت الشوق يزيد البى على البيكي

أهاجر في جمال محياك و اسيب عينيا ..لعيحماري…

_________________________

الخطوه من دونك

مهما الظروف تقسى
ارسي و معاك انسى
الحلوه و سمح لونك
الاحساس معاك ما بفيد
اقرب ضفاف لوحة
اقدف و احسك فيه
اكتب حرف من تيار الموج يهيج يطفئي
الشوق صياحو يصلك
صوتك صداك ما بفيد
البى اواصلو كيييف
حلم الفريق يصفو
صدق الحبيب لطفو
درب العميق اليم كايس جذور صدفو
مهما الزمن قذفو
حلم الرياح خطفو
لابد يلاقي القيف

_______________________

——————————————————————————–

الفات زمان

الكنت قايلو فات زمان

رجعتو بي طعم الغنا

احلام صباى و الزكريات

هومت بى بالدندنة

اتاري في جواى نغم

وهنا القليب بيدق هنا

ناسي الزمان اتغيرو

لكني ما اتغيرت انا

اطياف هواي

الليله جات تسأل

على ملهوفه كيف

اجمل صور عبر الخيال

مرسومه في خطوط الحروف

يا وجعه الزول اليتيم

ياحسره القلب الرهيف

يا حليله طلات الصباح

طي العوينات الشفيفة

الكنت قايلو فات زمان

الكنت قايلو فات زمان

مكتوب على سفر الشجون

شوق الحنين و لوعه حزين

مكتومه في اعماقي انااا

محبوسه في دموع العيون

لمتين و رااااااااااااااك سفر الشقاااا

قولى متيين لي متين يكون

لمتين و راااااااااااااااك سفر الشقاااا

قولى متيين لي متين يكون

كأني مديووووون للعذاب

ودفع سنين من عمري دين

____________________________________

عاش من شافك

عاش من شاف وين ايامك يالدسيت جواى احلامك
ريدتك كنته بشوفه بعيده
يوم طليت تورنى سلامك
الايدين بشوقن نادن و العينين قالنه كلامك عاش من شافك وين ايامك
يا الدسيت جواى احلامك
جيت زى اروع غيمه و رحت
وين و ديت في الصيف انسامك
يالعلمت قليبى يغنى يشتل كيف
الدنيا تمني
عاش من شاف وين ايامك

_____________________

——————————————————————————–

ارحميني يامشاعر

ارحمينى يا مشاعر و يا مواقف ياظروف

ماكفاك الشلتى منى قلبى مليتى خوف

شلتى امالى البنيته و ضاعت انغام الحروف

الناس بتحصد في الفرح و انا بحصد الهم و الجروح

الحصاد الوقتو فات بنتظر باكر بعود

تملا دنياى السعاده و انسي ايام الصدود

بزرع العنوه ابتسامه و انسي ايام الصدود

ارحمينى يا مشاعر و يا مواقف ياطروف
ارحميني

__________________

تجهلنى كيف

تجهلنى كيف انته تتغابي فينى المعرفة

مشتاق و شايل الشوق ميعاد بعيون حزينة

وخائفه مكسوفه جد متأسفة

لاشايله شوق عبر السنين كايسه الحنان و العاطفة
جابها شوق ما قدرو شوق

لو كنتى فعلا ناصفة

اديها من قلبك حنان

ياشراع يقاوم العاصفة

سيبيها من هجرك كفا كفا

شوفتك قدور كا يس الديار لو القي في عيحمار وطن

أو لمحه من عينك كفاى تفرحنى لو جار الزمن

لكنى ما لقيت معاى في الغربه و الخوف و الوهن
اخلاصى ليك ضاع و الوفا

_________________

——————————————————————————–

بفرح بيها

البنيه الهاجده في احضان خواطرى ..البشتهيها
بفرح بيها .. بفرح بيها
البنيه اللامست ايد السعاده..وضجت الاشواق عليها
الحبيبه .. الايقظت
نبض الحروف .. في قلوب صدر الكلام
القريبه .. الزيى لي
فى عيونها برتاح الهيام
دى الشوقها نص الليل بصحي
غامض الغمضه و جليها
وبفرح بيها
ليها بتحن القوافى … فيها تندس المرافي
الجمال الشايفو فيها
فى رحاب دنيتنا ما في
جايه من فوق البنيه
ولامست ايد السعاده .. و ضجت الأشواق عليها
بفرح بيها .. بفرح بيها

______________________________

زمان

من زمن مستنى عوده قلبى رايح
كنتا بكتب ليهو بى بدمى الرسائل
قلتا فيهو اشعارى و اتعزب ضميري
كلو كلمه حنان يفيض يغمر صدوري
كلو حرف كتبتو من اعماق شعوري
افتكرتو يرد رسالتى يرد يطمنى بخطابو
ما خطر في بالى ياسرنى بعتابو
نسا اول مره دا اغرانى بى شبابو
وكل ما يدلل يزيد اعجابى بيهو
كنتا شايف الجنه في نظرات عينيو
كل اسباب السعاده الكنتا انا بتمناها ليهو
كان من قلبو دا لو يرحم عزابي
الدليل انا شايفو عايش في خطابي
كل ايام عمرو لحظات الهنيه
حاول يخفى شعورو و يدلل علي

________________________

مداخل ريدك

ختى يمينك في ايدينك يشرح قلبى مداخل ريدك ترسخ في جوه الشوق و تجيني
سيبى عيونك اسرح فيها بكل رقه و تسرح فيني
خلى و ضه محيك تغسل همى و تضوى جبيني
انسى ظلالك في دنياى ترسم زهره شزاها حنيني
ضمى حروف الشوق السارحا كانت تايها و كاتما انيني
بكره بيكبر عهود امالنا يفرض نفسو دليل لى يقيني
تبدا الفرحه تبرعم تانى تبقى منوره باقى سنيني

____________________________

بسأل عليك

بسأل عليك حزن الشفق
وقت الخيال ينعس ينوم يتوسد احلام الأفق
ورعشه الليل الطويل اهه الشوق و الأرق
بسأل عليك لما السؤال يصبح سفر
بلقاك في فيض الأمانى الذايبه في رنه و تر
فى لمحه الطيف البعربد مره بالخاطر عبر
ورعشه الأمل البفوح يتلاشي زى لون السحر
مطويه في حضنو المسير مخفيه في صدف البحر
بسأل عليك في زحمه التيه المحاصر بالفراغ
فى صحيه الوعى المخدر في جبين الكون ضياع
فى غربه الشجن المعذب و رهبه الخوف المشاع
بتجينى في وجع الحروف الياسه تشرب من انينا
فى شاره الالم البتكبر الجايه من اغوار دفينة
مكسيه بى لون الشفق مشحونه من طرف المدينة
بسأل عليك لاملت اشواقى السؤال
بسأل عليك لا ارتاحت الخطوه الخزينة

_________________________

تباريح الهوى

ده الجاني منك و من تباريح الهوى
وصفو بصعب يا جميل
وبعدت عنك و لما طال بي النوى
بقي لي اسيبك مستحيل
تبقي سيرتك هي الكلام
وتبقي صورتك هي الرؤي الحلوه البعيشها
في صحوتي او حتى في عز المنام
ويبقي اسمك هو الغنا
هو البجفف لي عذابات الضنى
ما الشفتو منك يا مني الروح يا انا
وصفو بصعب يا جميل ….
وبعدت عنك …. و لما طال بي النوى
بقي لي اسيبك مستحيل
بشكي ليكم يا مظاليم الهوى
أصلي مجروح مرتين
يمكن القي الزيي فيكم
ضاق جراح الحب و متعذب سنين
ويمكن القي وصفه تنفع ..
ولا يمكن القي حاجه تخفف الجرح القديم ..
حاجه تشفع ..
ده الجانى منك و من تباريح الهوى
وصفو بصعب يا جميل
وبعدت عنك و لما طال بى النوى
بقي لي اسيبك مستحيل

_____________________________

——————————————————————————–

خلى العيش حرام

خلى العيش حرام ما دام اري الموت يحل
مابين الرميش فوق للطريف الكحيل
هز صدرو ميل فدع الخصر النحيل
دراج المقل شبه المهر الوحيل
النوم منى فر و قلبى ناوى الرحيل
من غير المنام طيف الخيال مستحيل
ولا لان اشتياقى و قلبى اصبح و جيل
ولا من جمال يرفع لى قدرك يجل
يشتاق الهلال ينصاع لى قدمك حجل
بنخوض الرماح لوكان تزيد او تقل
ونخاف من ضميرا اهيف منفتل
ونقابل المدافع بالثبات و العقل
ونخاف سيف عيونو ان لمعت يضرب صقل
يالمنك معار تكحل شويدن الخميل
علمت الغصون مع الغصون كيف تميل
مختارك رعاك في عشو و دمعو الهميل
التختارو لى لاشك جميل ياجميل

____________________

راقصين التويا
راقصين التويا كلمو لى ابوي
خلى النزور التونكى اجيب لى قصعه موية
*******
أخويا يا الطمبارى قوم غنى لى جراري
أنا بركب اللوارى بتابع القماري
*******
الراكب الشبريه بالله حن علي
بفارق المدينه و أتابع السعية
*******
كردفان ارضنا و شوف جمال ظباها
بابانوسا قميره عمرى ما بنساها

_________________]

سكت الرباب
سكت الرباب قبال يقول غنواتو بى شوق يهمسا
لما النغم الكان بدغدغ فينا احساس و إتنسى
علمنا اشواق العصافير للمغارب و المساء
ياحليلو عاد حسو الحنين ما بقول همسه شفايف
والعيون لغه الاصابع الراعشه ساعه يلمسا
فقدت ليالى الشوق نجيما زين صفاها و آنسا
أحبابى كيف سآلين عليك
قالوا الرباب ياناس قسى
خلانا لى نار القسي و اخوفى من طول الطريق
أمشيهو كيف بين المغارب و المساء
سكت الرباب سكت الرباب

___________________

سيب عنادك
فى نعيمك و أنت هاني
يا البقيت سلطان زماني
أنت ليك حبى و حناني
مافى غيرك ريدا تاني
ما تسيب عنادك ما كفاني
******
أنت ليه ليه ليه ديمه ناسي
والزمان على قاسي
أنت يا ربيع حياتي
أملى فيك رغم المآسي
ما تسيب عنادك ما كفاني

____________________

عشان نغني

عشان نغنى نسوقا خيلا للتمني
كونى انهار العزايم حركى الموج للمغني
وأبدى منى رحله هوي لافاتا زول لايصلني
تدخل شمس معنى القصايد و ندخل الحب و المعاني
نبقى واحد الحدايق للرضا و الشوارع للصبا
وزى ما الأصابع متنوعه نبقى ايد تحلم تغني
ونبقى ايد تفرح تغني
لى فوق يانيل لى فوق هناك
لى فوق ياخيل لى فوق سماك
لى فوق يابلد عشان نغني

_____________________

لقيتك
لقيتك في زمن ضائع صرخه في الماضى الخرافة
جيتنى من عمق المواجع من شقي سنينى و جفافة
كلما القاك و حاتك القي دى السكه البخافة
*******
العمر يا غالى و دع لملم الآموا و جراحوا
عدي بى كل المرافى و دي للحاضر صراحو
قلبك الغلطان معاهو الله يغفر ليه و يسامحوا
*******
جيت تقول البينا روح عدي بى مرو و شقاهو
ولاهب القلب المجرح بى ربيع عزو و هناهو
وياما كم بى حبو صرح اشقي دا العكر صفاهو
*******
الحروف كانت تناجى همسه الصمت العابر
كنتا بستجدى العواطف زى مشرد حظو عاسر
العواطف هى هى ذكري مره و جرح كافر

___________________________

منو القال ليك
منو القال ليك بنتحمل فراق عيحمار
وحات الريده يا اسمر
فراقك ثانيه ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعه تتحدر
نرجع تانى نغفر ليك
******
فراقك يوم بعذبنا
بعادك اه بيتعبنا
وكيفن مده ما نشوفك
كيفن مده ما نشوفك
كيفن يعنى ما نلاقيك
******
وعاد يا غالى لما تروح
أنت و راك تروح الروح
بنمشى معاك و نبقي و راك
وبمشى معاك و ابقي و راك
ابقي و راك عشان احميك

____________________

——————————————————————————–

ليها
لو تعاين ليها تملا و د عينك
لو تعاين ليك ربنا يعينك
*******
فى الجمال معدوم البساويها
ومن زمن مشتاق قلبى هاويها
ديمه ظالمانى محتكم ليها
لو تخلينى ما بخليها
*******
للجمال نشتاق نشتهى نعاين
ما بنتكلم و الجميل باين
لو عذاب الناس للجميل هاين
الله يغفر ليهو ما بنقول خاين
*******
أنتكت بانه و أتوقلت ريلة
من لطف روحها الهوي الهيلا
نسمه فواحه و الجمال هيلا
والبيتجاسر عينو بتكيلا
********
للجمال احكام تحكما سلوكوا
وفى القلوب احكام تصدرا ملوكوا
إلا حسادوا لو بدر قولوا
ما بسيب حبو يانى مملوكو

________________________

احلى سنين

رغم احساسى بى بعدك
هناك في الغربه شلته حنين
رغم الكان قبل القاك
مشيت في هواك احلى سنين

صوتك نغمه في جواي
تزيد احساسى بالبهجه
اشيل اوراقى و اكتب ليك
حروف با لريده مبتهجه
تقول ياحلوه مشتاقين
هواك في بالى و المهجه
لوانساك يضيع عمري
تروح افكارى و اللهجة

جيتك مره بالاهات
سألتك بى فرح دفاق
لقيتك انت اجمل زول
لقيتك انت اروع زول
تلوحى بى قليب خفاق
تطل البسمه من عينيك
تملى قليبى بالاشراق
لانك انت ست الكل
ونبع الريده و الاشواق

________________________

طرونى ليك

طروني ليك انا كنت قايل اصلي ما بطراك تانى

كنت فاكر طول فراقك يمحو ريدك من زمانى

الا تاري البينا للسا ما نسيتو و لا نسانى

فجاء اتذكرتو ريدنا و الزمان الكان معاكا

والمشاوير و الاماني و الفرح ساعات لقاكا

حتي قلبي القال نساكا ما لو زي المانساكا

صحي جرح الماضي تاني من جديد هسع بكاكا

طروني ليك من تاني اندم زي كاني كنت ظالم

لمت نفسي و قلت ياريت لو الظروف بتلمنا تانى

طروني ليك انا كيف ظلمتك

لم جيت غلطان و راجع طروني ليك

طروني ليك انا كنت قايل اصلي ما بطراك تانى

كنت فاكر طول فراقك يمحو ريدك من زمانى

الا تاري البينا للسا ما نسيتو و لا نسانى

طروني ليك انا كنت قايل اصلي ما بطراك تانى

كنت فاكر طول فراقك يمحو ريدك من زمانى

الا تاري البينا للسا ما نسيتو و لا نسانى

فجاء اتذكرتو ريدنا و الزمان الكان معاكا

والمشاوير و الاماني و الفرح ساعات لقاكا

حتي قلبي القال نساكا ما لو زي المانساكا

صحي جرح الماضي تاني من جديد هسع بكاكا

طروني ليك من تاني اندم زي كاني كنت ظالم

لمت نفسي و قلت ياريت لو الظروف بتلمنا تانى

طروني ليك انا كيف ظلمتك

لم جيت غلطان و راجع طروني ليك

طروني ليك انا كنت قايل اصلي ما بطراك تانى

كنت فاكر طول فراقك يمحو ريدك من زمانى

الا تاري البينا للسا ما نسيتو و لا نسانى

    كلمات اغاني محمود عبدالعزيز

    اغاني محمود عبدالعزيز

    صور محمود عبد العزيز

    محمود عبدالعزيز مسافتك كلمات

    كلمات اغاني محمود

    كلمات اغاني محمود عبد العزيز

    كلمات اغنية كل ما سالت عليك يقولو مشغوله

    كلام اغاني محمود عبدالعزيز

    كلمات ياعمر محمود عبدالعزيز

    محمود العزيز كلمات

2٬665 مشاهدة

كلمات اغاني محمود عبد العزيز