الرئيسية / احلى كلمات اغاني بالصور / كلمات اغنية الجيل الصاعد

كلمات اغنية الجيل الصاعد


كلمات اغنية الجيل الصاعد

صورة كلمات اغنية الجيل الصاعد

عاش الجيل الصاعد … عاش
جيل من شعب مجاهد ….

عاش
عاش يبني ويجاهد   عاش بكفاحه الخالد
راجل واحد مبدا واحد
عاش جيل ثورتنا عاش

عاش الجندي يوم  ما حطم شوكه الاستعمار
كان عنوان النصر الثوري في كل بلد احرار
وسمعناه بيقولها قوية باسم مبادئ امه ابيه
انا خط هجوم ودفاع  انا رمز سلام وصراع
افدي بالروح واعيش في النصر بطل وشجاع
حيوا معاي  قولوا معايا
عاش الجندي العربي عاش

نجاه الصغيرة

عاش الزارع يوم الشمس ما حست بيها عيني
فرشت نورها وكبر الزرع  وهو مداري علي
وسمعناه بيقولها قوية ارض ولادي ورجعت لي
حرمونا سنين وسنين  وافتكروا الناس نايمين
وطلعنا عليهم يوم خلصنا حقوق ملايين
حيوا معاي  قولوا معاي
عاش فلاح الثوره عاش

عبدالحليم:

عاش الفن حضارة لامه يبنيها الفنان
يروي حياتها في غنوه في كلمه
في صورة بروح وايمان
وسمعناه بيقولها قوية   مجد بلادي عهد علي
قلبي وروحي ملك لفني والاتنين لبلادي هديه
حيوا معاي  قولوا معاي
عاش الفن رساله عاش

فايزه احمد:

عاش العامل يوم  ما  فكر يبني لبلده دار
فيها مداخن طالع  منها  لهب النور والنار
وسمعناه بيقولها قويه
ده انتاجي وصنع ايدي
حققنا بعون الله للشعب دعاه ومناه
والخير زاد منا وفاض والفايض صدرناه
قولوا معاي  حيوا معاي
عاش عاش العامل عاش

عاش الطالب يوم ما طلب العلم كتاب وسلاح
عرف العلم وسيله تحقق غايه كل نجاح
وسمعناه بيقولها قويه
في الاعدادي وفي الكليه
العلم سلاح جبار بيحول ليلنا نهار
يسعى للنور بالنور ويواجه النار بالنار

عبدالوهاب:

عاش الشعب العربي كله شعب سلام وامان
عاش الوعي العربي كله ثوره في كل مكان
ثوره مارد للحريه
هب ونادى بالقوميه
ردينا عليك يا جمال وايدينا في ايديك يا جمال
وطلعنا معاك يا جمال     نبني وياك يا جمال
حيوا معاي قولوا معاي
عاش عبدالناصر عاش

659 مشاهدة

كلمات اغنية الجيل الصاعد