يوم الخميس 7:56 مساءً 21 نوفمبر 2019

كلمات حب سودانيه


كلمات حب سودانيه

 

صورة كلمات حب سودانيه

صور

 


يا سحابه زورى احبابنا الهناك .

 

.
وقولى ليهم الرسائل ما بتكفى حتى لو كانت قصائد …
والهواتف ما بتطمن حتى لو طال الكلام …
البكفينا العيون تحضن عيونك….

**********
مرات احس انك براك ما زينا انت الملاك و نحن البشر..
صمتك اصيل حزنك نبيل زي الغناوى المرهفة زي الدعاش …
ويا روعتك لمن تفيض بالطيبه زي موج البحر تغمر ضفافنا محبتك ….

**********

عيوني انا ….

عيون ترحل تسافر ليك .

 

.

عيون مسكونة بى زاتك..

بتتمناك و تفرح بيك .

 

.

اشتقت ليك

اشتقت للحظه البتسرق عمري كلو تجيبو ليك

اشتقت للنجم البسافر في الخيال يرحل يجيك

اشتقت و الشوق

مستحيل في دربو يتمرد عليك

**************************************************

ياغنوه في و ترا حزين

ياضحكه في الزمن الصعب

يا و احه في عز الهجير

يا راحه من بعد التعب

يانسمه هبت في الدغيش

عزفت على و ترا صعب

يا رحمه من رب العباد

مكبوبه فوق خلق الله كب.

______________________________

هناك اشخاص يعزفون على اوتار احساسنا الحانا رائعه …

ويخلدون فينا ذكري لاتمحي ….

نهفو الى رؤياهم …

ويزدان الوجود بهم …

لنا الفخر بمعرفتهم …

فليحفظ الله الود بيننا …

++++++++++++++++++++++++++++++++

اتخيل الزول يشتهيك و يخاف …
ويهرب من لقاك يخاف عليك من شوقو ليك…
ما شوقو اكبر من هواك …
ما ريدو ليك ما بتوصف ما روحو دائما مشتهاك …
ما قلبو غيرك ما عرف و ما مستعد يعرف بلاك…

*************

قالو اصلو الدنيا معبر .

 

.
فيها جد ما بتلقي راحة…
الا صاحب ليك يعزك…
يبقي عنوان الصراحة…
فى غيابة الدنيا و حشة…
فاقده لى انوار صباحة

**********************************

1 انت اعمق من احبك و ارقى من كل المرافي و برضى عاجز لو ازيدك ديمه من عشقى الاضافى كل ما افكر في ريدك القي ريدى عليك خافى ما بقول عشقتك ملكنى و العيون فيها اعترافي
2 يا القلت انك ما تنسيت و عدم سؤالك ما خصام لو كنا في خاطرك صحيح كان تقول حبه سلام يظهر عليك نسيت و اهديت مشاعرك للغمام و المابيرجع با الوفا ما اظنو يرجع با الكلام
3 حاولت اخدع نفسي و اهجر حبى ليك حاولت امسك نفسي ما امشي و اجيك و رحلت عنك و عن ديارك و هدمت كل امالى فيك و برضى ما اقدر اسيبك لما انساك بشتهيك
4 القدر مكتوب مسطر ديمه نافذ امرو فينا ابقي ما تقطع رسايلك و خلى مرسالك يجينا بيهو نطمن عليكم و تعرفوا الحال العلينا
5 ملامحك ملامح زول رقيق حساس بترتاح ليك كل الناس كلامو درر الماس كفايه اقول زول بكل الناس
6 لو الحياة بقت بلا امل و لو القلوب بقت من غير و جل و لو كتبوا على كرامتى الزلل انا مستحيل منك ازعل الانك واحد عسسسسسسسل
7 يا سلام لو شفت حالى يو م تجينى رساله منك انسى ظلم الدنيا كلو و لى حروفك احكي عنك و احكي عن طيبه قليبك عن اصالتك و برضو حنك بفرح جوانا ساكن وين نلاقي اجمل منك
8 تحياتي كلام طفلين يلمو فوق الطين كلام عنوانو مشتاقين و ضحكه زول عسل زيك لطيف و حنين
9 لما القلوب با الشوق تدق تتشابة للناس العزاز لما النفوس تفضل تشع با الرهبه و الامل الملاذ يتلاشي مقياس المسافه و تسقط اوراق الحراز
10 لما اطراك في الليالي و ابدا اسرح في ملامحك دون اراده اقيف عشانك و في الخيال با الايد اصافحك احكى ليك بعد المسافه و بى لهيب الشوق اصارحك ما انت اصلك حاجة تانيه و انا كيف اقدر ابارحك

  • كلمات حب سودانيه
  • عبارات سودانية
  • كلام سوداني رقيق
  • سمعنا ياسحابه زوري احبابنا
  • يا سحابة زوري احبابنا الهناك
  • يا سحابه زوري احبابنا الهناك
  • ياسحابه زوري احبابنه الهناك


1٬131 مشاهدة