اغاني تامر الجديده

ابدا بنفسك اغلب شيطانك ونفسك الاماره بالسوء
ابدا بنفسك اغلب شيطانك لا الدنيا تاخدك الحق فوق
مش هبص لرزق غيري وهحمد ربنا علي كرمه
اللي يشوف الام الناس بجد يهون عليه المه

وهحافظ علي لساني ومفيش كلام علي حد مش موجود
مش احترام اني في ضهر حد اتكلم عشان مش هقدر لو موجوده

واتعلم ازاي اتكلم واتناقش رغم الاختلاف
واسمع راي غيري واحترمه ولا يوصل اختلافنا خلاف

هسمع كلام ابويا وامي انا لازم اكسب رضاهم
وابعد عن اللي هيدمرني وارجع في حضنهم معاهم
مش هبص لبنت ماشيه واضايقها باي كلام وخلاص
عشان اللى مرضاهوش علي بيتي مرضاهوش علي بنات الناس

لازم اعرف اختار صحابي ويكون لي حلم عشانه بعيش
محتاج انا كل دقيقه بتضيع علي ناس متلزمنيش
والاقوي اللى يبدا يصالح حتي لو كان مش غلطان
عشان غلب شيطانه وسامح نفذ اوامر الرحمن

وعيوب كتير فينا فيها اللى يتقال واللى ميتقالش
يارب قدرنا نبعد بعيد عنا نلحق حياتنا منندمش