اغنيه سمسم
كلمات اغنيه على مسرح الدنيا
على مسرح الدنيا كلنا كلنا ممثلين
بنغنى على بعض ودايما في كدبنا في كدابنا هايلين
اللى دوره فيها طايش واللى ميت واسمه عايش
واللى مش عارف يعيش
اللى دوره يكون كبير واللى دوره يعيش فقير
واللى دوره ميتحكيش
رفع الستار والجمهور قاعد مستنى مين هيمثل مين هيغنى
اللى دوره يا ناس صغير ومن دوره باشا ومتهنى
ومين بيمثل غصب عنه مين اللى دوره اقوى منى
مين بيقول اهو دور وخلاص
وانا يا ناس واقف مستنى
اااااااااااه
على مسرح الدنيا
اللى واخد دور بطوله مع انه المفروض كومبارس
عمال يمدحلك في مواهبه يندهلك يديلك درس
واكمنى الدنيا مطعواه ماشى يرازى في خلق الله
دايما يحسد عيشه غيرو ومفيش حاجه يا ناس عجباه
على مسرح الدنيا
واللى دوره يقول تمام دايما تلاقيه شكله كبير
واللى شاطر في العلام على المسرح طالع دوبلير
واللى موهوب في المشاعر واللى مليان بالاحساسيس
دايما بختو وحظو قليل دوره تملى ورا الكواليس
على مسرح الدنيا
واللى عملى صاحب وقريب قدام منك اوفى حبيب
اول مانت بتديلو ضهرك تلاقيه فجاه اتحول ديب
واللى رصيدو في دنيتو فاضى ومحدش يوم خد بايديه
واللى بقدره وحكمته راضى دنيتو قاسيه وجايه عليه
ااااااااه
على مسرح الدنيا
اللى هقولو هقولهلكم بامانه
الناس راح تفضل تعبانه طول ما شيطان الشر هارينا عمر ما يبقى الخير جوانا
وكان خلاص كله اتبرمج على الظلم وعلى حب الفوضى
كلنا على بعض بنتفرج وبقينا يا حول الله
ااااااااه
على مسرح الدنيا
كلمات اغنيه على قيد الحياه
لو يرجع بيا الزمان واللى راح يرجعلى تانى تانى
واللى ضاع من عمرى كله هبديه واعيشو تانى تانى
كنت هعمل حساب لبكره كنت هبدا من جديد
كنت افكر الف مره قبل ما الاحزان تزيد
والقى نفسى خسرت نفسى القى نفسى خسرت نفسى
والندم مبقاش يفيد
كنت هبقى حد تانى الخير ماليه حد راضى باللى مقسوم بس ليه
واللى ضيعتو بايديا وبرضايا كنت هعرف قيمتو واحافظ عليه
عمرى كنت هعيشو في النور ويا ناسى مش هخلى عشانى حد في يوم يقاسى
وادى ضهرى للى خلى قلبى يقوى خلانى اخسر نفسى وابقى عنيد وقاسى
لو يرجع زمان وكل اللى كان
كانت حاجات اتغيرت ولقيت مكانى
كنت هجرى على امى وابكى وابوس ايديها
وابقى عايش عمرى كله بس ليها نفسى ترجع بيا ثانيه وتسامحنى
ياما خليت الدموع تجرى في عنيها
وانت يابا ياللى كنت خايف عليا شوفت منى كتير وبردو نصحت فيا
كنت اسمع كل كلمه قولتهالى وارمى من قلبى اللى مات كل القسيه
لو يرجع زمان وكل اللى كان
كانت حاجات اتغيرت ولقيت مكانى
كنت هبنى حالى من اول واحاسب للقى نفسى في دنيا قاسيه مليش حبايب
واللى فكرو هيبقى سدنى وهيساعدنى فجاه القاه بين ايديا ضعيف وشايب
كنت هعمل بيت صغير يبقى ليا القى فيه ايدين تطبطب يوم عليا
كان هيبقى ليا حد عايش عشانه حضن دافى يشيل همومى ولو شويه
لو يرجع زمان وكل اللى كان
كانت حاجات اتغيرت ولقيت مكانى
بس اه ويا ميت خساره على اللى كان عمره ما بيرجع بضهره الزمان
ادى حالى اللى معملتش حسابه سبنى وحدى بين عذاب واربع حيطان
الدموع في عنيا واللى في قلبى اااه ايوه ميت بس على قيد الحياه
واللى بكره هسيبو بعدى يبقى زكرى ورقه بيضه اسمها شهاده وفاه
لو يرجع زمان وكل اللى كان
كانت حاجات اتغيرت ولقيت مكانى
كلمات اغنيه اخرتها كده يسيبونى
اخرتها كدا يسبونى كدا بنزف هم ويمشو وعادى قلبى يموت على ايديى قصادى بسهوله كدا
اخرتها كدا يسبونى كدا اللى عشان يبقى في يوم ليا باسو يا دنيا تراب رجليا
يرمونى كدا
اللى عشت العمر ليهم حضن دافى اللى شيلت هموم قلوبهم فوق كتافى
ليه يسيبو في قلبى همه يدبحوه من غير ما يسمو وفى جراحه اتخلو عنه بسهوله
كدا
الا انا قلبى بصم بالعشره على اخلصهم باعو العشره وردو الجميل
خلو اللى ما يشترى يتفرج على دمعى ويقول ويهرج دا جزاء الاصيل
ليه يا زمان خلتنى اطاطى وترفع ليه من قيمه الواطى ودى بردو الاصول
ولا الطيب في الدنيادى ملهوش عيش ولا مكان كدا فاضى وعذابه يطول
من النهرده القلب الابيض فيا مات وحقى هاخدو يا دنيا منهم من سكات
واللى جرحنى في قلبى وهده بكره يا دنيا ييجى ههده وهعلم عليه
وهوريه الوش التانى ومهما دموعى هتترجانى هسيبها في عنيه
مش هرحم ولا حتى هسمى هجرح فيه وانا قلبى مغمى بتمن اللى راح
وهفصلو عذاب على قدو واوصى عليه الهم يشدو يرميه في الجراح
