عبارات عن التغيير

(هيراقليطس)بصراحه المقوله دي عجبتني اوي صح 100%

علينا ان نكون نحن التغيير الذي نود رؤيته في العالم

(غاندي)

مش عارفه ليه حسيت من المقوله دي انها لازم تكون هدف لكل واحد فينا

خصوصا اننا افكارنا فيها اعتراضات كتير على الواقع اللي حوالينا

ولازم نسعى احنا بالذات اننا نغيره

الضروري لتغيير انسان هو ان تغير فكرته عن نفسه

(ابراهام ماسلو)

بصراحه انا جربتها مع واحده صاحبتي كانت رافضه تماما انها ممكن تعمل حاجه وفاقده الامل
ف نفسها

بس غيرت فكرتها عن نفسها وعرفتها القدرات اللي عندها واللي تقدر تعمله بيها والحمد لله
لقيتها اتحسنت نفسيا نوعا ما

بس مش بقيت بتابعها زي الاول للاسف بس المقوله فكرتني بيها

التغيير عنيد كالزمن ومع هذا فلا شيء يقابل بالمقاومه اكثر منه

(بنيامين دزرائيلي)

مشكلتنا اننا نكره التغيير ونحبه في نفس الوقت فكل ما نريده هو ان تظل الاشياء
كما هي ولكن تكون افضل

(سيدني هاريس)

وقتما تجد نفسك في صف الاغلبيه فقد حان وقت التغيير

(مارك تواين)

دي بصراحه جااامده لانها حصلت معايا برضو

هتحسس كل واحد فينا انه لازم ياخد وقفه مع نفسه ويشوف انا فين

ومحتاج اتغير او لا

او حتى من غير كده …. نقعد مع نفسنا ونشوف ايه اللي فينا غلط ولازم
يتصلح

الامر ليس ان بعض الناس يمتلكون الاراده وآخرون لا يملكونها

بل ان البعض مستعدون للتغيير والآخرون لا

(جيمس جوردون)

دي كمان عجبتني وبصراحه حبيت اركز عليها عشان اوصل لهدف معين

الكلام ده معناه انه ممكن اتنين يكون عندهم اراده بس واحد منهم مستعد يتغير للاحسن

والتاني واقف محلك سر مش عايز يغير حاجه او بمعنى راضي بحاله (انا كده كويس
والحمدلله)

يعني عشان تتغير لازم يكون عندك اراده مش عشان عندك اراده يبقى هتقدر تتغير

من الكلام ده كمان عايزه اوصل لنقطه انك ممكن تاخد قرار خطا في وقت خطا
ليه؟

عشان لجات الي التسويف

ممكن التسويف ياخدك بعيد ووقتها مش هينفع قرارك اللي اخدته بعدها

شغلت نفسك بحاجه مش مهمه باطل يعني غير الحق المهم اللي كان المفروض انك تركز
عليه حياتك ووقتك

عشان توصل لحاجه صح او حتى تغير من نفسك من الحاله اللي عليها انك تعلى
احسن ما انت ثابت كده

عندك روتين كله بيتكرر كل يوم من غير اداء لواجباتك بل بالعكس انت لو كملت
كده كل ما دا هتبقى ف النازل

والكلام ده بصراحه انا قولته لاني حسيت باهميته جدا ف الاجازه دي

وخصوصا النهارده لاني مقدرتش استغلها كويس بالرغم ان عندي الاراده ومستعده للتغيير

الحمدلله يمكن اكون قدرت النهارده اتغلب ع النقطه دي بس للاسف متاخر

ويمكن وقت الدراسه كنت مشغوله وحاسه اني بعمل حاجات صح وعايزه هدف

بس لما جه وقت الاجازه والفراغ الواحد حس انه مش هو او انه اتغير وبيضيع
وقت موجود

وثم ين المفروض يستغله وبنصحى متاخر ونسهر بالليل يعني كله غلط ف غلطا

لاني كمان في الاجازه دي كل شويه باجل اللي ورايا واقول بكره هعمل او هنزل
بكره

او هقرا الكتاب ده بكره وهكذا لحد ما هلاقي نفسي بكره الدراسه ومش هعمل اي
حاجه من اللي كنت عايزه اعمله

يعني التسويف والتاجيل هو اكتر حاجه غلط ممكن الواحد يعملها في استعلال وقته

وده لضعف ارده منك او كسل ومايصدق الشيطان ويساعدك فيه لان ده من اهدافه

اتمنى الموضوع يعجبكم

وعايزه اسمع رايكم ومناقشتكم

• عبارات عن التغيير
• كلام عن التغير
• كلمات عن التغيير
• عبارات في التغيير
• عبارا عن التغير
• صور عن التغيير
• عبارات للتغيير
• كلام جميل عن التغيير
• كلمات للامل في التغيير
• كلام عن التغيير الايجتبي