جامل وابتسم واضحك وانا في داخلي مقهور
احاول اكتم احزاني ورى صدري واخبيها

احاول اكتم همومي واخبيها وانا مجبور
واحاول قد ما اقدر ابعد عن حراويها

لو اني كنت بنطقها مع انها واقفه بالزور
… ولكن لازم اكتمها ولا ابين معانيها

ولو بعض البشر تدري وتكشف خافي المستور
… اببلش في شماتتها وابتعب من حكاويها

طبيعه ماتفارقهم طبيعه من قديم عصور
… ورا حكي القفى تطرد وتنبش في خوافيها

واذا طاح الرجل مره وصار من الزمن مكسور
… تجيله طعنه بظهره تفاجا مادرى فيها

تفاجئ مادرى باللي بيصير ومن وراه يدور
…وخابت هقوته فيهم بعد ماكان هاقيها

لجل هذا كتمت الهم في صدري وانا معذور
… همومي في وسط قلبي اخبيها واخليها

واذا زاد الحزن فيني كني وحيد بعالم مهجور

… كاني بدنيتي وحدي وكل الناس جافيها

واذا ودي ابوح بهم ابد ما اكتبه بسطور
… همومي بس في نفسي الحنها واغنيها

مصير الهم يترحل واعيش بدنيتي مسرور
…مصير الهم ينساني ونفسي ما يعنيها