كلام عن الزمان
بيقولوا كفاية كلام عن الحب
كفاية كلام عن الهجر و الفراق
والشوق و البعد و القرب
خلينا بقي نتكلم جد
نكتب بس عن الحرب
عن الغلاء عن الفساد
عن الغلب
نموت مشاعرنا
نجمد احاسسنا
نعمل اعتصام نشد الحزام
بكدا هانحل المشاكل
واللى نايم جعان
هايقوم الصبح اكل
وكمان هاترجع الكهربا
وهايتفك الحصار
وهايرخص كمان الخضار
لو بطلنا كلام عن الحب
الدنيا ها تزهزه
والورد هايفتح
ومشاكلنا كلها ها تتحل
اصل الكلمتين الحلوين
بينسوا الناس همومها
واحنا ننسيهم ليه
خليهم فاكرين
نايمين صاحيين متنكدين
طيب الحل ايه
نموت مرتين
مرة باحساسنا
ومرة بهمومنا
معقول ياناس
فى ناس جامدة
زى الحجر
عايزة تقتل جوانا الاحساس
نفضل شايلين همومنا
ونعيش دنيا ما تنداس
فيها الحب بقي غريب
والضحكة شيء مريب
والنكد دا مكتوب و قدر
هم دول يا ناس بشر
وانا
مش ها اسمع كلامهم
وها اعمل مش و اخدة بالى منهم
وها اكتب و اكتب
واللى يقول خلية يقول
- كلام عن الزمن
- كلمات عن الزمن
- عبارات عن الزمن
- كلام عن الزمان
