كلام غزل عراقي

 
حبيتك رغم
كل المسافات
وانه ادري بمحبتي ما توفيك
انه ارتاحلك
من تحچي وياي
وانه ارتاح كلش من احاچيك …
هاك الروح
اخذهه وياك للدوم
اخذ عيني اخذ كلشي اليكفيك ..
خليني بمزاج
اتغزل وياك
حته براحتك وياي اخليك ..
سميتك حبيبي
لعده اسباب
لان هواي اسامي تجمعن بيك ..
اذا من الگمر
انت احله بهواي
هلال العيد يمكن راح اسميك …
من اسمع ضحكتك
انسه دنياي
چا يمكن اموتن من الاگيك …
حبيتك تعال
لگلبي خطار
دگاته تصيحك ما تجي شبيك …؟
وبلياك؛
ما ارهم بلياك
واذا تبعد عليه بگلبي ادنيك ..
واذا تزعل
اجيك زحوف للبيت
واشلعلك عيوني وبيهه اراضيك

• غزل عراقي
• كلام غزل عراقي
• أجمل عبارات صداقه باللهجه العراقيه
• كلام تغزل بعراقي
• كلمات تعال شبعك حب
• كلمات غزل عراقي
• كلمات غزل عراقية