كلام قوي جدا

كلمات قويه بالحيل والله جابها بالصميم!!!

كلمات الشاعر عبدالرحمن بن مساعد
( رئيس الهلال )

المشهد الاول

وحده مزيونه بالحيل…….و حبيبه …
بس تخون!!!!
وش اسوي بجمالها؟؟
بياخذها الزمان و تبقى عجوز……
عادي……..طاح الحطب………. و حلوه الحياه

المشهد الثاني
ملتزم ……
يصلي كل الفروض……..
و اذا تعب….. فوت صلاه الفجر
واذا شبع راحت صلاه العصر ……
و عنده دش……..و يكذب كثير
و اذا صحى الصبح ……مشط اللحيه
عادي……..طاح الحطب……….. و حلوه الحياه

المشهد ال ثالث

غني و ظالم ………
يطرد المساكين……و يستغل الضعوف
مغرور و فاسق……
و مجلسه عامر ……..
كل يبهر له……..
و مع ذلك يجمع حسنات…….من كثر اللي يسبونه
عادي………طاح الحطب………. و حلوه الحياه

المشهد الرابع
يكد يدرس و يشتغل………
لاجل يبني مستقبله…….
تزوج و جاب عيال……ثم تقاعد
صار يسكن في مكان…..و ام عياله في مكان
والسبب العيال……
صار دار المسنين بيتهم…………
عادي……..طاح الحطب………. و حلوه الحياه

المشهد الخامس
تغازل و تاخذ ارقام………..
و تطلع مع هذا…..و تواعد هذاك……..
و يوم طاح الفاس في الراس……..
بكت ……..
و راحت تشكي لامها غدر الزمان…….
طبطبت عليها امها وقالت:
ولا يهمك ……سفره لمصر…. وشويه سيوله

و ترجعين بنت……
عادي……..طاح الحطب………. و حلوه الحياه المشهد السادس
مرفوع الكفن ابيض …….
وصاحبه وسط البياض………
بعضهم يبكي…….و بعضهم عادي
دفنوه…..و تبكبكوا شوي
و اخر الليل سكارى………
عادي……..طاح الحطب………. و حلوه الحياه

المشهد السابع
سياره مسرعه ……..
و تدعس لها واحد………
مسكين هندي……….
و العسكري صديق الطايش ……..
والخطا نصه على الهندي……
والباقي على ابو الطايش …………
و في الليل…..الطايش يلعب بلوت
عادي……..طاح الحطب………. و حلوه الحياه المشهد الثامن
قاروره مويه ……
ما تضره …….طايحه في السياره
يناظرها بغضب…….زعلان منها
و يفتح الشباك …..و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي……..طاح الحطب……….. و حلوه الحياه المشهد التاسع
اهم شي الثوب نظيف…….و الشماغ مكوي……
و القلم ماركه ……والساعه تضوي……
و الجزمه جلد…….والسياره عجب ……
و تلفونه م ا يسكت……
اما بنات…..
او البنوك تبي فلوسها…….
..عادي………طاح الحطب………. و حلوه الحياه

المشهد العاشر
سطحيه …….و مغروره
غبيه ……و متكبره ……و يا ريتها حلوه
تب ي زوج مواصفات……
ما يقول لا…….ويكره الاستراحات
لازم وسيم…..و انيق…..و متعلم…..و دخله ممتاز
و يحب السفر………
و بعد سنين…….تلاقي نفسها في الانترنت
تدور واحد يقبل بها……..
عادي……..طاح الحطب………. و حلوه الحياه

المشهد الحادي عشر
فتح الكمبيوتر……
و دخل للمنتدى……و كلامه ما يتعدى ان الموضوع روعه و رهيب
و هو ما قراه و لا يعرف كاتبه……..
بس يبي يزيد المواضيع موضوع ………
ويزيد همومنا هم………
علشان يصير صاحب الالف موضوع……
و يتميز……..
والمشكله انه يتميز ………..
عادي……..طاح الحطب………. و حلوه الحياه

المشهد الاخير
الكذب اثم ………ومع ذلك نستخدمه
و ندري ان هذا حرام……..و مع ذلك نجربه
نتذكر السهره و الفرح و السفر…….
و ننسى الجالسين على كتوفنا ………
و نتناسى ان معهم كتاب يسجل افعالنا و نياتنا…….
كل شي محسوب…….
حتى النظر ……
نسينا ان ورانا يوم…….علاماته قربت
ومع ذلك كلنا ناسين…….
ان بقيت على حالك تتناسى …….لازم تعرف
ان ذاك اليوم مهوب عادي
وانت الحطب
و ما به حياه >>>