كلام ليبي مضحك

هذه مجموعة من النكت الليبية لميتها في موضوع واحد و ان شاء الله تنال اعجابكم

* 10 مجانين اتفقوا يلعبو لعبة قص الشارع واللي تعفسه سيارة يطلع من اللعبة؟؟

* مرة فيه زوز مجانين يلعبوا فوق الحيط واحد طاح في خزان الميه… امشي الثاني
انزل بيتلاقاه من الشيشمة.

* زوز سكارة يتخاصموا الاول يقول الوقت نهار والثاني مصر علي ان الوقت ليل… خطم
عليهم واحد سكران زيهم سالوه علي الوقت نهار والا ليل… قاللهم: سامحوني يا جماعة راني
منسكنش هني.

* * فيه حوات يصطاد في الحوت بالسنارة… اكمل منه الطعوم… نصب بي فولة… شد
واحد عجيلي.

* واحد ماشى في الشارع لقي زحمة وفيها واحد يصيح ويقول… حماتى حماتى… جاه وقاله…
خيرها حماتك… رد عليه… الحمار…
الحمار رفسها موتها… قاله والناس هادي كلها جاية تعزى!! قاله لا… هادم جايين يبو يشروا
الحمار.

* ترهونية شرت خلاط… داراته غسالة شغاشير.

*مصري وتونسي وترهوني حكموا عليهم بالموت وخدوهم للساحة في وسط المدينة… وخيروهم في طريقة الاعدام.

المصري اختار الاعدام شنقا… شنقوه وقتي… والتونسي اختار الموت بالكرسي الكهربائي… فكان محظوظ… لان الكهرباء
قاطعة فعفوا عليه.
وجي دور الترهوني… سالوه “كيف تبي تموت؟”… قاللهم… رميا بالرصاص… واحد من الجمهور … قاله
“علاش ماقولتش بالكرسي الكهربائي”… الترهوني طوالى رد عليه مش قالوالكهرباء قاطعة.

* فيه عائله ليبية تسكن جنب عائله مصريه وكان الزوج المصري يغازل زوجته ويقول: “حبيبتي
شايفه القمرهناك”… قالتله ايوه يا حبيبي قاللها انتي احلى منه… سمع الليبي هذا الكلام فقال
لزوجته”رجعة”: “تشوفي في القمر يارجعة” ردت عليه ايوه… تحسابني عورة زي اختك.

* فيه مرة واحد فمه مائل “ادفل” خشت في و دنه.

* واحد بخيل… قرر يدير موقع على الانترنت سماه www.don’t come

* فرنساوية وانكليزية وعربية اتفقوا يخلوا رجالتهم يساعدوهم في شغل الحوش… غابو علي بعض شهر
بعدين تلاقو…
قالت الفرنساوية والله اول يوم باهي فرش الكريولة ثاني يوم ساعدني في المطبخ… يعني ماشي
حاله…
قالت الانكليزية والله اول يوم ناض دار قهوة ثاني يوم غسل شخشيره… يعني بيمشي حاله
مع الايام…
قالت العربية اول يوم ما شفت شي تاني يوم ما شفت شي ثالت يوم وليت
نشوف بعيني اليمين شوية…(يعني اعطاها طريحة).

* واحد رجباني ماشي في الشارع لقي تزدان ولقي فيه فلوس… فرح… ولقي فاتورة كهرباء
وتليفون… امشي خلصهم؟؟؟

* فيه مدرس سال واحد من التلاميذ… شنو الحيوان اللي يصحيك لصلاة الفجر قال التلميذ
بابا.

* مصري وترهوني اتلاقوا في الباص… المصري قال للترهوني “ح اعلمك حاجة تعيش منها… فن
السرقة”
قال الترهوني “يلا ورينا “…
قال المصري “شوف رح اعمل ايه”… حط المصري يده في جيب واحد واخذ تزدانه بدون
ما يحس به.
نزلو من الباص… وقال الترهوني للمصري… توا اني نعلمك حاجة متنساهاش طول عمرك… وبدي يصيح
يابوليس تعال… خانب خانب تزدان.

* واحد ترهوني قال لولده: برا اسقي الغرس في الجنان… قال الولد: بابا المطر تصب…
قاله بوه: هذا مش عذر خود معاك مضله.

* رجباني شرا تاكسي… ماشي بها في الشارع… الناس ياشروله ويقولوله: تاكسي تاكسي… يقوللهم: عارف
والله عارف.

* دكتور عظام طلع في الليل جروا وراه تم التحرير من الادارة

* ترهوني يجري وراء خانب… سبقه.

* ترهوني نزل للمدينة شاف جسر للسيارات قال: الله يبارك في الحكومه اللي ترفع في
الشوارع بعيد علي الصغار.

* طبس ولد ترهوني علي بير… شاف وجهه علي الميه… يحسابه خانب… امشي لامه وقاللها
“امي فيه خانب لابد في البير”…

• كلام ليبي
• كلام ليبي مضحك
• كلام حب ليبي مضحك
• شعر ليبي فكاهي مكتوب
• كلام مضحك ليبي
• رد الكلام بالليبي
• شعر ليبي مضحك على البنات
• شعر ليبي مضحك
• فقش بالليبي
• شعر ليبي فكاهي عن شباب