كلام مساطيل
دول حكايات المساطيل
مره واحد بيحشش بيقول لصحبه امبارح جيت اسحب نفس قالوا لى ملكش رصيد
سكران ماسك الفرخه بتاعته ..قاعد يضرب فيها يضرب فيها ويقولها: كل يوم بيض بيض مافيش
جبنه
مره واحد حشاش لما قبض مرتبه راح البيت وقعد يقسم المرتب 100 ايجار – 100
مصروف بيت -200 حشيش وفجاه وهو قاعد سمع خبط
على الباب فقال مين رد عليه اللى بره قالوه بوليس فراح مقطع ال200 جنيه حشيش
واحد مسطول راح مطعم وقال لصاحب المطعم سندوتش طعميه من غير سلطه .. صاحب المطعم
كمان مسطول قال له من غير سلطه ايه؟
قال له : من غير سلطه قوطه – صاحب المطعم : ماعنديش سلطه قوطه اعمله
من غير سلطه طحينه ؟؟؟
مسطول بيقول لصاحبه : يا اخى امبارح دخلت فيلم هندى هايل بتاع راجل و ست
ماشيين لقوا طفله في اللفه خدوها و ربوها لغايه ما كبرت وفى الاخر طلعت امهم
اتنين محششين بيتفرجو على مطش فالمزيع بيقول “دربكه في الدفاع دربكه في خط الوسط دربكه
في الهجوم اوبااااا جوه الجون” فالمحشش قال لزميله “اظاهر ان دربكه ده لعيب ميه ميه”
اتنين سكرانين ماشيين في الشارع لقو عمود نور.. واحد قعد يخبط عليه فصاحبه قاله ده
باين مافيش حد.. قاله ازاى ده النور منور
واحد سكران قاعد بيشرب خمره وعنده بغبغان كل شويه البغبغان يقوله هات كاس يقوله اقعد
ساكت هنتفلك ريشك البغبغان يقوله هات كاس يقوله اقعد ساكت هنتفلك ريشك جرس الباب رن
قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان
قاله شربت الازازه وادى الريش اللى انت قارفنى بيه اهو
مسطول لابس جزمه فرده بيضه والتانيه سوده …. قابله مسطول تاني وقاله: “ايه ياواد الجزمه
الشيك دي. راح المسطول
الاولاني حط رجل علي رجل وقاله: وشرفك انت.. عندي جوز جزم تاني في البيت شبهه
بالظبت
مره ثلاث مساطيل راكبين عربيه ففجاه العربيه وقفت فواحد قال للتانى :”انزل شوف العربيه مالها”
فنزل مطلعش فنزل التانى يشوفه مطلعش فنزل الثالث قال لهم :”فيه ايه ؟؟” فقالوا له
:”هسسسسس العجله نايمه “
واحد سكران كان بيعاكس وحده وحشه اوي بالليل فكان بيقول لها يا وحشه يا وحشه
راحت ملتفته ليه وقالت له يا سكران راح قايل لها طب انا
سكران حفوء بكره وانتي
مره اتنين مساطيل قاعدين ومعاهم مرايه فواحد مسك المرايه وبص فيها وقال الشكل ده مش
غريب عليا راح التانى مسكها وبص فيها وقاله ايه يا عم انت مسطول ده انا
نمله ماتت على الشط فبيسالو مسطول تعتقد ليه ماتت؟ قال ضحايا تايتنك
مره واحد مسطول قابل واحد قاله الساعه كام قاله خمسه وخمسه فرد عليه المسطول وقاله
ما تعرفشى تقول عشره وخلاص
مسطول حب يعمل برا ءه اختراع جاب ضفدعه وقالها “اقفزى” فقفزت فقام بقطع احد ارجلها
الاربعه وقال لها “اقفزى” فقفزت فقام بقطع رجل اخرى وقال لها “اقفزى” فقفزت فقام بقطع
الرجل الثالثه وقال لها “اقفزى” فقفزت قفزه صغير فقطع الرجل الاخيره وقال لها “اقفزى” فلم
تقفز فقام بكتابه (ملحوظه : عند قطع ارجل الضفدعه الاربعه تفقد حاسه السمع)
مره واحد مسطول ماشي قدام مزرعه لقى مكتوب عليها من بره ((مزرعه عجول)) دخل للبواب
وقاله “يا عم انت بتزرعوا العجول ازااااي ؟” البواب شافه مسطول قال اراضيه بكلمه علشان
يمشي قاله “احنا بنرمي السكر على الارض وتاني يوم بتطلع العجول.” روح المسطول البيت ورمى
سكر على الارض تاني يوم لقى النمل كتييييييير على الارض قلهم “يا حلاوه العجول وهي
صغيره “
- كلام مساطيل
- صور مساطيل
- كلام مساطيل مضحك
- كلام مساطيل عن الحب
- مساطيل
- كلام مسطول
- كلام مصاطيل
- كلام مسطيل
- عبارات مساطيل
- صور مصاطيل
