كلام ناس

لايهمك كلام الناس الي ما يودي ولا يجيب افعل الخير ولاتنتظر ردهlosha – www.losha.net
افعل الخير واجعله ل الله عز وجل
في حياتي ناس كثير وانا بطبعي فاعل للخير واحسن للغريب و القريب
ولا اتوقع في يوم رد الجميل
لاني صادق في نيتي وفعلي وضع الخير في محل الخير
كثير من الناس جاحد وحاسد ولا يذكر لك اي معروف فعلته له في يوم من
الايام
و دايم انت الغلطان في نظره ولو فعلت له الخير في اكثر من مكان
و زمان وطلبك وما رديته في يوم فضلته على نفسك وشغلك ومصلحتك وقلت رضاه اول

كثير صدمت من القريب و الغريب بجحوده ونكرانه
وانه يتمنى اني اطيح و لا ارجع
لاتفه الاسباب لغلطه صغيره يكبرها وكحلها قدام البشر
ويكره فيك خلق الله ويقول هذا الي فيه وفيه
ويصور لناس شي وانت غير
صارت معي كثير ولاموني احبائي واصدقائي كثير
على طيبتي وقلبي
كنت اقول في نفسي متى صارت الفزعه وقفتي معاهم مضره
وكنت اصد عنهم لا شفتهم
بس قلبي سموح بكلمه يرضى وينسى
و انطعن منهم مره ثانيه
و لا جيت اشكي قالو انت السبب من قالك تكون طيب معهم
وبعض الناس قالي انسى ولا تشيل هم وخيرك وطيبتك ل الله losha – www.losha.net
ما هو لهم
صدق ما قالو خيرك ل الله ما لهم
لاني سموح قالو نلعب معه نحرق قلبه
بس ابد ما نحرق قلبي ولا انتظرت كلمه شكرا او رد الجميل
خلهم يقولون عني ما يقولون انا اعرف نفسي مثل اسمي
الخير الي اسويه اجره عند الله
كثير انطعن قلبي منهم ويا كثر ما سمعت
بس ابد في يوم ما تغيرت انا مثل ما انا البارح
طيب القلب صادق النيه
وما يغيرني كلام الناس ابد وما اصدق الا عيوني واحساسي
ابي اقولكم كلمتين
لا يهمكم كلام عابر ماله اساس عندكم
و لا تفكرون فيه لان التفكير متعب وينقص العمر
من دون اي فائده
وكلام الناس ما ينتهي في يوم ويرمون بالكلام و يطرزونه
بطراز الشك والحقد و الكره
ليش اهتم لهم وانا عارف نفسي و عرفيني ناسي واحبابي
عارفين من اكون وش اكون
ليش اصدق كلامهم واحسب له حساب يكون ما هو بمحله
ابي اكون مثل ما انا اكون طيب القلب صادق النيه
و كثير من الناس ضعيف شخصيه ويصدق كل حرف ينقال له
ما يدري انه بيخسر اصحابه وناسه لجل كلام ماله اساس
اعرف الشخص المناسب وانت قيمه وادرس حياته
وبعدين احكم عليه
لا تمشي بكلام الناس وخلك قوي شخصيه
ماشي الناس وكون اجتماعي لجل تعرف الحياه
و انطعن مره ومرتين وتعلم درس الحياه
الحياه مدرسه لها دروس وحكم ومواعظ
المتعلم منها مستفيد والجاهل منها خسران
ولا تشتكي لاي مخلوق الا اذا عرفته وعرفت من يكون
و لا تعطي ثقتك لمخلوق يخون
و لا تعطي قلبك وحبك الا للي يستاهل
و اسال مجرب
ضاقت بي الدنيا وكثرت همومي و احترت وين اروح
وشكيت لانسان ما كان ودي اشكليه بس وش اسوي
كنت اظن انه مفرج همي ويخفف عني حزني
ما دريت انه انسان لعوب
وبدل ما انه يشفي علتي زادها عله وقهر
و عطيت ثقتي بمخلوق يخون علمته باحزاني
وكنت اتوقع انه البير الي ما تنفك غطاه
و كنت اتوقعه الصاحب الانيس
ما توقعت انه في ثاني يوم اسمع سيرتي على لسان من اكره
وعطيت قلبي وحبي لشخص ما ينعطى تراب
و حبيته بكل جنون الحب
وما خنته في يوم وكنت اوهم نفسي فيه لا غاب عني في يوم
وعطيته قلبي وكانت اشيل احزانه عنه وهو ما فكر فيوم
وش مكدر بخاطري
وحبيته لاخر رمق بالحب و النهايه كانت من عنده
تركني بلا وداع وخلاني افكر فيه واقول وش بلاه
او جات من عنده رجاء انساني ولا عاد اشوفك تسال عن اخباري
وخلاني في حيرتي افكر انا وش سويت
و بصراحه انا ما سويت شي
بس كنت مجرد كيس يرمى به الهموم و الاحزان
مع ان قلبي حساس ولاني حبيتها ما بغيتها تشكي لغيري
و النهايه روح خلينا نجدد القلوب
يحسبون ان كلمه احبك كلمه تنقال باللسان
ما يدرون ان هالكلمه تلعب باحساسي لعب
هاذي هي الحياه ضحك والم وجرح وبكاء
والناجح فيها الي ينسى وما يفكر فيها ابد
واقول الي باعني بتراب ابيعه بارخص من التراب
صح اني اتالم يوم يومين شهر ويمكن سنه
ولاكن ماني موقف حياتي على شان ناس ما تستاهل
الحياه مره مو مرتين نعيشها الحين
ونعيشها مع من نحب ونعطيه
الحب و الصدق و المشاعر و الاخلاص و الامانه
لا تنتظر احد ابد
و عيش حياتك بسعاده و اسعد من تحب
و اعمل على رضا الناس فرضا الناس
(( غايه لا تدرك ))