كلمات اغاني احمد مكي
TrackList01 – Intro
02 – ElRap Yabashar
03 – ElHassa ElSab3a
04 – Mante2ty
05 – Qatr Alhayaa
06 – Taraqto Babak
07 – Hallet Mahshy
08 – Ayamzaman 1 (sketch)
09 – Ayamzaman 2
10 – 100 -100 Kat Hatefre2
11 – Outro
مقدمه
شبه الجزيره العربيه هو اول مكان فى
العالم بدات فيه المبارزات الكلاميه . اتنين
شعراء بيتحدوا بعض قدام الناس في السوق
. كل واحد بيرتجل صيده بيهجو فيها
خصمه . واللى كان بيبهر الناس براعه
الشعراء دول و سرعه البديهه و الملكه
فى استغلال اللغه
حتى ان ربنا سبحانه و تعالى لما نزل
عليهم معجزه نزل القران الكريم علشان
فيه اعجاز لغوى . ولما قروه و قالوا
ان الكلام ده استحاله يكون في انسان كتبه
.. ده منزل من رب
و طور العرب الشعر اكتر و اكتر لدرجه
انهم انشاوا علم اسمه (علم العروض) و
هو تقسيم الشعر الى بحور حسب ايقاع
الكلام
والى الف ده (الخليل بن احمد الفراهيدى)
لما كان ماشى في سوق
الحدادين و سمع ايقاعات طرق السيوف و
الحديد ابتكر موضوع الايقاع في الكلام ده
.. الافكار دى وصلت افريقيا عن طريق
التجاره . و الافارقه بطبيعه ثقافتهم فيها
الايقاع و الطبل .. فقالوا الشعر على
الايقاع و الموسيقى ولما (كولمبوس)
اكتشف امريكا .. اخدوا بعدها كتير من
الافارقه معاهم كعبيد .. وكانوا بيحكوا
مشاكلهم و مشاكل الشارع على الايقاع
و الفن ده بدا يظهر و سموه (راب) وانتسب لامريكا بس هو في الحقيقه
اصله عربى
الراب يا بشر
بتلكم من قلبى كلام مش متزوق
ووصفه انه حرررر
بوصف بفصص بتكلم عن حاله الشارع
و الواقع المرررر
حواديتى مابتخلصش دى حدوته شارع
شد الطرف منها تكررر
باللهجه العاميه بتتغنى في اغنيه
وده هو الراب يا بشررر
شكل من اشكال الغنوه الشعبيه
رجع لينا تانى و ظهررر
مواضيعه قويه و جريئه مخدرات قتل
وحياه الخطرررر
وبرضو في ضحك و تريقه على الواقع وصراع
الانسان و القدررررر
فسى اغنى اغنيه و يقول الكورس فيها
غسان مطررررر
اعمل الصح …. اعمل الصح
هاهاهاهاهاهاهاهاهاهاهاها
الحاسه السابعه
مولد و اتفض محدش جوه قلبه رحمه
مش ممكن تعرف مين صاحبك بجد الا في المحنه
ما انا اصلى وقعت في كدابين الزفه ومنهم اتعلمت
فى ناس تحبك وانت عالى بس تسيبك لو وقعت
صاحبك بجد اللى يفديك بنفسه في الطوفان
مش هو بتاع القعده الحلوه الضحكه و الدخان
صحابى وقفوا جنبى طلعونى من ليل سرمد
الضربه الجامده لو مامنتش منها تبقى اجمد
منطقتى
اول صحاب و حب و عيديه كانت فيها هى
اكبر غواى حمام شربت منهم اصل الفيه فول
كل سطح في الطالبيه غيه فوق طبليه
غاويت غزار و بلق و شقلباظ عبسى و رميه
حمامها غطى الشمس في السما في المغربيه
حبى ليها مالوش سبب حاسسها حته منى
لو طلعت من منطقتى .. منطقتى مش طالعه منى
قطر الحياه
في كل لفه عقرب ساعه .. عمري بيتسرسب يعدي
الناس والدنيا بتتغير حتي الحديد بيصدي
وانا الوحيد واقف مكاني ثابت
في ناس اختارت سكه صابت ناس تانيه اختارت سكه خابت
احساس قاسي وصعب لما الناس تشوفك فاشل
ابوك وامك واخوك واصحابك شايفينك عاطل
قوم يابني اسعي وحاول .. والله غلبت احاول
ياما حاولت وقبل الجون مايجي يطلع فاول
معنديش مهاره او حتي كوسه وحستي حوسه
ودوست بعد اخر البنزين بدوسه
في كل مقابله شغلانه يتقالي لف نفسك
بشهادتك مدد بجنب اي حيط وخدلك بوسه
رجعت فلاش باك حسبت سنين عمري 30 سنه لقيت
حسبت تاني وتالت واتخضيت
ببص في المرايه كام شعرايه بيضا لقيت
وابويا هوا اللي لسه بيصرف ع البيت
بتعامل من عيلتي علي اني عاله
وحالتي حاله ثقتي بنفسي راحت النجاح بقي استحاله
نفسي اهرب من نفسي ومن حالتي ومن عيلتي ومن الدنيا
نفسي القي دنيا تانيه اهرب ليها لو حتي ثانيه
وفي يوم قالهالي صحبي واللي يدلك ع الطريق
ميفيدش الصاحب غير صاحبه اسمع من الصديق
قالي في قعده ضرب حلوه بليل عاملينها
سالته هاش ضحك قالي بيسه قولتله لممها
قالي متخفش مش ممكن تدمن من اول شكه
اقنعني .. بليل فعلا شكيت بيه اول شكه
مفاصلي ساحت وارتاحت وروحي راحت
بكلم نفسي من جوه وبرغي ومن بره ساكت
همومي شبه تاهت والرؤيه باهت في باهت
كل مشكله كانت عندي في الدنيا ماتت وتاهت
عدت ساعات في ثانيه لقيت الصحبه قايمه
دخلت بيتي وش الفجر عيلتي كانت نايمه
دفنت نفسي تحت البطانيه جسمي متلج
نمت ف اقل من ثانيه نومه واحد متبنج
قطر الحياه بيعدي بسرعه
سنه ف سنه ف سنه
وانا زي ما انا لما كان عندي سنه
هيا هيا الحياه .. هو هو دا انا
زهقت طهقت من الحياه .. تقدر تقول مليت
خلتني كنت رجعت تاني للواقع والعكننه
عدي النهارردا بطئ كانه كام شهر او سنه
نفسي النهار يعدي بسرعه واضرب تاني
هرجع ملك زماني بعيد عن العالم
خلوني اضرب معاهم كل يوم وبتعزم
خلاص دخلت السكه والطريق بيترسم
فاجئني صحبي ف يوم قلهالي في وشي خف تعوم
اجيب فلوس منين ليا وليك نضرب كل يوم
شخشخ جيبك يا من قعدتنا دي تكون محروم
من النهارده مفيش ضرب ببلاش .. مفهوم مفهوم
روهت وتاني يوم في معاد الضرب جسمي اتكهرب
كرابيك في ظهري ومنخيري سايله وبتسرب
عاوز اضرب ومنين اجيب فلوس منين اجيب فلوس
بدات استلف من كل اللي اعرفه وادوس
وحتي اخواتي خدت منهم ياما فلوس دروس
كله كرهني وبيهرب مني لاني بتاع فلوس
خمسين جنيه في خمسين في ميه في ميه
بسرق يوماتي فلوس من البيت وكله شك فيا
نزلت بعت كل حاجه جاتلي في يوم هديه
خلصت فلوس لحد في يوم ماجاتلي فكره هيه
هيا .. دهب امي وموبايل اختي ولاب توب اخويا
سرقتهم نزلت اهرب من البيت وقفني ابويا
حاول يمنعني مسكني من ايدي جامد زقيته
اتخبط في الحيط وبصلي ازاي ابنه واذيته
خد مني كل حاجه وتربس الباب غضب
ساعتها طلبت اغرب حاجه ممكن تطلب
عاوز فلوس حالا يا اما هرتكب جريمه
اتهمني بالجنون واداني كام شتيمه
ببان كل الاوض بتتفتح عيلتي بتتفرج
لسه بيستوعبوا يمكن دا جد يمكن بنهرج
سحبت بنت اختي 3 سنين ناحيه شباك
هاتوا الفلوس لارميها فجاه زاد الارتباك
امي بكت بحرقه قدامي .. فقت لثواني
رمتلي فلوس وبصوت عالي .. مشوفش وشك تاني
امشي ملكش ام يا ابغض من شيطاني
خدت الفلوس وجريت عارف مش راجع بيتي تاني
قطر الحياه بيعدي بسرعه
سنه ف سنه ف سنه
وانا زي ما انا لما كان عندي سنه
هيا هيا الحياه .. هو هو دا انا
زهقت طهقت من الحياه .. تقدر تقول مليت
خسرت كل اهلي وصحابي بقيت وحيد
ومنين هجيب فلوس لازم القي طريق جديد
فجاه افتكرت جار من سني ساكن لوحده طول عمره
ابوه في اعاره بره مصر وشهري فلوس يبعتله
شديته زي ما اتشديت انا لنفس الطريق
لقيت مصدر فلوس جددي وبيته لقيت صديق
نضرب سوي بفلوسه وفي بيته ملناش ظهور
شقا سنين ابوه خلص كله في اربع شهور
وفي ليله بنضرب جاتله مكالمه مصدقهاش
ابوه عرف ان ابنه بيسرقه اتنقل انعاش
كل عصب في جسمي اتوتر .. زودت الجرعه اكتر
الجرعه المعتاده خلاص مبقتش تاثر
شريط حياتي بيتعرض قدامي لخبر فاخبر
ضربت سنجه في عروقي زودته اكتر واكتر
نفسي افني واخلص من الدنيا زي الميه اتبخر
كمان زودت سنه جسمي كله اتلون اصفر
صحبي اتفزع قام واتسرع مالك اصفر ليه يا جدع
جسمك عرقات وبتترعش زي اللي م الحيه اتلدع
رغم اني غرقان م العرق جسمي متلج موجوع وجع
من خضتي جيت اصلب طولي جسمي ع الارض اترزع
جسمي رافض كل امر مني القوه اتهدم ت
والدنيا بتضلم تدريجي وواحده واحده اسودت
اخر لقطه في حياتي شوفتها كانت ماساه
صحبي مرعوب وبيراقب فراقي للحياه
قطر الحياه بيعدي بسرعه
سنه ف سنه ف سنه
وانا زي ما انا لما كان عندي سنه
هيا هيا الحياه .. هو هو دا انا
زهقت طهقت من الحياه .. تقدر تقول مليت انا
عمري بسرعه انتهي رجعت شريط حياتي
ملقتش في حاجه عدله تتذكرلي عملتها
حياتي راحت مني كلها ضيعتها
ندمنان عل كل لحظه غمقي في يوم انا عشتها
يارب اديني فرصه تاني ارجع للحياه
همشي في طريقي صح لحد اخر المنتهي
دي حاجه صعبه فعلا انك تختفي م الدنيا
والناس مبتفتكركش بحاجه حلوه لوجه الله
طرقت بابك
اسمع دوام الحال من المحال
صدقنى بكره الشمس تطلع مهما ليلك طال
مهما مراكبك عطلت و قفت ماتكتئبش
سيبها على الله واتوكل صدقنى بكره تمشى
رزقه انقطع او رزقها اتصاب بامراض مش قدها
ودعت ناس من كل قلبك تحبها
فى دول مسير مش بيدك ولا بيدها
كل اللى في ايدك تسعى وتدعى ربك فكها
هو الوحيد اللى في اديه مفتاحها و حلها
حله محشى
خد يا واد حله المحشى دى ووصلها لخالتك
ونزلت على الناصيه نطيت في ميكروباص الجيزه
مكتوب عليه برنس الليالى و مزيكته كانت لذيذه
سواقه سيس و حاطط في خرم ودانه بريزه
ومطول ضافره الاخرانى قذاره بالغريزه
ايام زمان 1
ايام زمان
يا سلام على ايام زمان
انا عايز اقولك ان جسمى بينتابه القشعريره
لما اتذكر
اغنيه اطفال من ايام زمان
او حتى كارتون قديم
فين كعبول الاكول
فين اليس الابيض
دا دا حتى الكابتن ماجد بيجيب الجون فى
ست حلقاات
وبحب كمان ماوكلى فتى الادغال
وجرانديزر
والباور رينجرز
والسنافر
واخص بالشكر السنفور المفكر
فاكره حضرتك الاغنيه دى؟؟!! دى هم
المم
هم المم
اغنيه رائعه بدل و فوق الرائعه ايضا
عندما اسمع هذه الاغنيه لعابى بيسيل
لانى باتذكر امى الله يرحمها وهى بتاكلنى
البليله وبتغنيهالى
كانت ايام
كنتى بتاكلى التفاحه على انها خيارايه لايحه
اسمك ايه الاء
اسمها ايه
الاء
اسمك حلو اوى يا الاء
اسمك الاء ايه؟
الاء طلعت
الاء ايه ؟ طلعت؟
شاطره اوى
انتى عندك كام سنه يا الاء؟
2.5؟
3؟
قولى عروستى بصوت عالى يا الاء
عروستى
انا انا انا ابريق الشاى
تيجى كده بوزه
اصب الشاى و ارجع كده
توت توت توت توت توت توت توت
ايام زمان 2
ايام ما كان الواحد حاسس بالامان
بنعيش اليوم بيومه مش فاهمين غدر الزمان
صفحه اعمالنا بيضه احباب الرحمن
لسه ما فهمتش معنى الخبث .. معنى الخيانه
لسه ما فهمتش ان فيه ناس سوسه و جبانه
ناس تطعن فيك من ضهرك وفى وشك تديك ابتسامه
تطعن فيك من ضهرك وفى وشك تديك ابتسامه
حتى الفلوس بالنسبه لى شويه ورق
عشان خاطر الفلوس انسان قتل انسا سرق
الناس بقت على الفلوس مسعوره وفى سبق
اللى يبق كال النبا مش صدق صدق
نفسى ارجع انام على سريرى بتاع زمان
اول ما كنت احط راسى على المخده انام
مش شايل هم .. شايف كارتون حاسس سلام
دلوقتى النوم بيهرب التفكير من الالام
كان قلبى طيب ابيض ناعم غير خدوش
اتحول غامق متجرح غريب و ماعرفوش
ببص في المرايه مافهمتش ايه الحكايه
انسان بوش و متشوه لابس ماسك البشوش
كل اما بكبر حجم زنوبى بيكبر
واقول مش هذنب واذنب اكتر و اكتر
كل اما بكبر جزء من وش الدنيا المتشوه يظهر
واعدائى بتكتر
وبتفضل اعدائك تكتر طول ما انت بتكبر
اقرب ناس ليك هما اشرس اعدائك دى افجر
وشى زادت خطوطه كشر .. وقلبى اتحجر
بطلت احس زى الال بقى صعب اتاثر
بطلت انى اضحك من قلبى بطلت اعرف اكركر
قيمه معنى الصراحه راحه ما تتحسبش
الناس كل اما بتكبر فوق وشوشها بتلبس وش
عشان الدنيا تمشى كله بينافق و يغش
لو تكره حد و هيفيدك كرهك ليه ماتبينش
وانا صغير لو كنت احب حد احضن و ابوس
ولو كاره لحد وشى بيبدا في العبوس
فكره ان اللى جوه غير بره مش في القاموس
كل اللى باين على المسرح هو اللى في الكالوس
لسه فاكر لذه اول مره في كل حاجه
طول ما نت بتكبر لذتك بتتقتل اعاده
وبتفضل تتقتل و بتتحول من رغبه لعاده
حلاوه طعم الاكتشاف تقلب لقهوه ساده
كان قلبى طيب ابيض ناعم من غير خدوش
اتحول غامق متجرح غريب وماعرفهوش
ببص في المرايه مافهمتش ايه الحكايه
انسان بوش و متشوه لايس ماسك البشوش
ايام زمان
نفسى ارجع اعيش يوم واحد من ايام زمان
ميه ميه كانت هتفرق في الوداع
لو كنت عارف ان هى دى المره الاخيره ميه ميه كانت هتفرق فالوداع
كنت يومها اكيد هبيت عند جدى
فى شقته .. نلعب ورق .. نسهر سوا
ومش هاسيبه عشان ينام ليلتها من بعد
الدوا او يرد الشيش عشان ضهره بيتعب
مالهوا وقوله يعنى بزمتك اخر نفس ساقع
اخدته فصحتك بقى ميسويش حبه وجع؟
بطل دلع جدى اللى ماتدفيان ليلتها باللحاف
لو كان عرف ان الليله دى وداع انفاس
الهوا مكنش رد الشيش فاخر ليله له
ومكنش خاف كل الشوارع و المبانى
اللى مش هدخلها تانى و الاغانى اللى لما
سمعتها ودندنتها من مره واحده مالسماع
ميه ميه كانت هتفرق في الوداع
ياكل حاجه كسبتها او سيبتها ومالحقتش اشبع منها اكمنها قالت حنروق مع بعض فين
يا ناس يا عبط يا عشمانين في فرصه تانيه للقى بطلوا اوهام بقى وكفايه احلام
و اسمعوا
عيشوا بزمه وودعوا
كل حاجه بتعملوها
و كل حد بتشوفوه
و كل كلمه بتقولوها
و كل لحن بتسمعوه
عيشوا المشاهد كل مشهد زى ما يكون الاخير
و اتبعوا ساعه الوداع واحضنوا الحاجه بضمير
ده اللى فاضل مش كتير .. اللى فاضل مش كتير
لو كنت عارف ان هى دى المره الاخيره ميه ميه كانت هتفرق فالوداع
لو كنت عارف ان هى دى المره الاخيره ميه ميه كانت هتفرق فالوداع
لو كنت عارف ان هى دى المره الاخيره ميه ميه كانت هتفرق فالوداع
