كلمات اغاني اطفال رائعة لكل طفل
على عليوة ياللى
ضرب الزميرة ياللى
ضربها حربى ياللى
نطت في قلبى ياللى
قلبى رصاص ياللى
أحمد رقاص ياللى
رقاص على مين ياللى
على شاهين ياللى
شاهين ما مات ياللى
خلف بنات ياللى
وأخويا فيهم ياللى
بيعد فلوسه ياللى
ويقيد فانوسه ياللى
هينا مقص وهينا مقص
هبنا عرايس بتترص
فيهم واحدة شامية
شعرها ضانى ضانى
لفيته على حصانى
وحصانى في الخزانة
والخزانة من غير سلم
والسلم عند النجار
والنجار عاوز مسمار
والمسمار عند الحداد
والحداد عاوز بيضة
والبيضة عند الفرخة
والفرخة عاوزة قمحة
والقمحة عند التاجر
والتاجر عاوز فلوس
والفلوس عند الصريف
والصريف عاوز لبن
واللبن عند البقرة
والبقرة عاوزة برسيم
والبرسيم في الجبل
والجبل عاوز عصافير
والعصافير في الجنة
والجنة عاوزة حنة
والحنة في أيديهم
يللا ندور عليهم
هينا مقص وهينا مقص
لاعبيني والاعبك
واكسر صوابعك
صوابعي لولي لولي
زي الشمعة البنوري
ماما جابت لي ايشارب حرير
نيمتني عالسرير
السرير طوح طوح
ما يخليش حد يروح
هنا مقص وهنا مقص
هنا عرايس بتترص
وآدي الجنة وآدي النار
حادى يا بادى ياظهر النادى فكرك ايه؟
عمك شنطح جالك ينطح تديلة ايه؟
اديله قطفة ..
تديله قطفة قطفة ايه؟
قطفة ماقطفة
فكرة وخاطفة
امال قولى لو انت يا خلى
عمك شنطح جالك ينطح تديله ايه؟
كان يا ما كان كان دلوقتى ولا زمان
ماهو دلوقتى زى زمان
كانو جماعة في ارض وسيعة
فيها طبيعة و
ناسها الصافيا
تروى الصحرا بعرق العافية
الارض الساكتة تبوح بساتين
الله الله قمح وياسمين
يا ما شاء اللة والناس عايشين
بما يرضى الله
حلاقاتك برجالاتك
حلقة دهب في وداناتك
يا حنتوسك يا فنتوسك
يجعل عمرك قد فلوسك
جاتنى الشمس وطالبة تبوسك
خجلة من ضى ابتساماتك
حصنتك ما تشوف الذل
بخرتك بخدود الفل
ورقيتك من عين الكل
النبى حارسك من عتاراتك
قلعتك حرز لبستك حرز
القامطة حرير والصوف ع الشرز
قلعتك طاقة لبستك طاقة
وكتبت حجابك على وبر الناقة
يكفيك الشىء والعيا والضيق
وسكوت الناس وكلام العين
قلعتك قابة لبستك قابة
ابعد يا شطان وتعالى يا شابة
لفية وارقية واسهرى سلية
وفى برد اليل ضمية ودفية
قلعتك عافية لبستك عافية
ورميت هلاهيلك في المية الصافية
وغسلت ذنوبك وقريت مكتوبك
السعد مواعدك والهنا محسوبك
يارب يا ربنا يكبر ويبقى زينا
طق الودع سحر وبدع
سعد السعود في ارضنا ت
اتا تاتا خط العتبة
ودوس على كل العتب
والى انقرى والى انكتب
واسرح في نعمة ربنا
يارب يا ربنا يكبر ويبقى زينا
خد البشارة يا حسن
وافتحلنا الفال الحسن
وابعت على عيونه الوسن
نوم العوافى والهنا
نام نام نام نام وادبحلك برجين حمام
واعملك طاجن وبرام
واقعدلك سهران ما بنام
واغزلك زعبوط وحرام
واخطبلك بنت من الشام
واقطفلك ورد الاحلام
واكتبلك ع الورد كلام
حسادك بايتين الليل
يتلو على نار الويل
سهرهم ودمعهم سيل
شتتهم لو جالك ميل
واتحصن منهم بالخيل
وملايكة شايلينك شيل
انا تلميذة نفسي عزيزة
عندي حكاية حلوة لذيذة اقلها لكم
الكورس : ايوة قوليها
بس خدوا بالكم
الكورس : يلله احكيها
اول يوم رحت الاسكولة
ماعرفش الالف والباء
جه استاذ الحصة الاولى
وفايدو كتاب الحساب
قللي يا شاطرة
خمسة بستة يبقوا كام ؟
قلت يافندم خمسة بستة
تساوي الحسبة بي ستين
كشر فيا قللي غبية
وهات يا شتيمة وضرب كمان
انا غلطانة ؟
الكورس : مش غلطانة
امال يعني يعاقب ليه
الكورس : ده الاستاذ الحق عليه
