كلمات اغاني الفنان محمد الامين

ما هو باين في العيون وين ح نهرب منو وين
الهوى البعث الليالي العامرة بي زاد الشجون
يفتح قلوبنا ديار محبة .. .. ديار حياة للعائدين
ما بنقاوم كيف ح نقدر … وين ح نهرب منو… وين

ما افتكرت الحظ بيساعد عمري ويورد من جديد
من بعد فرقتنا ديك مين كان بيفتكرك تعود
كنت بحتاج ليك بي شدة وانت عني بعيد
ما في عيشة بلاك بتبقى .. .. ما في نشوة و ما في ريد
والهوى الجمبك عرفتو عاطفة ملتهبة وجنون
وين ح نهرب منو … وين

اه ادعينا وقلنا تاني ما ح نشتاق في عمرنا
وقبل ما تمر ليلة واحدة بي حرارة الشوق غمرنا
كم لهينا وقلنا ندفن الحب في سهرنا
الحياة صعبت علينا وبي اثر فقدك شعرنا
شفتا كيف حبك حياتنا انت يا الحبك حياتنا
وكيف بدون حبك نكون
وين ح نهرب منو… وين

شفت كيف حبك بيعمل… يشغل الوجدان يعذب
وبرضو بتقول عني خادعك واني بتلاعب وبكذب
ليك حق دنياك خالية لا بتشيل هم لا بتتعب
كنت تتعلم تجامل لو فؤادك مرة جرب
انو ما يدق دقة واحدة .. .. الا ويتفجر حنين
يفتح قلوبنا ديار محبة .. .. ديار حياة للعائدين
ما بنقاوم .. كيف ح نقدر .. وين ح نهرب منو… وين

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر

الغريبة الساعة جنبك تبدو اقصر من دقيقة
والدقيقة وانت ما في مرة ما بنقدر نطيقه
دنيا بقربك يفرهد كل طائر يحيا فوقه
وجنة من بعدك بيذبل كل مخضر فيها ناضر

لو تسافر دون رضانا بنشقى نحن الدهر كلو
ما بنضوق في الدنيا متعة وكل زول غيرك نملو
اقل حاجة تخلي سفرك حتى لو اسبوع اقلو
وانت عارف نحن بعدك للصباح دايما نساهر

لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما اظنك يوم تسافر

ما لو اعياه النضال بدني
روحي ليه مشتهيه ود مدني
ليت حظي يسمح ويسعدني
طوفه فد يوم بربوع مدني
كنت ازور ابويا ود مدني
واشكي ليه الحضري والمدني
اه علي حشاشتي ودجني
وحنيني ولوعتي وشجني
دار ابويا ومتعتي وعجني
يا سعادتي وثروتي ومجني