طقه وحده
هي طقه وحده على الراس تكفي
وانا ثلاث منك ما تاب راسي
مدري معك فالحب ما اخذت شفي
او كثره جروح تموت احساسي
ياللي معي دايم ولاهو بصفي
ماقد خبرتك يوم للظلم ناسي
والله لو نار قلبك تدفي
ما احط بضلوعي فوقها فاسي
عودتني اسكت وادري واخفي
رضاك يرضيني ولو كان قاسي
وش عاد لو ماجات كفك بكفي
باسي قوي من كثر ما زاد ياسي
والله ما اشكي لك ولا اقول يكفي
خذ راحتك ما دام هالراس راسي
يا حبيبي
يا حبيبي منت الاول نبض قلبك غيروه
لو تبيني كان تسال واللي يسال ما يتوه
لا تعذر بالدروب منت عاشق بالغصوب
البعد مو بالمسافه البعد بعد القلوب
يوم كنت اول تبيني ما تفارق لحظه عيني
قبل ما انده لك تسمي وقبل انادي لك تجيني
مذكور بالخير
مذكور بالخير يالغالي والله يردك لنا طيب
عز الله انك على بالي مهما من عيوني تغيب
يفداك الاول مع التالي يا منتهى الذوق يا حبيب
يا زين منهو وصلك احوالي وارتاح لا شفتك قريب
فرقاك من زود غربالي وانا من البعد متهيب
من عاشرك يا بعد حالي لو شاب ما كنه مشيب
يزل وينسى زلاته ( اللي اختشوا ماتو )
يزل وينسى زلاته فيه حد يسوي سواته
وكل هذا قوه عين صحيح اللي اختشوا ماتوا
اذا لمته يعكس اللوم يطلع روحه المظلوم
واذا قلت امس جارحني يقول احنا عيال اليوم
يحس الكل وهو ماحس ولو فيه شمس بانت امس
ولا يسال ولا همه واهو همه روحه وبس
سلم على قلبي
سلم على قلبي معاك اللي نساني وما نساك
تركني من ساعه غيابك ودعني ثم سافر معاك
قله ترى انا فضي بي الشوق فيني يحتريه
ولو هانت العشره عليه باقي على عمري بهواه
ليه التجافي والصدود ليه التغلي والجحود
حرام هالقلب الودود يزعل على طعنه قفاه
كثر الوله
كثر الوله جابني لدنياك راضي وحبك يدمرني
افرح بشوفك بعد وارضاك امر على القلب وامرني
ذا صرح قلبي فدى لعيناك ياللي غرامك مجنني
تصور الشوق يوم القاك من شوفتك كيف تحرمني
ذا خاطري ما قدر يسلاك اياك في يوم تجهلني
شفت السعاده والهنا وياك البعد يازين يتعبني
شفت ابتسامه على محياك صدق لا قلت تقتلني
كل المشاعر تبي رؤياك ما خاب ظنك ولا ظني
اول غرامي
توني باول غرامي ما عرفتك
خذت قلبي خذت شوقي خذت عيني
الله اكبر كيف لو اني عشقتك
كان اخذت اول مع باقي سنيني
انوي النسيان وانسى اني ذكرتك
وانسى روحي هايمه ومنت فيني
اتعجب كيف ماعمري هجرتك
والدموع اضعاف لاجلك يا ظنيني
اجمل اللحظات يوم اني صدفتك
شوف باقي الوقت في بعدك حسيني
طابت سنيني من يوم شفتك
قال باقي العمر مو عيني لعيني
- كلمات اغنية سكر على سكر بشار السرحان
- اغنية بشار السرحان اجمل اللحظات
- اقول من مشاخ السرحان وعبارت
- كلمات اغنية كلام العين بشار السرحان
