كلمات اغاني بشير

ارخصت نفسي

ارخصت نفسي لك واشوفك تعديت
حبل الموده والهوى ياضنيني
ولا تحسبني يوم اجاملك لا خطيت
تالي الشهر قصدي معاشك يجيني
ولو كنت داري عن فعايلك ماجيت
مع حاره انتم بها نازلين

……………………………………

الاياسيد كل الناس

الاياسيد كل الناس غرامك جاب لي الوسواس**ونهب عقلي بدون قياس تفضل عندنا يازين
تفضل واشرب الشاهي بياله شاهي على الماشي ** ولا تخشى من الواشي دخيلك ياكحيل العين

وقف واشر بمنديله ورفع عن وجهه الشيله **وقال الموعد الليله وجاني داعج العينين
بدون اشعور خميته وفوق الصدر ضميته ** وحتى لسانه مصيته وليلي قد صبح ليلين
دخل محبوبي الاوضه وجاني مغير الموضه** بجدايل سود منقوضه وشفايف حمر واسطبين
وقف وقلت ياستارانا في ليل والانهار ** عيونك ليه تشعل نار من الرحمان مكحولين
وقف خلي وطفى التور وفرجني على المستور** وسعيت وطحت بدون شعور وليلي صار به ليلين

وعند الصبح وادعني وطلبت من يواعدني ** بساعه وصل تسعدني تنسيني الهموم سنين

……………………………………

البارحه عيت عيوني تنام ** سهران محد فطن في حالتي
باسباب ظبي رماني بالسهام ** ساعه نظرته هلت عبرتي
اشرت له قلت يابدر التمام ** وقف دقيقه وافهم كلمتي
اعطيك حرفين يافرخ الحمام ** عساك تسمح تلبي طلبتي
اعطف على اللي بحبك مستهام ** والنار هبت بداخل مهجتي

……………………………………

البارحه فزيت من غرقه النوم**مرتاع وقلبي كن وسطه حريقه
والله لولا الميز لاصيح مظلوم**ولاشق جيبي ثم اقول الحقيقه
لاشك عند الغرق ماينفع العوم**والنوح مايطفي لهيب الحريقه
ياعاذلي كف العذل عنك واللوم**الصبر عن مظنون عيني ماطيقه
واجب الى من شفت مبلي ومهموم** تدعي له الله ماتعارض طريقه
كل الذي يجري على العبد مقسوم** من عند من ينجي النفوس الغريقه
ان مت باسباب اريش العين مرحوم** اللي رمى في القلب مليون ضيقه
الله يبيحه عد مايظهر نجوم** وعداد مافي وقتنا من دقيقه

……………………………………

البارحه في منامي شفت خلي ** فزيت كني قريص عضه الداب
فرحان مرتاع وارحب واهلي ** والدمع مني على الاوجان سكاب
احسب وليفي عنالي في محلي ** هداه ربي وعود عقب ماغاب
لاشك خاب الامل في الصاحب اللي ** طاع العواذل وعاداني بلا اسباب
اول الى غاب عني يعتذر لي ** واليوم اوافيه ماكني من الاصحاب
عسى النمايم وراعيها يولي ** اما القبر او سجين وسط سرداب
اللي تسبب ونكر صاحب لي ** عليه دمعي سوات السيل صباب
الله حسيبه دهاني وقرب اجلي ** وشيب براسي وانا توي بعد شاب
والختم هذا اللي الله رايد لي ** ما لي جدى كود اراعي النجم لاغاب

……………………………………

البارحه ماسليت..ولابنومي اهتنيت..والشاهدالله بكيت..باسباب بدر التمام
عقب العشاءرحت ازور..مشتاق لبدرالبدور..ساري بليا شعور..وراعي الهوى مايلام
دخلت بيته وانا..كلي سرور وهنا..جاء غايتي والمنا..تعبان والله حرام
من شفته قلبي رجف..ومن روعه جوي اختلف..والعقل مني انحرف..وانقلب نوري ظلام
سابقتني دمعتي. وشهقت ياحسرتي.. ومسحتها بغترتي.. اخاف زودالكلام
قلت امش يم الطبيب. تاخذ علاح وتطيب.. قال انت لو ماتغيب..انا بنعمه دوام
قلت انا روحي فداك..ماهمني الا رضاك.. في خير ولاا هلاك..يالموت والنار حام
مادمت صارحتني.. وفي الحب متعتني.. واخلصت ماخنتني.. هذي اصول الغرام
القلب عاف الجميع..لو يشترونه يبيع.. مايسمع ولا يطيع..الا انت ياابن الكرام

……………………………………

البارحه ياناس انا سهران ** سهران قلبي لاتلومونه
باسباب ضبي لي من الغزلان ** خوفي من الحساد يغرونه
العين سودا والهدب سردان ** يذبح جميع اللي يشوفونه
والخد فيه نور القمر لابان ** نور عليه الخط يقرونه
وياغصن موز في ذرا بستان ** لامال عوده مالت اغصونه
اول نشوفه في بعض الاحيان ** واليوم حال الواشي من دونه
وشبت حرائق في القلب ياخوان ** وين الذي بنظره يطفونه
وختمي عدد حرف وسط قران ** اللي جميع الناس يقرونه
……………………………………

البارحه يوم الخلايق نياما** بيحت من كثر البكى كل مكنون
قمت اتوجد له وانثر علاما** من موقع عيني دمعها كان مخزون
ولي ونه من سمعها مايناما** كني صويب بين الاضلاع مطعون
والاكما ونه كسير السلاما** خلوه ربعه للمعادين مدوين
ولافونت راعبيه حماما **غادي ذكرها والقوانيص يرمون
تسمع لها بين الجرايد حطاما** ومن نوحها تدعي المواليف يبكون
مرحوم ياللي مات شهر الصياما**صافي الجبين بليله العيد مدفون
حطوا عليه من الخرق ثوب خاما ** وقاموا عليه من الترايب يهلون
مرحوم ياللي مامشى بالملاما**جيران بيته راح مامنه يشكون
اخذت انا وياه عشره اعواما ** مامثلهن في كيفه مالها لون
والله كنه ياعرب صرف عاما ** وياحيله الله شغل الايام وشلون
واكبر همومي من بزور يتاما** لاجيتهم قدام وجهي يبكون
وان قلت لاتبكون قالواعلاما ** نبكي ويبكي مثلنا كل محزون
قلت السبب تبكون قالوا يتاما ** قلت اليتيم انا وانتم تسجون
مع البزور وكل جرح يلاما **الا جروح بخاطري مايطيبون
قمت اتوجدعند ربع حشاما** وجوني على فرقا خليلي يعزون
قالوا تزوج وانس لامه بلامه **ترى العذارى عن بعضهم يسلون
قلت انا اخاف من غاديات الذماما** اللي على ضيم الدهر مايساعدون
تزعل عيالي بالنهر والكلاما**وانا تجرعني من المر بصحون
والله لولا هالصغار اليتاما**واخاف عليهم من السكه يضيعون
لاقول كل البيض عقبه حراما**واصبر كما يصبر على الحبس مسجون
عليه مني كل يون سلاما**عده حجيج البيت واللي يطوفون
وعداد مانبت النفل والخزاما ** على النبي اللي حضرتوا تصلون

……………………………………

البارحه يوم امرحوا الخلق شقيت ** جيبي ودمع العين مني يهلي
على الذي في سوق رباع وافيت ** قلت السلام وهقوتي ما فطن لي
دبر وانا في موقفي ما تعديت ** دبر سليم وطحت انا في محلي
تسابقت عبرات قلبي وونيت ** ونه لو اني عدتها طار عقلي
تراكضوا جيراننا وامتلى البيت ** قالوا علامك قلت جيبوا الكفن لي
مادام غض العود قفى وانا اقفيت ** واللي يبي قلبي العنا ما حصلي
وش فايدت عمري الا من تعافيت ** الموت اريح من افراق خلي
يا موت وش علمك على القبر شحيت ** ما نيب الاول كم خذى الحب قبلي

الله يصيبك لابغيناك ما جيت ** ياموت عجل خل عنك التغلي
صارت حياتي هم واليوم مليت ** ما ابغى حياتي عقب ماراح خلي
اول الى من جيت له يفرش البيت ** واليوم بانت رغبته لي بقتلي
لامن نشدته بيننا ويش سويت ** يقول انت ابخص ولا تعتذر لي
بيحدني اشتري قاز وكبريت ** واشعل بنفسي نار واقرب اجلي

……………………………………

الله يجازي الذي يسعون** بين المحبين بالفرقا
ذولا مجانين مايدرون ** ماجربوا حاله الفرقا
والله واكبر يازمان فات ** يوم الحبيب مصافيني

……………………………………

الوقت ماتغير مازاد ولا قصر ** اللي تغيرقلبك اللي تغير
الاشهر والايام والساعه والعام ** كل باسمه ماشي ماتغير
الصبر يازين مضمون ثنتين ** فانا لقصدك ودايم بالخير تذكر
ماهي شطاره ترمي الشراره ** في وسط قلبي وترقد وانا اللي يسهر

• بشير حمد شنان كلمات
• عليهم عيوني دايم دمعها صباب