كلمات اغاني زكي ناصيف

نقيلي احلى زهرة

نقيلي احلى زهرة يا فراشة نقيلي
زهرة تلبق للشقرة على شعرا تشكيلي

نقيها حلوة احلى من ضحكة اطفال
وخلي الزنبق يصرخلها من قلبه موال
والعصفور يترغلا ويترجم شو قال
وشق الفجر ينغملا عوتارو تهديلي

نقيها بلون المرمر وحكايات النار
وتراب الجرد الاسمر والتلج الختيار
ومن حلم الوادي الاخضر وعنفوان الغار
ولو بعرف اوصف اكتر ما بقلك نقيلي

يا عاشقة الورد

يا عاشقة الورد ان كنت على وعدي
فحبيبك منتظر يا عاشقة الورد
حيران اينتظر؟ والقلب به ضجر
ما التلة ما القمر؟
ما النشوة ما السهر؟
ان عدت الى القلق هائمة في الافق
سابحة في الشفق فهيامك لن يجدي

نجم في الافق بدا فرحا يشدو رغدا
اليوم وليس غدا فليصدق من وعدا
يا ملهمة النجوى لا تنفعك الشكوى
فحبيبك لا يهوى الا ورد الخد

حلوة يا نيالها

حلوة ويا نيالها… دنية سحر بحالها
وكلمة سر بقلب الفجر طل الفجر وقالها
طل الفجر وقال كلمة وكانت هالحلوايي
ودل عليها خيال نجمة صبحية مضوايي
وعرواسي الجبال غيمة عم تشهد الحكاية
لمحت خلف الشال بسمة وجمدت فوق جبالها
ولمحت عالخدين مبسم لا احلى ولا صاير
يقطر عالميلين موسم تهاني وبشاير
وتطليعة عينين ترسم عرس مجنح طاير
قالت مالي عين احلم بعد الحلوة بدالها