اول مره اتجرا

انا اول مره اتجرا … واحكى حاجه في قلبى
بحبك موت … وصدقنى بتوحشنى
فكل دقيقه بتفوت … انا عارفه ان انت مستغربنى
لكن سيبنى اقولك ليه … واكملك وافسرلك … انا اللى عاجبنى فيك ايه
فيك حاجه بحبها … ياما لاحظتها … حنيه زايده … وباينه عليك
ومتاكده عمرى ما لاقى كده … وده اللى خلانى اقرب ليك
فكرت كتير اتكلم ولا ملوش لازمه ودارى عليك
ومن نفسى لاقيت نفسى بقول انا خايفه من ايه
اهى زى ما تيجى ومش هاحسبها وارتبها
انا حبيت … ولولا حاسه بحاجه بينا ماكنتش قولت وداريت

احلى حياه

اللى انا اتمانيته … لقيته معاك … حاسه بامان وانا وياك
نفسى ماتشوفنيش غير بس عنيك … في كل مكان … اكون شايفاك
جوايا احلام كتير … وحب كبير … انا حاساه … ومنايا نكون عايشين لبعض سنين

فى احلى حياه
عينى لما بتيجى حبيبى عليك والمس ايديك … انا برتاح
كل حاجه حقيقى بحبها فيك … وبنسى انا بيك كل اللى راح

احسن من كتير

اوقات بخاف من الدنيا … وارضى بوحدتى … واقول لروحى
انا برضه احسن من كتير
وارجع واقول … انا لو هاحب هايجرى ايه … الدنيا حلوه ولسه برضه الناس بخير

نفسى احب انا بس خايفه … قلبى لو فرضت فيه وانجرحت ساعتها … ممكن اعمل
ايه
لو رضيت بالوحده خايفه … يلومنى قلبى والوم عليه … واحنا من وحدتنا كنا اخدنا
ايه
ايام كتير من عمرى راحت عشتها … مش عارفه ليه حاسه كانى ما عشتاش
كلمه حبيبى … كلمه عمرى ما قولتها
بس يمكن وقتها لسه مجاش

عايزه اقولك

بص انا عايزه اقولك … بحبك … من اول ما قابلتك وانا معجبه بيك
كلتمتين كانو في خيالى … في قلبى ليك …كلمتين صدقنى … مش بكدب عليك
نفسى اقول للدنيا ديا … انت اقرب حد ليا … روحى فيا بتناديك
ياما دريت جوايا … هوايا … واحنا ما بينا حكايه … وبخبى عليك
كنت مكسوفه اعترفلك … واعمل ايه … قلبى كل ما يتخطفلك … تجربى بيه
كنت محتاره بصراحه … في السكوت مش لاقيه راحه
عاجبك اللى وصلت ليه

مالوش كلمه

بقى ده اللى انا قلته … واتفقت عليه … في بقى وعدك اللى قلت عليه

فين بالزمه … لا كلام بيحوق … انت خدت عليه
انا كده حظى … واللى حبيته ايه … ؟ مالوش كلمه
ياما حكالى ع اللى هاعيشه واللى هاشوفه … البيه
يمسك ايدى … يبص في عينى … ويسبللى عينيه
وانا حبيته وبقى سبحان اللى مصبرنى عليه
قال ايه وانا فاكره ياما هنا وهناك … مجنونه مين دى
اللى تمشى وراك … على الفاضى … هوا انا بقى حيلتى غير مشاعرى حرام
نفسى اعيش … خلاص شبعت كلام عن الماضى

زى عادتى

زى عاتدى الصبح بدرى في يوم … نزله بجرى مالى عينى النوم
بقاله شهر مش مفوت يوم … رايحه جايه زى ضلى يوووووه
انا مش عارفه اروحله فين … ولا عارفه هوه مين
ولا فاهمه عايز ايه … عمال يبربشلى بعينيه
ده ولا بينطق كلمتين … مجنون باين عليه
فى مره شافنى وعدى جنبى وكان … عمال يبص بطرف عينه كمان
انا حاسه نفسه يبقى بينا كلام … وبعد شهر لسه برضه جبان
ولا عرف يقوللى ايه … ولا عرفت جاى ليه

محبطه

انا انكسرت … راهنت على حبك واخترت
وفى النهايه انا اللى خسرت … سبتنى و بعدت … وقدرت
انا انجرحت … قتلت فيا مشاعرى ورحت …بضعفى وعذابى … انت فرحت … نزلت بيا
لتحت … ارتحت
حاسه انى محبطه … وفى الحياه متخبطه
جوه قلبى عذاب وجراح … مش مهم الجرح … مش مهم افضل كده … المهم
تكون مرتاح
انا اتخدعت … صدقت كدبك ليه وسمعت … طلعت بيك السما ووقعت
وبعذابى رجعت … وتعبت
انا اتخدعت … ونزلت بيا لسابع ارض … والجنه اللى كانت ورد
مطروده منها انا طرد … انا ضعت

قد التحدى

عايشه حياتى وانا حره فيها … انا قد التحدى
ومحدش ليه دخل في حياتى … ولا ليه حاجه عندى
انا هاعيش سنين عمرى يادوب مره … وهافكر ليه
انا هاعيش ومش هاعمل حساب غيرى … وهايحصل ايه
عايشه براحتى … وساعات صراحتى … مبتعجبش غيرى
بس انا راضيه عن نفسى جدا … انا مرتاح ضميرى

باب اوضتى

قافله باب اوضتى عليا … هربانه من الناس … مش عايزه اشوف بعنيا
قلبى وهو بيتداس
راجعه من الحب الاولانى
خايفه معرفش احب تانى
تايهه الحب يا ناس اذانى
ياه قد ايه تعبان اللى عنده احساس
تجربتى كانت صعبه … تجربتى بالذات
دايما تبان اللعبه … لما الوقت يكون فات
انا عشت زى مغامره … وبسذاجه داخلاها
وخسرت اخر جوله … مش بالذمه ماساه