كلمات اغاني سودانيه

الزيارة ..

أفكاري الحيارى
ضاعت بإختيارا
حبيبي آه أنا قلبي تاه في يوم الزياره
الدنيا وعمارا
و الجنة و نعيما بزهورا و ثم ارا
الناصع بياضا و الخاطف صفارها و الفاتح حمارها
فصود في خدود يضون و خدود بدون أماره
يرسلوا نور ملون أحمر أخضر أصفر
فاتن يا سماره
إلتفت و أهداني نظرة بزري بالزهر و إزدهارا
مثلت فيها الوداعه و خفة الروح و المهاره
دا الجذب قلبي بي فنه
نظرة مني ونظرة منه و إرتفعت الحراره
و إلتهبت العواطف و أصل النار شراره
شال منام عيني و توارى
سابني وحدي أشدو وجدي
و أرسل الآهات مرارا
ماهو عارف البي لأنه لسه ننو
حوله ناس بالعيد يهنوا
و ناس متابعنه ويغنو
و أنا روحي ليه تتوق
داعيها حادي الشوق
هايمه في ليلها ونهارها
و إنت يا الناعسات عيونك
الله لعيوني السهارى
_.._.._.._.._.._

من طرف الحبيب …

من طرف الحبيب
جات أغرب رسائل
يحكي عتابه فيها
وقال ناسينه قائل
******
ياما قال حكاوي
ما خطرت ببالي
قال في كل كلمة
إني جفيته سالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أنساك إنت
اكون غدار وخنته
أسأل عني غيري
واحكم في مصير
ياما تشوف دلائل
******
ياما قال كلام مالي دخل بيه
إني بروح لغيره
بهوى وأصطفيه
إنشاء الله حياتي تفنى
دا لو فكرت فيه
لا لا وألف لا لا
دا حبك عشت بيه
بدل أشواق ومحنه
ترسل لي مظنه
كلام يجرح شعوري
وما يريح ضميري
من زول عنه سائل
_.._.._.._.._.._

حرمت الحب والريدة …

حرمت الحب والريدة .. برضي ما ارضيتك
صعبان علي وحياتك .. يا ريت لو ما حبيت
قست الدنيا علي .. وجافا النوم عيني
مع هجرانك لي .. حالفة تغدري بي
فكري الحيرتيهو .. وقلبي الوقفتيهو
صوني وعدك ليهو .. اوعك تخلفي
ليه صديتي يا ظالمة .. واتناسيتي يا حالمة
يا زهر حياتي ربيعي .. انا روحي بيكم هايمة
خليتيني في حيرة .. وماراعيتي الجيرة
انا جارك وانتي يا جارة .. بهواكي رغم الغيرة
ريدتنا اتناسيتيها .. سعادة استبدلتيها
احلام وبددتيها .. ظلمتي جنيتي عليها

و احبك …

لو أحبك أنا عمري كلو
برضو شاعر ما كفاني
انت فاكر بالعواطف
ظاهرة في روحي وكياني
والمحبة البين ضلوعي
خايفة برويها بحناني
المساهر بالي فيها
وان نسيت كانت أماني
مشتريها بي شبابي
والشباب ما بجيني تاني
بين شفايفك وابتسامة
زي قمر ضوى في حياتي
وكل بسمة بتثير شجوني
وما في زول يرحم شتاتي
لما تحكي الشوق عيني
أو تعاتبك اغنياتي
بكلمة حلوة من لساني
فيها اجمل ذكرياتي
بس بنظرة بترد علي
من بعيد تلهم سكاتي
كن مجامل يا حبيبي
ويكفي أنك تصطفيني
عشي خاوي من ليالي
والمهاد بشهد أنيني
الضلام بكذب عليهو
بي حروف النور حنيني
والنجوم تشهد ضنايا
وتقرا فيهو صفحة جبيني
متين تعود أيام هنايا
وتاني ترجع تصطفيني
_.._.._.._.._.._.._

ايامنا …

يا النسيت ايامنا
الضقنا فيها غرامنا
ايامنا
في الفواد ذكراها
قولي كيف تنساها
ما بحن لسواها
للممات نطراها
يا النسيت ايامنا
ايامنا
في الفواد الجوه
يا ام جبين ضوه
يا النسيت الخوه
يا النسيت ايامنا
ايامنا في الليالي الحالمه
في الجزيره العائمه
والعوازال نائمه
والمحبه الدائمه
يا النسيت ايامنا
الضقنا فيها غرامنا
ايامنا ونار هوانا القائده
والظروف الكائده
يا الحبيب يوم عائده
ايامنا
يالنسيت يا حليله
الجميله جميله
طول نهاره وليله
كم مشت لقيله وليله
يا النسيت ايامنا
الضقنا فيها غرامنا
_.._.._.._.._.._.._

سالب فؤادي …

سالب فؤادي و ما عليك
انا في جحيم مستاق اليك
يا من احبك و اصطفيك
انا لي روح مفتونه بيك
حلم الربيع من منظرك
و اسحر لكل من ينظرك
يا اسمى ايات الوجود
كل الخلوق تتشابه ليك
كل الجمال وهبوه ليك
وجعلو السحر في مغلتيك
خلقوك آيه من الجمال
رقه و رشاقه وطيب خصال
يا من بحبك اكتفيت
مقتول هواك
والجرحوني سهام عينيك
اتمنا امثل بين اديك
و تسالني عن اعجابي بيك
تلقاني مخلص في هواك
لم اوهب الحب لسواك
يا نور حياتي و دنيتي
ظلموي بلقالوهو ليك
ظلموني بلقالوهو ليك
ياحبيبي بالجابوهو ليك
في الطيف..

في الطيف أو في الصحيان زورني
يا حبيبي أنا عيان
مالو لو في بعض الاحيان
تسمح لي صحوا أراك عيان
تاخذ يا حبيبي عن حالي بيان
عسى تبقي قلوبنا في الغرام سيان
يا الفريد في حسنك و بهجة أمدرمان
لي من شوفتك يا حبيبي زمان
أنا ساهر و نوم عيني حرمان
و إنت بين أترابك في نعيم و أمان
النحول علي جسمي يا حبيبي بيان
و إنت جسمك نامي و بالنعيم طربان
لو رأك الناسك المن الله جبان
بيك يفتن و يصبح بالغرام تعبان
قبل حسنك قط ما رأيت انسان
فاق العسجد لمعة و الحرير لمسان
كيف يحصر وصفك يا حبيبي لسان
و البان إتعلم من قامتك الميسان
ما الدرر لثناك ما بنت ألحان
للماك و آية نفحة الريحان
إنت حسنك كامل لكن لمحان
خدك قاسي و قلبك ما حان
_…_…_…_…_…_

ليل وخمر وشفاه …

أغنيات في شفاه الحب غناها الجمال
والمنى يا روح قلبى ليس يفنيه الدلال
أغرقتنى بين أمواج المنى
والمنى شط على بحر الغرام
وسقتنى خمر أعناب الهنا
والهنا كأس وهمس وإنسجام
علمتنى كيف أنسى من أنا
وأنا لفظ حرام في الهيام
يا سقاة الكأس من عهد الرشيد
ما لكاسى ظمئا أبدا وحيد
ونديمى
قد سرى نجما مع الأفق البعيد
حطم الكأس وولى
وانطفأ نجم تلألأ
وغدت
تبكى على شفتي أصداء النشيد
ليل وخمر وشفاه
هن للقلب لظاه
هن إكسير الحياة
شعرها ليل تموج
صدرها الوثاب هودج
شفة عطشى .. وأخرى هى كأس
خمرها نار وجمرة
ليتنى لو ذقتها في العمر مرة
_…_…_…_…_…_…_
 

ليه بتسأل …

ليه بتسأل عني تاني بعد ما شلت الاماني
روحت خليتني لزماني وانت عارف علي جاني
لو ببعدك الليالي تداوي غلبي ولاتاني ترجع الافراح في قلبي
كنت واهم يا حبيبي
دي الليالي امر ليا من دموعي الفي عنيا
كل لحظة تمر عليا تنقص الايام شوية
واطفي شمعاتي القليلة وافضل ابكي واقول حليلا
للدموع النازلا كل ليلة زايدة اشواقس وحناني
امنياتك من حياتك زاد حياتي كنت اجمل كنت اجمل امنياتي
انا عهدي راح ما اظنوا اتي وما فضل يا ناس غير اغنياتي
وفيها ضاءت ذكرياتي
مرة اضحك ومرة ابكي ومرة اتحمل اسيا
مرة اهرب منو واشكي واعتبر حبك حكاية
عشت فيها بكل روحي تشفي ليا زوهدي وجروحي
كنت داري كنت دوحي واختفيت يا نور زماني
_…_…_…_…_…_…_…_

عيون الصيد…

عيون الصيد ناعسات عيوني
عيون النيل حاكن عيوني
نسيت قلبي وروحي ونسوني
وفقدت الكانو يأنسوني
ليالي هناي جد عاكسوني
وأخاصم النوم كيف درسوني
مع الآلام هاجت شجوني
وأطبا الكون ما عالجوني
جفوا وبي نفورهم هيجوني
متين في الطيف يصبوا ويجوني
مقر أملي وفيهم ظنوني
يزيدوا دلال وتزيد جنوني
لذيذ تعذيبهم لو ضننوني
وصالهم آه.. راحتي ومنوني
_…_…_…_…_…_

العاطفة النبيلة …

بإسم الحب بقدم ليك حياتى ومعاها العاطفة النبيلة
عليك ياحب تحياتى
عليك اوقفته غاياتى
لحبى اضحى بحياتى
احب الحب وايامو
وذكرياتو واحلامو
ومايوحيه الهامو
حياة الحب اسميها السعادة بكل معانيها
اقيف ليلاى اغنيها روح ياليل تعال ياليل
احب في كل اوقاتى الاقى حبيبى يوماتى
اقيف ليهو يقول لى العهود بيناتنا مرعية
اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى
على تميل
عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى
احبك وانسى فيك زاتى
حبيبى غرامى تقديسك ويرتاح قلبى بى حديثك
حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل
_…_…_…_…_…_…_…_

يا غايب عن العين …

يا غايب عن العين …
أنت موجود في عيني الاتنين
هواك لازال بواليني …
خيالك جوه في عيوني..
لكن انت ناسيني ….
وانا الاشواقي ليك زايدين..
يا غايب عن العين …
أنت موجود في عيني الاتنين
وليه يا روحي متخاصمين….
بعد ما كنا متحابين…
ياروحي الفراق لمتين…
فراق يومين علي سنتين….
يا غايب عن العين …
أنت موجود في عيني الاتنين
ياغايب عن عيني….
حصل ايه بينك وبيني….
تجافيني وتعاديني….
وتترك قلبي بين نارين..!!
يا غايب عن العين …
أنت موجود في عيني الاتنين
_…_…_…_…_…_…_…_
قطار الشوق …
قطار الشوق متين ترحل تودينا
نشوف بلدا حنان اهلا ترسى هناك ترسينا
نسائم عطبرة الحلوة تهدينا و ترسينا
نقابل فيها ناس طيبين فراقم كان مبكينا
يا قطار الشوق متين توصل هناك حبيبنا راجينا
متين نحضن عويناتو متين يسرع يحيينا
يا قطار الشوق دا ليل الغربة فيهو ودار
متين تسرع متين بتكمل المشوار
عشان ما نلقى سيد الناس و نطفى البينا من النار
نشوفو عيونو نعسانة و لونو الزاهى كلو نضار
يا قطار الشوق حبيبنا هناك يحسب في مسافاتك
و لو تعرف غلاوة الريد كنت نسيت محطاتك
وكان بدرت في الميعاد و كان قللتة ساعاتك
و كان حنيت على مرة و كان حركت عجلاتك
_…_…_…_…_…_…_…_…_…_

في بعدك ياغالي …
فى بعدك ياغالى ضنانى الالم
وعشت مع الليالى لاحب لا نغم
ومن لمسات حنانك خلاص تمينا دور
ايام مره خاليه من طعم السرور
كل ماغنى شادى دوبنى الشعور
واقول ياريت حبيبى لو في الطيف يزور
لو كان التمنى بينفع كل حبيب
ماكان السعاده بقت قسمه ونصيب
ولا قلوبنا الحيارى مع الايام تشيب
ولا عاش قلبى تايه عن حبك قريب
لاتسأل مشاعرك ليه عينى بكن
يوم ودعنى حسنك ولا زمنى الشجن
وباكر ياحبيبى يعلمك الزمن
ليه دنيا المحبه للعشاق وطن
_…_…_…_…_…_…_