الحلوه دى
الحلوه دى قامت تعجن في البدريه والديك بيدن كوكو كوكو في الفجريه
يالله بنا على باب الله يا صنايعيه يجعل صباحك صباح الخير ياسطى عطيه
طلع النهار فتاح يا عليم والجيب مافيهشى ولا مليم
مين في اليومين دول شاف تلطيم زى الصنايعيه المظاليم
الصبر امره طال وايش بعد وقف الحال
ياللى معاك المال برضه الفقير له رب كريم
اولاد اوربا ما بيناموش عن الصنايع ما يونوش
الافرنجى دايما حلق حوش والمصرى جنبه بيطلع بوش
سبع صنايع في ايدينا والهم جاير علينا
ياما شكينا وبكينا يا اغنيا ليه ما تساعدوش
ما تشد حيلك يا بو صلاح اضربها صرمه تعيش مرتاح
خلى تكالك ع الفتاح يالله با يالله الوقت اهو راح
الشمس طلعت والملك لله
ما تشيل قدومك والعده ويالله
اجرى لرزقك خليها على الله

عالنسوان ياسلام سلم
ع الستات ياسلام سلم مافيش كده ابدا بهجه
دا احنا الوارثين يافندم ضاربين الدنيا طبنجه
ياحبيبتي دي ثروتي طارت ايه اللي جرالي ماعرفشي
ودي ساعه الحظ ان راحت ابدا ماتتعوضشي
كل الاطيان لو ضاعت في نظره مانستخسرشي
نعرف جغرافيا ونحوي وحساب وحاجات ترالاللي
خمسه في تسعه بستاشر وباريس في الوجه القبلي
بونجورنو فعل مضارع مفتوح ع البحري تملي
ودي صنعه هنري التاسع شيخ حاره في المتولي
ابجد هوز معناها بالتركي ابقى قابلني
كده ولا بلاش يامدارس دي بلدنا بقت مناخوليا
يكفانا بس نعيرها قال ايه عاملين بكالوريا
والواحده في طبخه نابت عايزالها سبعين …
مابدال الفسيولوجيا يدوهم طبخه لوجيا
وكلها لهجه لوجيا وامور اونطه لوجيا

سالمه يا سلامه
سالمه يا سلامه رحنا وجينا بالسلامه
صفر يا وابور واربط عندك نزلنى في البلد دى بلا اميركا بلا اوربا مافى شئ
احسن من بلدى
دى المركب اللى بتجيب احسن من اللى بتودى يا اسطى بشندى
سالمه يا سلامه
سلطه ما سلطه كله مكسب حوشنا مال وجينا
شفنا الحرب وشفتا الضرب وشفنا الديناميت بعنينا ربك واحد عمرك واحد ادى احنا رحنا وجينا

ايه خس علينا
سالمه يا سلامه
صلاه النيى ع الشخص منا فرصه ميه بلا قافيه
اللى ف جيبه يفنجر به والبركه في العين والعافيه
ح تاخد ايه م الدنيا غير الستر يا شيخ خليها ماشيه دنيا فانيه
سالمه يا سلامه
دى الغربه ياما بتورى بتخلى الصنايعى بيرطن
مطرح ما يروح المصرى برضه طول عمره ذو تفنن
وحياه ربنا المعبود وى ار فرى جود ياسطى محمود قدها وقدود
سالمه ياسلامه

ام اسماعيل
ياحلاوه ام اسماعيل في وسط عيالها
زي النجفه عم بتلعلط في جمالها
تزرع وتقلع في الغيط ويا راجلها
وتعاود تاني لعجينها وغسيلها
تحلب جاموستها حلاوه كتاكيتها
ع الملوخيه ياختي عليها وعلى بطتها
بنات البندر دول لا بتوع ال ان دي ترواه
يكفانا اللي شفناه من فات قديمه تاه زيي انا شفت كتير وسنه بسنه ولادي الكبير

لا فاتولي بيت ولا غيط
قسمه ومكتوبه توبه من النوبه
لو يقطعوا رقبتي ماخدش غير زنوبه
مانمدش رجلينا ليه على قد لحافنا يابيه
دا المصري مازادش عليه غير ماله وضاع بايديه
وده من يوم ما مد ايديه خلوه نسي عوايد ابوه وصبح يقول ياريت ياريت

نشيد بلادى – و تحيه لاهل مصر ام الدنيا ..-
بلادى بلادى لك حبى وفؤادى
مصر يا ام البلاد انت غايتى والمراد
وعلى كل العباد كم لنيلك من ايادى
مصر يا ارض النعيم سدت بالمجد القديم
مقصدى دفع الغريم وعلى الله اعتمادى
مصر اولادك كرام اوفيا يرعوا الزمام
سوف تحظى بالمرام باتحادهم واتحادى
مصر انت اغلى دره فوق جبين الدهر غره
يا بلادى عيشى حره واسلمى رغم الاعادى

يا ناس انا مت في حبي وجوا الملايكه يحاسبوني
ياناس انا مت في حبي جم الملايكه يحاسبوني
حدش كده قال
اول سؤال سالوني عليه ايه السبب في لوم العزال
قلت اللي احبه الحق عليه خل اللي عمره ماقالش اهو قال
وبقينا امثال
قالولي ايه اصل غرامك وليه حبيبك مش وياك
مين دا اللي حلل هجرانك بكيت وقلت العشق هلاك
حدش كده قال
ياعيني ع اللي عشق واحتار وقضى طول عمره في افكار
ياخدوه قوام م الدار للنار ماينجدوش الا الستار
حدش كده قال

ياشيخ قفاعه
اقرا ياشيخ قفاعه تلغراف اخر ساعه
اللي في جورنال البورص
وانا ابقى احلق ذقني ان ماكنتش ترقص
ترقص ترقص ترقص
الصبح صبح قلسطه والعيشه هتبقى قشطه
ياقساتذه قولم هش
ياقساتذه قولوا براوه دي الحرب خلاص فينيش
فينيش فينيش فينيش
بعد اكل التسقيه والسلطه والطعميه
اللي بتهد الحيل
نرقع لنا اقتين ثلاثه من لحم الخيل ارقع
ارقع ارقع ارقع
ومادام الضاني غالي وكذلك العجالي
مش لازم ندقق
حصانا او حمارا اوبغلا مش راح نعتق قبدا
قبدا قبدا قبدا
ياما بكره حنبقى نقلس ع التجار لما تفلس
وزي مانتفلق
يتفلقوا هما كمان واحنا نضحك هقهق
هقهق هقهق هقهق
يالا نقلوظوا العمه الا مودا ونستحمى
بصفيحه كالونيا
ونسافر على اوروبا نتفرج ع الدنيا
دنيا دنيا دنيا
ستاتها قلماظيه ماتقولش مهلبيه
قبدا قبدا ايش جاب
قربت اسيح قربت اسخسخ قربت اتكهرب الحق
الحق الحق الحق
سيبك م الفقهنه خالص من بكره هتبقى لابس بدل العمه كاسكيت

هز الهلال ياسيد
هز الهلال ياسيد كراماتك لاجل نعيد
يكفى اللي حصل كام يوم ووصل بقى زارع بصل
هديت واهو راق الحال ورجعنا للاشغال
دا الموظف منا مش وش خناق ولا شومه
لما يحمر عينه ولا يقوم له قومه
حد الله مابيني وبينك غير حب الوطن ياحكومه
عشرين يوم راحوا علينا انشالله ياخدوا عينينا
بس المقصود يبقى لنا وجود والدنيا تعود
ياما شفنا م الستات طلعوا وعملوا مظاهرات
والكناسين رخرين راسهم والف مقشه
مايكنسوا بس كنسه ولا يرشو رشه
والصنايعيه راحم جايبين ضلفه احسن ورشه
الغلي اللي شاربينه ياريت العالم شايفينه
دي ماهيه ايه الكام جنيه ياخواتي بريه
من خمسه منه تروح وبقيته اقول ابوح
وبسلامتها الست بتاعتي ماتتوصاشي
ولا تولدليش في البطن الا اتنين كده ع الماشي
وييجي الجزار والخضري والبقال ينعلو ابو خاشي
هز الهلال ياسيد كراماتك لاجل نعيد
يكفى اللي حصل كام يوم ووصل بقى زارع بصل
هديت واهو راق الحال ورجعنا للاشغال
دا الموظف منا مش وش خناق ولا شومه
لما يحمر عينه ولا يقوم له قومه
حد الله مابيني وبينك غير حب الوطن ياحكومه

دور ياللي قوامك يعجبني
ياللي قوامك يعجبني ليه بس ترضى لي صدودك
ياهل ترى بتادبني اكمن عزالي شهودك
ده شيء كتير بعدك عني والقلب ميال لوجودك
اروح لمين اشكي حبيبي والدهر والعزال حكام
احب اشوف في النوم طيفه القاه يجيني مع الاخصام
والقلب ده راح يعمل ايه حتى العوازل في الاحلام
الصب من بعدك هلك
الصب من بعدك هلك
والصبر له احسن طبيب
تركت اهلى وملت لك
الناس بتعطف ع الغريب
اه الصب من بعدك هلك
وانت لك اخلاق ملك
قلبى انشبك
امتى وصالك يا قمر

والله تستاهل يا قلبى
والله تستاهل يا قلبى ليه تميل ما كنت خالى
انت اسباب كل كربى وانت اسباب ما جرالى
ايه بقى اللى ح يواسينى بعد ما انهدت امالى
اذا كان حظى ناسينى مين اروح له اشكى له حالى
ان شكيت قلبى وحواسى يعملوا مؤامره على
وان بكيت والحب قاسى تشتكى منى عينى
اعمل ايه واحنا ف غربه والاغراب دول زى اليتامى
يا مين يواسيهم في كربه ياما بيقاسوا وياما
يارب كل من له حبيب طال بعاده وللا قريب
ما تحرموش منه وهاته له بالسلامه

شد الحزام
ح اقولك ايه واعيد لك ايه كله له اخر دى وكسه جامده وجت على عينك
ياتاجر
يا وكستك دلوقت لا وارد ولا صادر يحلها الفين حلال ربك قادر
قوللى في عرض النبى يا حسين رايحين نلاقيها منين ومنين
والاش متجوز اتنين يا دنيا روقى جتك البين
عمر البخيل يفضل منحوس لو علقوا على بابه فانوس
فلوس دى ايه سكتر يا جاموس هى السعاده في غنى النفوس
يالله بنا نلحق لاكسبريس اهو بقى ع الرصيف وادى احنا والله لسه ما عملناش بحق
رغيف كل المحطات قبلى وبحرى بقت لماليف يتوب علينا من دى العيشه يا لطيف يا
لطيف
ما قطعوا لنا التليفونات وعطلوا التلغرافات
عمركش سمعت الدلنجات بيسافروا لها بالباسبورتات
غلب حمار اللى له حما ر يحمله لك ست انفار واهو السفر في الايام دى
صار ع البهايم ليل ونهار
قرب شيلنى شيل لا تقوللى كتير وقليل لا تقوللى كتير وقليل عمر الشده ما تطول
عمر الشده ما تطول بكره نهيص زى الاول
هيلا هيلا هيله هيله هيلا هيلا هيله هيله

لحن الجرسونات
الحان سيد درويش
كلمات امين صدقي
اهى شغلتنا كده يا افنديه .. نفضل كده ….
نهاتى .. اللى نقوله نعيده .. كاننا بنقرا ف عديه ..
ده الجرسون منا يا بيه .. وحياتك له الجنه ..
ياما بنقاسى ف خوته ودوشه ومرمطه يا اخواننا ..
نفضل شايلين .. صوانى وماشيين .. زى المكوك .. رايحين جايين ..
اينا سيروبي اينارجي ليه
اينا كافيه فاري جليكي
اهي شغلتنا كده يافنديه نفضل نحزق بالصفه ديه
ونهاتي واللي نقوله نعيده اكننا بنقرا في عديه
دا الجرسون منا يابيه وحياتك له الجنه
ياما بنقاسي ف خوته ودوشه ومرمطه ياخوانا
نفضل شايلين صواني وماشيين زي المكوك رايحين جايين
يبقى دا يسقف ودا يهاتي ودا يخبط كده بريه
ياخواتي خلو عقلنا سبعه سباتي يلحسوه
اهو المقدر يابيه عليه
يفرح يكدر مش بايديك
بلا مارتيل بلا ويسكي وصودا دا الجرسون عايش عيشه سوده
كان مالنا احنا ومال الكار ده ولسه ياما هنشوف ياسي فوده
بالله احسب يابيه كام كيلو بنمشي ف الساعه
بس من البوفيه للزبون كده من غير لكاعه
دا عنده دورين وده تلاته دا عايز فرموت ودا جيلاته
دا عايز دور وسكي ودا بيره ودا مزه ودا كافيه احيه لاهو الجرسون عقله دفتر
توب عليه
زبايننا مالها جرالها ايه
بقشيش مافيش ياخواننا ليه
التشطيب دا ومنع الخمره خلو عيشتنا جهنم حمره
كان ييجي الزبون لينا طينه نغالطه ونجرده يابوسمره
دا اللي عنده عيال يابيه يعيش ازاي الايام دي
وياريت ع الشقى اللي احنا فيه نزيد ياسي حمدي
ياناس دا حرام داحنا غلابه ادحنا عملنا لنا نقابه
طول ماحنا ياصاحبي ايد واحده مش ممكن ننضام
برضه مسيرنا نبلغ امانينا بالوئام

استعجبوا يافنديه
استعجبوا يافنديه متر الجاز بروبيه
وبقاله اليوم شنه ورنه واللي بيبيعه له كلمه
ياما ناموا كتير ناس في الضلمه وصبح اغلى م الكولونيه
وتمن اللتر يساوي صفيحه واللي يطوله اليوم بفضيحه
مامور القسم يدي نصيحه ماشيه قدامه داوريه
مين كان فاكر ان دا يجرى حتى الكبريت بقاله ذكرى
وقزازه اللمبه خدت شهره بفرنك ونص وشويه

دنجي دنجي
جالت لي هالتي ام اهمد كلمايه في متلايه
سرجوا الصندوق يامهمد لكن مفتاهه معايا
اينايا شنجي كريكري
دجي دجي دنجي دجي دجي دنجي
هامصيبه وجالي من بدري زي الصاروخ في وداني
مافيش هاجه اسمه مصري ولا هاجه اسمه سوداني
نهر النيل راسه في ناهيه رجليه في الناهيه التاني
فوجاني يروهوا في داهيه اذا كان سيبو التاني
اينايا شنجي كريكري
دجي دجي دنجي دجي دجي دنجي
اسود ابيض يابرامه ايشين ويا باضينا
سوداني اندو كرامه مصري طول امره اهينا
اتنين جيران بلدنجي والهيطه جنب الهيطه
الناس دي بلاوي كالنجي ايزين هلينا شكانيطه
اينايا شنجي كريكري
دجي دجي دنجي دجي دجي دنجي
الاكل بتاعنا براوه يشهدله البيه والباشا
يوم فاصوليا وبجلاوه يوم ملوهيا وبوجاشا
يااوروبا هليكي شاهده عالبوليتيكه الترللي
الرايه بتاعنا واهده لازم يستنى تمللي
اينايا شنجي كريكري
دجي دجي دنجي دجي دجي دنجي

الكوكايين
اشمعنى يانخ الكوكايين كخ
دا اكل المخ هلاك اعمله على غيرنا
رايح لي تجخ وجاي تطخ
شطب هو انت شريكنا حتى في مناخيرنا
ايش عرفك انت يادونكي
المدعوقه من خنافتها
بتكلفني كوكايين كام في ليلتها
ياماراح قناطير جواها من القزايز اياها
صحه ما صحه لا اله الا الله ها راحت مورتو
العايز اهبل ياخواجه زنفل
يروح ابوزعبل وابوها علشان تنشيقه
ولا خمسه جرام ولا عشره جرام
بيكفوا اخوك دا انا اشطب على ميت فابريقه
ايش غايته الجيب هاينفض ايه يعني
المخ ياكسد ايه يعني
نشمه ابيض ينزل اسود
ياما حكما وتمرجيه ياما حانوتيه وطربيه
بقوا اغنيا على حس الكوكايينجيه
ايه ايه ايه شوف الدنيا
مابقينا صمن بكمن عمين
تريرم تريرم يافندي البيجي بيجي بيجي
ايه الكلام دا ياعنابر كنت انتي زقيتينا
يامصلحه الجمارك الحقينا تفليته ورا تعميره
حاتموت ميه ورا ميه واخرتها تربيت تيتي تي
عالعباسيه حوشيني ياما
عالعباسيه