كلمات اغاني كمال ترباس

اغالب دمعى واتصبر
واقول يا الله صبرنى
على فراقك يا اغلى الناس
سواد حظى الملازمنى

أماني هوانا يا حليلا
وحليل فرحي وهناي معاه
حليلو الاغلى من عيني
حليلو الكنت بتمناه
حليلو العمري ضاع بعده
حليلو المافي زول بيسواه
اعذب قليبي بي دمعه
وفاقد سلوى في ذكراه

مساهر وطرفى جافى النوم
اريت لو مرة طيفو يزور
اشوفو وطلعتو تفرح
تضوى سماى احلى بدور
اعيش لو لحظة بي قربو
مناى اللحظة تبقى دهور
عظيم فيهو الدلال خايل
حبييبى الكلو نور في نور

انا الحافظ ودادو سنين
انا الماخنت عهد الريد
انا الصابر عليك ياهم
وانا الوافى وهواى فريد
زمان قالوا الغرام قسمة
حقيقة القسمة ما بالايد
مصيرو الحى يعود تانى
ويهل في ديارنا اجمل عيد
أذكري ايام صفانا وأذكري
عهد اللقا والليالي الفي حبور

اذكري أوقات صفانا
والليالي الفيها متبادلين وفانا
إصطفينا ظروفنا والحظ إصطفانا
جينا بي كل اقتراح
من حديث يشفي الجراح
بي مغازله بي انشراح
والقمر في ضياه عالق
والنسيم يهدينا أرواح الزهور

كنا داخل روضة مافيش حد سوانا
غير ان القمري يهتف بي هوانا
من اغاريد فنو يسمعنا اسطوانه
اما ارواحنا الخفاف
رافله بي اثواب عفاف
زي عرايس يوم زفاف
والنجوم بعيون تسارق في اشتياق
تنظرنا من خلف الستار

الرياض مبتهجه ضاحك اقحوانا
والزهور نديانه تستقبل أوانا
رانعه يانعه وزاهية في ثوب أرجوانا
والنهر ليها اقترب
والطيور تسجع طرب
وعامله موسيقة قرب
أنحنا صار مجلسنا عامر في طرب
في نشوة في غبطة وحبور

يا أنيس الحسن يا سامي المكانة
من عواطفك حبي لو فاقد مكانه
اهدي لي تفاحه بس أو برتكانه
فهي غير شك مرضية
منها اقتبس الضياء
بل اضوق طعم الحياه
انت ملهمني الأغاني
انت مصدر فني
و احساسي وشعوري

ما بنسى ليلة كنا تايهين في سمر
بين الزهور
أنا وأنت والنيل والقمر

وين يا جميل يوم كنا تايهين في سمر
من انسنا إتمتعنا بي جني الثم ر
كم قلبي بالأنفاس لأنفاسك غمر
والجو سكر من ريك اتعطر خمر

الليل هدأ والجو صفا وغاب الأتر
والنسيم يجيب من توتي أصوات الوتر
أنا يا جميل بي صوت ضميري المستتر
من شعري كم أسمعتك ألحان بي وتر

ما بنسى ليلة كنا في شاطئ النهر
نتعاطى خمر الحب بكاسات الزهر
البدر مزق ظلمتو وسفر ازدهر
في النيل سطع بي نورو إتقطع بهر

أنا بي غرامك يا حبيب دمعي انفجر
انا بي غناك أيقظت سكان الشجر
قبال أراك أنا كنت في حيره وضجر
واليوم حظيت بلقاك يا ظبي الحجر

• اغاني كمال ترباس مكتوبة
• كلمات اغاني كمال ترباس
• كلمات كمال ترباس
• كلمات اغاني ترباس
• كلمات اغاني الفنان كمال ترباس
• كلمات أغاني كمال ترباس
• اغاني الفنان كمال ترباس
• اغاني كمال ترباس كتابه
• اغاني كمال ترباس
• شعر كمال ترباس