كلمات اغاني محمد وردي

هجرة عصافير الخريف – إسحاق الحلنقي

هجرة عصافير الخريف في موسم الشوق الحلو
هيج رحيلا مع الغروب إحساس غلبني اتحملو
وكتمت أشواق الحنين داير الدموع يتقلو
ورجعت خليت الدموع ينسابو ..منى وينزلو
ليه يا عصافير الخريف
خضرة مشاعري أشيلا صيف

تحت الغمام شايف مواكب الهجرة اتلاشت سراع
ليه يا عصافير ليه الأسف مين علمك أسف الوداع
وعارف دة ما أول سفر لبلاد بعيدة بدون متاع
زي ما بتخافي من الرياح بنخاف كمان نحنا الضياع
ليه يا عصافير ليه الضنى
صفقة جناحك أحزنها

غايب السنين الليلة مالو غنا العصافير غلبو
طراهو زولا كان ولوف كم رضا خاطرو وطيبو
سمع قليبو كلام حنين هدهد مشاعرو ودوبو
الناس سعيدم في الحياة لا ضاق فراق لا جربو
وأنا حالي في بعد الوطن
دفعني ضي العين تمن

الحزن القديم
عمر الدوش
ولا الحزن القديم
إنت
ولا لون الفرح
إنت
ولا الشوق المشيت بيهو
وغلبنى أقيف
وما بنت
ولا التذكار ولا كنت
بتطلعى إنت من غابات
ومن وديان…
ومنى أنا..
ومن صحية جروف النيل
مع الموجه الصباحيه
ومن شهقة زهور عطشانه
فوق أحزانها
متكيه
بتطلعى إنت من صوت طفله
وسط اللمه منسيه
تجينى
معاك يجينى زمن
أمتع نفسى بالدهشه
طبول بتدق
وساحات لى فرح نور
وجمل للحزن..ممشى
وتمشي معاي
خطانا الإلفه والوحشه
وتمشى معاي… وتروحى
وتمشى معاي وسط روحى
ولا البلقاهو بعرفنى
ولا بعرف معاك ..روحى

اول غرام يا اجمل هدية
يا انبل مودة يا نور عينية

حبى ما هديتو وغيرك ما اصطفيتو
واجمل من عيونك في الكون ما رايتو
لونك ابهى لون وكفاك العيون
اة للابتسامة كالنغم الحنون
نظراتك لهيب وتثير الشجون
لية قلبى سليتو وبالام رميتو
قول لى شرور اية ذنبى الجنيتو

نسيت ضو القمر في اجمل ليالى
وشعاع النجوم يبهر كاللالى
كيف تنسى النسايم وانا حبى المثالى
قول لية نسيتو مع انك رويتو
جورك يا ظلوم للة اشتكيتو

انا مازلت هايم اذكر طيف جمالك
اواصل الليل نهار اسبح بخصالك
وماضى الذكرى عاد يسجد لدلالك
تعال يا من هويتو وشوف حالى الاذيتو
رفقا بدموعى والحب الجنيتو