كلمات اغاني مزعل فرحان

كلمات…ليله خميس…







عزو شبابي دامني بينكم حي=في حظي اللي من عرفته وهو ميت
غير يحصل من سراب الوطا مي=انا غزير المي يقفي ليا جيت
هذا وانا ماتهت بسكه غي=وشلون لواني تعثرت واخطيت
لوكنت اعرفك ماتحيرت بشي=وانا تخيرت الشقا واستقليت
بالله ياحظي ترفق بي شوي=يكفي شبابي اختطفته ووليت

مرثيه
جاني خبر في غربتي قيل بركود
=صوب الرياض اسرع و شد الرحالي
قلت السبب قالو مريض و به زود
=على فراشه طايح من ليالي
يبي يشوفك دامه اليوم موجود
=علك تشوفه لي وصلته سالي
حاولت اعرفه قالو الوقت محدود
=لالاتضيع وقتك اليوم غالي
رجعت فكري تايه شبه مفقود
=متخدر جسمي وفكري وبالي
ساعه دخلت وشفت اناالبيت محشود
=بالناس كل يزعج الصوت عالي
حتى الصغير اللي من ايام مولود
=يبكي ودمعه فوق الاوجان سالي
نشدتهم وش صار بايامي السود
=منهو توفى..من فقدناه غالي
قالوا ترى امك يابن الاجواد بالعود
=بالعود مدفونه من اربع ليالي
جاها قضاها ويومها اليوم موعود
=والموت حق وكلنا للزوالي
من هرجهم حبل الحزن صار معقود
=في خافقي والموت وقته طرالي
بغيت اجامل كل من كان موجود
=لكن حزني ترجم احوال بالي
وانهل دمعي وانتثر فوق الاخدود
=ساعه نظره فراشها والعيالي
ياليتني في قبرها اليوم موجود
=وهي على الخد الوسيعه بدالي
لا شك حكم الرب ماعنه مردود
=امنت به ربي عليه اتكالي0

( ليت الجروح)

ليت الجروح قصاص واخذ بثاري
لاجرحك جرحا مايداويه دكتور
جرحا يطفي من لواهيب ناري
ويشفي غليل لاع عالهم والجور
سقيت قلبي بالغدر سم هاري
واودعت عقلي تايه الراي مخطور
ودي قبل موتي ارد اعتباري
اخاف اموت وخاطري منك مكسور
على كراسي الجرح طال انتظاري
ماتلتف لي ليه قاسي ومغرور
مفعول غدرك داخل القلب ساري
مظن في قلبك احاسيس وشعور
لي من كتب ربي عليك انتصاري
ابتركك في ليل الحزان ماسور
لوالجفا لابالحب ماهو انشعاري
وحده بوحده وماخذ الثار معذور
محدن بحالي من سواياك داري
اضحك واجامل والحشا منك مقهور
لو الوفاء ماله بخاطرك طاري
يامحترف تجريح قلبي من الشور

امني العين
امني العين الحزينه بلقياك=لا زل يوم قلت باكر تجيني
ولا حل باكر انتظر واتحراك=كودك تطل بنظره يا ضنيني
بس اتحرى شوفتك واتمناك=على امل يوم جديد تبيني
واشوف يومي مثل باكر بلياك=لا واعذابي من رجاوي سنيني
ضاع العمر كله على آمال رجواك=اعدد ايامه باصابع يديني
ما شفت انا به غير لوعات فرقاك=خلتني اطرد من وراها حزيني
وين الحنان اللي من اعوام ينهاك=عن الجفا يومك تقدر حنيني
واليوم اشوف الوقت مخلف نواياك=الله اعلم حال بينك

وداعه الله

وداعه الله يا هلي سامحوني=وادعو لي الرحمه الى قيل رحال
على فراش الموت تبكي عيوني=عساه تكفير الشقا لي والاهوال
والله عجب كيف الحبايب نسوني=دنيا تقلب كل يوم على حال
لا يا مجاريح السهر ساهروني=كلي عذاب وحزن مع ضيقه البال
على جسور الحب تصرخ شجوني=لاني خلي ظروف ولا فيني هبال
بالله يااهل الخير لا تسالوني=قصه الم صارت تناقلها الاجيال
وصيتي في حيهم ادفنوني=خلوه يبكي عند قبري الى انهال
وداعه الله للابد سامحوني=هذي النهايه ما بقى شي ينقال

كل يقول
كل يقول ان البكى فيه راحه=و انا بكيت اليوم لعلي ارتاح
بكيت من قلب تزايد جراحه=بكيت بكي اللي بكى يوم الافراح
حتى رفع دمعي لعيني سلاحه=و انا احسب ان الدمع لعيوني سلاح
في ليلي اللي ما ظهر لي صباحه=و همومي اللي عيت اليوم تنزاح
عمري محطه للعنا و استراحه=دنياي عتمه كلها بعيني اشباح
كني غريق ما يجيد السباحه=يصرخ و لا حوله من الناس سباح
يشوف موته ما يفيده صياحه=في غبه تلعب بها الريح لى طاح

حبيبي ناجني
حبيبي ناجني وارحم محبك
= ترى جرح الهوى فيني كبير
على هونك على قلبي بربك
= لهيب الشوق في قلبي خطير
حرام انك علي تكثر بصدك
= وترميني وسط نار السعير
انا قلبي متيم بك واحبك
= واذا شفتك من الفرحه باطير
بعد عمري انا مااطيق بعدك
= اشوف الحال من بعدك عسير
ابي رقه حنانك وعطفك
= وتعطيني الرضاقلبك كثير
وخل السعد يغمرني بقربك
= وحظي بالوفا يصبح وفير

ليه الهنا
ليه الهنا ما دام لي في حياتي
= وان دام لي ساعات تلحقني هموم
ليه النصيب اليوم يفرض وصاتي
= لا قلت قام الحظ وعاد الشقى كوم
ليه الفرح مثل الحلم في مباتي
= اسعد على لااماه في لذه النوم
دام النكد ناوي يسبب مماتي
= راضي بحكم الغير وما صار مقسوم
لا واللذي سواه زين الصفاتي
= راضي بتعذيب الزمن لاجلها دوم
فوق النكد راضي الشقا من غناتي
= لاجله رفضت الغير ولو زاد بالسوم
ليه الهنا ما دام لي في حياتي
= وان دام لي ساعات تلحقني هموم

اخرجي
اخرجي عن صمتك الراهب كفايه
= واكشفي عن سيره الحب الغموض
فهميني هو خطاك او هو خطايه
= او انا بالحب ماني بمحظوظ
انشطر صرح الهوى شدي معايه
= ولو تمايل حاولي به للنهوض
لا يطيح الصرح تنهار البنايه
= افزعي لي ان كان ودك به نخوض
والا انا مودع غرامك في حشايه
= ما اتخلى لو تلقيت العروض
اتمادى لو غدى ببعدي شقايه
= واحتمل وارجي عسى ربي يعوض

الحب قسمه
الحب قسمه ليتني ما عرفتك
= ليت المشاعر اختفت يوم لقياك
بدايتك حلوه منها عشقتك
= ابديت لك من صادق الحب ما جاك
رحبت بك ودموع عيني بكت لك
= من لهفه بالقلب ماهي بتخفاك
في لحظه جازيت منهو يودك
= بالهجر والنسيان يا كبر بلواك
ببحث عن اهل الود فرح بصدك
= واعطيك من صدي دروس تحداك
بلقا حبيب وافي من بعد صدك
= وافي بعهد الحب ماهو بشرواك
واسف على وقت قضيته بغدرك
= لاوا حسايف قولتي لك انا اهواك
باحاول النسيان واصير ضدك
= وانسي غرام فات بالحب وياك

تعاتبني
تعاتبني على غلطه زماني
= وانا مابي من الحسره كفاني
تعاتبني وانا ويش في يديني
= نهيت القلب لكنه عصاني
معي لك قصه الحب الحقيقي
= غرام بيننا مات بثواني
وفا بس الوفاء صعب المناله
= غدى بعض الوفاء وهم واماني
زمان الصمت يا وقت العجايب
= كفاني ما جرا منك كفاني
مصير اللي بعيد الدار يرجع
= ومصير اللي يغيب يعود ثاني
سنين عايشه باحضان ذكراه
= نسيت الحب لكن ما نساني
انا مابي عتاب ولا ملامه
= اريد اودعك وارجع مكاني
سراب الوهم ما يغري عيوني
= خلاص اليوم ابي باقي حناني
واعود مثل ما قد جيت يمك
= ادور في بحر عمري مواني

اباتركك
اباتركك للوقت و انت وضميرك=اما تغيب العمر والا تجيني
بالحيل ظامي ما رواني غديرك=و بالحيل عنك بعيد لا تحتريني
انا ضرير الوقت وانا ضريرك=بعيد لكن كنك قدام عيني
يمكن مع الايام باحب غيرك=مادام قلبك صادق مايبيني
يمكني ادله وانكر اني عشيرك=و بعد ارتحال العمر يمكن تجيني
ابي قليل الحب ما ابي كثيرك=ارجوك عطني بس لو بعض ديني
شرك محى في صفحه العمر خيرك=وحبك تركني هايم في سنيني
و انا ادري ان كل الحكي ما يثيرك=لكن لزوم اقول وش صار فيني
لابد ياتي يوم و تعرف مصيرك=و تقول بعد غياب عامين ويني
خل الهوى خله لغيري وغيرك=ذا ما جنته ايديك ماهي يديني
اباتركك للوقت لازم يديرك=و لا جيت اباصافحك فاقطع يمينيd

مرثيه
يوم جوني الناس من كل الجهات
=قايلين اصبر..مقدر لا تصيح
البقيه في حياتك والوفاه
=امر ربي والمصايب يا جريح
ما ترد دموع عينك شئ فات
=ادع ربك كان تغليها صحيح
امرضوني الناس من كثر العزاه
=لين خلوني على فراشي طريح
قبلها بشهور ما ذقت الهناه
=من مرضها اسهر بليلي واصيح
واصبح الماضي بعيني ذكريات
=اتخيلها ودمعاتي تسيح
يوم شالوها الظهر بعد الصلاه
=اظلمت دنياي والعالم تبيح
ما قوى جسمي وقوفي والسواه
=كل ما اقف ينحني جسمي واطيح
متشائم يا عرب من ذا الحياه
=حطوا امي في القبر كيف استريح
يرحمك رب عطاك احلا الصفات
=كل صفات الامهات اللي تريح
يغفر ذنوبك عسى يوم النجاه
=ومن سوى الله يغفر الذنب ويبيح