كلمات اغاني نواف منيف

لك اشواقي واوراقي ولك افكاري وحروفي
ولك ودي ولك وجدي ولك ايامي يا شقرا
تبدد من هنا قربك في قلبي همي وخوفي
وزال اليأس يوم انك سطعتي بدنيتي قمرا
يباع الحب عند الغير لكن حبك بجوفي
يبيع الماضي والحاضر ويبقى للأبد يشرا
مدام ان حبك احساسي ونبضي وسمعي وشوفي
هلا بجرحك وتجريحك ولو جرحك عجز يبرا
مدام الفكر يسري بي قلم واوراق بكفوفي
لا أخلي الاهي الجاهل اذا شاف الشعر يقرا
احبك رغم كل الناس ورغم ايامي وظروفي
ومهما قالوا الحساد انا في حالتي ادرا
ايا سمرا محد قبلك ابد تخضع له سيوفي
ولكني على دربك لقيت الخوف والمسرا
لقيتك ثورة الإخلاص على عهد الهوى توفي
لقيتك حلمي اللي ضاع واثرى حالي العفرا
زهبتك عمري وامري وهبتك فكري وحروفي
لأنك انتي الحاضر وانتي الماضي والذكرا

تستاهلين القلب ي الزينه هديه
وان ماكفاك القلب انا اهدي لك عيوني
غيرك من الزينات مايطري عليه
ولا كل زين من البني مثلك فتوني
ضاقت بي الدنيا وانا حالي رديه
حسبي على اللي من هواها حرموني
يوم الربوع أبكي وحيد افرك بيديه
قلبي تقطع من هواها انقذوني
كان السفر بيطول ي قرب المنيه
وان حل يومي عند بابه ادفنوني
تستاهلين القلب ي الزينه هديه
وان ماكفاك القلب أنا اهدي لك عيوني