كلمات اغنيه وينك انت
كلمات والحان هاشم ميرغني
وين ادسك
اقول اشيلك في احداق عيوني اخاف النظر اجرح امسك
اشيلك في حشاشات قلبي جوه وبرضو الناس تحسك
انا وين ادسك..انا وين ادسك
اشيلك في وتر بكاي
اخاف اقروك في معاني غناي
وللا في رنه حزن لو بح صوت الناي
واضيع سرا قايلو عندي براي
اشيلك في مدى الاحساس
ابين شوقي الاصلو ما بنقاس
واخاف اقروك في عيوني نعاس
بس قول لي انا وين ادسك من عيون الناس
اقول اشيلك في عيوني حنان
اخاف القو ريدك مني وين ما كان
انا والله صدقني يا انسان
ما لاقي ليك مكان
اقول اشيلك في احداق عيوني اخاف النظر اجرح امسك
اشيلك في حشاشات قلبي جوه وبرضو الناس تحسك
انا وين ادسك..انا وين ادسك