كلمات اغنيه الذاهبه

الله اللي راد
و العقده قطعها اللي عقدها
لا على الدنيا سلام………و لا لباقي العمر زينه
الفضا ما كنه الا خيمه طاحت عمدها
و الفرح ما كنه الا شيخ انقصت يدينه
و العمر قطعه زجاج..انكسرت ولاطال امدها
و العرب في العيد بدموع اليتامى مستهينه
و الشوارع لفها ثوب الظلام اللي هجدها
و البيوت اطلال من عقب المحبه و السكينه
و الشتاء و الليل و البرد…و سما يصرخ رعدها
و العيون اللي ورا الشباك مذعوره حزينه
طولوا في الكهف الاصحاب
و بقت روحي وحدها
كنها في كوكب ثاني خلا من ساكنينه
الوداع اللي بعلم العين يعذر من رمدها
و الوداع اللي بلا قفا الصدر غبينه
و الوداع اللي بلا رجعه علي مر و ودها
و العنود اللي جفيت الناس في الدنيا بعدها
وينها هاك تركتني..ليه ما جت في وعدها
و القمر لا طل خابرها تجي بيني و بينه
رحت انادي واتلمس في مهب الريح يدها
كني حصان بلا صاحب طوى لبيته حنينه
رحت اصيح الصبح وينه..
و العرب ما رد احدها
ما سمعت الا صدى صوتي يقول الصبح وينه
كنهم من يوم ذيك الشمس غابت عن بلدها
طلعوني في النفوذ و صكوا ابواب المدينه
كنهم من يوم ذيك (الذاهبه )محد وجدها
كل رجال من الشرهه جرى في الدرب عينه