كلمات اغنيه عدى النهار
عدى النهار .. و المغربيه جايه
تتخفى ورا ضهر الشجر
و عشان نتوه في السكه
شالت من ليالينا القمر
و بلدنا ع الترعه بتغسل شعرها
جانا نهار مقدرش يدفع مهرها
يا هل ترى الليل الحزين
ابو النجوم الدبلانين
ابو الغناوي المجروحين
يقدر ينسيها الصباح
ابو شمس بترش الحنين؟
ابدا ..
ابدا بلدنا ليل نهار
بتحب موال النهار
لما يعدي في الدروب
و يغني قدام كل دار
و الليل يلف ورا السواقي
زي ما يلف الزمان .. و على النغم
و على النغم
تحلم بلدنا بالسنابل بالكيزان
تحلم ببكره .. و اللي حيجيبه معاه
تنده عليه في الضلمه و بتسمع نداه
تصحى له من قبل الادان
تروح تقابله في الغيطان
في المتاجر في المصانع .. و المعامل .. و المدارس .. و الساحات
طالعه له صحبه .. جنود
طالعه له رجال .. اطفال .. بنات
كل الدروب واخده بلدنا للنهار
و احنا بلدنا ليل نهار
احنا بلدنا للنهار
بتحب موال النهار
لما يعدي في الدروب
و يغني قدام كل دار
