كلمات اغنيه كلاش سيول جده

الفيرس الاول
في ناس عبرت في الجرايد وناس عبرت في كتاب
لكن طريقه تعبيري غير انا اعبر بالراب
هل انت تعلم !! بلادي اغنى دوله في المجره
والناس من حولينا تقولنا عايشين في مسره
بلادي السعوديه بلاد مليانه خير
من وفره خيرها غيرها قام على ذا الخير
عندنا الحرمين بوابتها مدينه جده
مدينه جده اصبحت مدينه مستجده
تقدر تقول .. بعد السيول .. اللي حاصرتنا في الشوارع اللي شفنا الموت من الهول

الناس عاشت قلق .. خايفين من الغرق .. مايكفيني ذا الكلام اللي قاعد اكتبه عالورق

انا بعيني شفت منظر جثث مرميه عالرصيف … الحرمه تصيح والطفل يبكي من الوضع المخيف

سيول حاصرتنا في شوارع مافيها تصريف … في ثاني اكبر مدينه في بلادي الطف يالطيف

الكوووووورس
جده ……. غرقت ياناس من قطره مطر ماكنا نتوقع انو الكباري ممكن تتكسر
في جده …. ضحايا بسبب السيووول .. انكشف المستور قولولي مين المسؤوول ..؟؟
جده ……. غرقت ياناس من قطره مطر ماكنا نتوقع انو الكباري ممكن تتكسر
في جده …. ضحايا بسبب السيووول .. انكشف المستور قولولي مين المسؤوول ..؟؟
الفيرس الثاني
اطفال .. حريم .. شباب .. شيبان .. بنات … اولاد .. في جده غرقوا
في حفر الموت … بيوت .. ممتلكات .. سيارات .. احياء .. اسئلوا ( قويزه
) و ( الجامعه ) و ( كيلو 14 ) بالذات و (الحرازات )
وكل الاحياء الجنوبيه في وهله …
اكتشفنا ان عروس البحر طلعت كهله …
خيانه الامانه ياناس قضيه ماهي سهله …
ايش شعور المسؤول لو صار اللي صار في اهله …
بعد الامطار ياجده ياحبيبه شوفي ايش ناقصك
راحت السيول جاكي هم بحيره المسك
وانتم كرامه حوالي عشره كيلو من العفانه
واهالي حي السامر منها ماعرفوا الاستكانه
وين الامانه اللي اعطاكم هيا الملك
مايرضى ملكنا يشووف شعبه ينهلك
كون لكم لجنه تحقيق ونحنا في الانتظار
على وعسى يتعدل كل اللي صاار
الكوووووورس
جده ……. غرقت ياناس من قطره مطر ماكنا نتوقع انو الكباري ممكن تتكسر
في جده …. ضحايا بسبب السيووول .. انكشف المستور قولولي مين المسؤوول ..؟؟
جده ……. غرقت ياناس من قطره مطر ماكنا نتوقع انو الكباري ممكن تتكسر
في جده …. ضحايا بسبب السيووول .. انكشف المستور قولولي مين المسؤوول ..؟؟
كلمه كلاش بعد ما خلص الاغنيه
(( احنا اهل جده … ونحب جده مهما صار فيها …
والشباب والبنات اللي قاموا تطوعا بمساعده اهالي الضحايا
وشفناهم في التلفزيون والجرايد .. والله انكم كفو …..
جده فيها خير ياناس … الله يستر علينا بستره
والله يرحم اللي راحوا ضحايا السيل …. ويصبر اهاليهم … ويصبر كل ااام ))