كلمات اغنيه البرواز

قلتيلي انسى
ومن يومها وانا كل ليله قدامي البرواز
حبر العيون ودمع القلم في دفتري
وصورتك رغم الالم
ورغم انها خذت من اطباعك كثير وخانت البرواز
اشوفها في خاطري
حبيبتي ما بيدي حيله
لا صرتي الصوره وعيوني البرواز
وشلون ابنسى

اتعبتي الصوره مشاوير
وتعبت انا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت اطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبهلك اقداره خانته
وصورتك يجي يوم وتخونه
حبيبتي .. او للاسف حبيبته
لا صرتي الصوره وجفونه البرواز
وشلون ينسى

حبيبتي لاجل انسى جرحك واستريح
بابكي .. وبعد البكى بابكي
واكيد في لحظه بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعه الاخيره
تاخذ معاها صورتك وتطيح
وكني بهالدمعه سكين جرحها وجهي
وكني بالمسافه تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعه من الجرح الاخير
وفارقت وجهي انا
بغمض عيوني واكسر البرواز
واكيد بنسى