كلمات اغنيه بخاف

كل ما اشوف عمري جري بي………بخاف

كل ما تدبل وردتي في……………. بخاف

حتى في كلامي حتى في غنايا

بيبان الامي بيبان بكايا

حتى اما بفرح

بخاف لتفوت الفرحه

بخاف م الدنيا الجارحه

بخاف لضحكه الحلوه

تبقى جناين احزان طارحه

بخاف

من توهه زمني

بخاف

ليرخص تمني

بخاف

لتضيع احلامي

اللي شايفها عروسه في طرحه

دايما احس ان انا وحداني

مركب ما بترساش في مواني

رحال بيدور على البر

اضحك وانا بين نفسي وبيني

حزن العالم كله ماليني

غنوه جميله بتنزف فرح

حتى في عذابي

حتى في لهيبي

اقرب صحابي

كان مين داري بي

ده انا من حبيبي

بخاف

ليبعني لغيري

بخاف

على حبي لطيري

بخاف

ليجرح قلبي

بعد ما احب بكل ضميري

بخاف

لتخون ايامي

بخاف

ليخون احلامي

بخاف

لنهايه حبي

تطرح شوك وعذاب قدامي

كل ما اعد ساعات افراحي

واحسب المي وكل جراحي

ارجع في الاخر خسران

كل ما احن لناس حبيتهم

قلبي يحس بشوق ناحيتهم

بيجمع مطره احزان

حتى اللي لي

حتى اللي مني

لو حسوا بي

لو حسوا فني

حتى اما اغني

بخاف

م اللحظه الجايه

بخاف

من طول ليالي

بخاف

على كل حبايبي

اكتر من خوفي علي

بخاف من حيرتي وياسي

بخاف من روحي ونفسي

بخاف والخوف بقى دنيا

بني ادميين عايشين حولي

كل اتنين حبيبين اتوعدوا

لازم واحد يجرح واحد

والواحد من كتر ما شاف

قربت اشك في احساسي

وصحابي واحبابي وناسي

بقيت من كل الدنيا بخاف

حتى في كلامي

حتى في غنايا

بتبان الامي

بيبان بكايا

حتى اما بفرح

بخاف……بخاف……بخاف

• الكلمات اغنية بخاف
• كلمات اغنيه بخاف