كلمات اغنيه جبار
جبار .. جبار
في رقته جبار
جبار .. جبار
في قسوته جبار
خدعتني ضحكته
وخانتني دمعته
وما كنتش اعرف قبل النهارده
ان العيون دي تعرف تخون بالشكل ده
ولا كنت اصدق قبل النهارده
ان الحنان يقدر يكون بالشكل ده
جبار .. جبار
* * *
عرفته قد ما عرفته ولا عرفتوش
وشفته قد ما شفته ولا فهمتوش
كان بيقوللي احبك .. ايوه كان بيقول
وانا من لهفة قلبي صدقته على طول
كنت اشوف واسمع واحس بقلبه هو
كنت عايش مش عشاني عشانه هو
وما كنتش اعرف قبل النهارده
ان العيون دي تعرف تخون بالشكل ده
ولا كنت اصدق قبل النهارده
ان الحنان يقدر يكون بالشكل ده
جبار .. جبار
* * *
يا معلمني الحب ياريتني
ياريتني ما تعلمته معاك ولا شفته
ليه تخدعني ليه خليتني
خليتني انسى الدنيا واعيش بحلاوته
ده ما كانش في تنين زينا شافوا اللي شفناه في حبنا
الحلم كنا بنحلمه ونكمله من بعضنا
ليه تصحيني في وسط الجنة بنار ودموع
كنت ارحمني وسيبني شوية اعيش مخدوع
وما كنتش اعرف قبل النهارده
ان العيون دي تعرف تخون بالشكل ده
ولا كنت اصدق قبل النهارده
ان الحنان يقدر يكون بالشكل ده
جبار .. جبار
* * *
قلبي قول للحب ابعد عن طريقي
اي حب جديد ياويله من حريقي
لو ح اصادف قلب مخلص
مش ح امن له واصونه
وان ضحك في عينيه ح اضحك
واخدعه ويمكن اخونه
زي غيرنا ما باع
نبيع عمر الهوى وعهده
زي قلبي ما ضاع
تضيع كل القلوب بعده
ولا اقول لك .. لا يا قلبي
ليه نلوم على الحب ليه
ده اللي خانك خان شباب الحب
خان وجار عليه
يعني انا والحب وانت
كنا لعبة بين ايديه
وما كنتش اعرف قبل النهارده
ان العيون دي تعرف تخون بالشكل ده
ولا كنت اصدق قبل النهارده
ان الحنان يقدر يكون بالشكل ده
جبار .. جبار
