كلمات اغنيه يارقيق المشاعر

يارقيق المشاعر.. وين راح الحنان
ليه ماشلت قلب.. طاح قدام عينك..

الزمن هو زمانك.. والمكان المكان
واخر الشعر كلمه تسالك عنك وينك؟

من تقهويت صوتك.. سولف الزعفران
عاد وشلون فنجال تمده يمينك؟؟

تذكر شلون كنا.. والزمن كيف كان
يوم لاغبت عنك ما اسمع الا ونينك..

اشعر بخوف مدري كنت احس بامان
يكفي ان جيت يمك.. طار فيني حنينك..

وشكثر كنت وافي.. واقرب الناس خان
بس اثق فيك حتى.. لو عيوني تدينك..

راحت سنين من عمري وعمرك ثم ان
يوم شحت سنيني.. عوضتني سنينك..

زان عمري بقربك يعني الوقت زان
حتى جرد القصايد ربعت في يدينك..

طول عمري وانا لاوي اذراع الهوان
شفت يومك بعيني منهو يقدر يهينك..

مذكر اني نسيتك واذكرك من زمان
واذكر اني ضحيه بين قلبي وبينك..

تدري وش جابني لك؟ لاتقول الحنان
جيت ابشيل قلب.. طاح قدام عينك..!