كلمات جزائرية في الحب

كي نهدر معاك حاولي تفهميني
و اللي راه في قلبك غير أهدريه
أنا ما قلتلكش بالسيف أبغيني
قلبك من حقوا يعشق اللي يبغيه
أنا طلبت منك غير تصارحيني
و لو بخط برية واش عليه
جوابك كيما كان يربين ي
أو ما تهمنيش كلمة لالا ولا إيه
غير كلمة , تفري اللي بينك وبيني
و تريحني من لعذاب اللي راني فيه
يا الغالية راكي عييتين ي
وقتاش قلب العاشق تفهميه
طبطبت و ناديت ما جاوبتيني
ما عرفتش علاش بابك بلعتيه
لو صرالك ما صرالي تعدريني
أنا همي غير ربي اللي عالم بيه
محقور في عشقك حقرتيني
قلبي كان هاني و أنتي هولتيه
مظلوم في غرامك ظلمتيني
و جميع من ظلم الدنيا دارت عليه
بريء و بسكاتك تهمتين ي
ربي يحاسبك على الشيء اللي درتيه
درتيني عدوك في قفصك سجنتيني
عماتك الدنيا عقلك ودرتيه
في سجن لعذاب وحدي خليتيني
بلعتي لبواب و المفتاح أديتيه
لكن ربي كريم و قادر ينجيني
و ما بقالي غير نوكل أمري ليه
قادر المولى يبليك كيما بليتيني
و يسجنك فالقفص اللي راني فيه
ما طلبتش المحال غير حاجة تكفيني
صارحيني و اللي في قلبك أهدريه
أنا حتى لو كان نعرف بلي تكرهيني
نحلف على وجهي ما تزيديش تشوفيه
ما نبكيلك ما تطيح دمعة من عيني
لو كان يبكي قلبي نقلعه نرميه
نبغيك , نبغيك أومانرضاش باش تذليي
و لو نموت , الذل ما نرض بيه
أنا نموت غير فالقلب اللي يبغيني
و اللي باعني تدور الدنيا نشريه
أنتي صاح طفلة شابة تعجبيني
و هاد الشي لازم عليك تعرفيه
أو ماتقدريش تعرفي حتى تعرفيني
أو باش تعرفيني لازم عقلك تكاكيه
هامل في قلبي و زدتي هملتيني
الهامل هموم اللي عداها تكفيه
راني كي الطير في قفصك سجنتيني
و اللي فديته بدمعة ربي عالم بيه.