كلمات عشر اشياء

كلمات اغنيه عشر اشياء

كلمات : عبدالمحسن بن سعيد ( العاشق )
الحان : رابح صقر

حشا لولا عشر خصك بها ربي عن الباقين
ابد ماكان من شافك تطيح الناس من عينه
دلع لين وشقار خف دم ومخمليه عين
خجل ملح وجمال وصدق هنا للي تحبينه

ظلمتي من يجي بعدك يجون وكنهم مقفين
قهرتي من يجي قبلك لو انه شمس تخفينه
يغاير كوكب الارض السما الدنيا متى تمشين
يقول انه حظيظ اللي تواضعتي تدوسينه

ولو الله زوج الشمس القمر ثم انجبوا نجمين
حشا ماجابوا اللي يشبهك نوره ولا زينه
بنفسج نرجس ونوار وخزامى سوسن وياسمين
ربيع ينبت بثغرك ترى لو ما تبلينه

وانا عني خلقت اسجد لربي والتزم بالدين
وافكر كيف اسوي شي في دنياي ترضينه
احبك واعشقك واحيا بحبك لين اقول امين
وليف بالهوا والحب انا اول من تعدينه

وعلى الكون الحرام انه من اول خلقته للحين
ابد مازاره اللي يحاليك بموازينه
وحشا لولا حلاك اللي رفع قدرك عن الباقين
ابد ماكان من شافك يشوف الجنه بعينه