كلمات علي بحر

اشقد احبك

======
اشقد احبج وانتي تدرين قد الفرح في اليوف وقد السنين
اشقد اودج لاتسالين لانه كل شي انكتب فوق الجبين
وكل شوقي ملك ايدينج اسافر في بحر عينج
* * *
اشكثر عذبني الوله وانتي تدرين
اشكثر قلبي يذكرج يانور العين
انتي طيفج يسليني لو تبعدين
وكل شوقي ملك ايدينج اسافر في بحر عينج
* * *
كلام الناس يخوفني عليج كل يوم
ولا اقدر انا في ليله اذوق النوم
وتمسي فرحتي اوهام.. وتمسي فرحتي اواهم
وكل شوقي ملك ايدينج اسافر في بحر عينج
* * *

البارحه

====
البارحه قلبي زادت مواويله
والعين والعبرات تصرخ تناديله
ياناس مكتوبي منهو يوديله
يشكيله عن حالي سهران كل ليله
* * *
الناس لي نامت فاضت بي جروحي
حتى القمر لي غاب ضليت انا بروحي
لي قلت انا بنساك تفضحني دموعي
ويزيد في قلبي الشوق وتزيد همومي
* * *
محتار انا وياك شتتلي افكاري
ليتني انا انساك او تنطفي ناري
البارحه قلبي زادت مواويله
والعين والعبرات تصرخ تناديله
ياناس مكتوبي منهو يوديله
يشكيله عن حالي سهران كل ليله
* * *
البارحه قلبي زادت مواويله

كل كلامك

=====
كل كلامك في جروح هقوتي منك اروح
ولا ارجع في كلامي لو طلبت مني السموح
كنت اظن انك تحبني وتحن لي من شكيت
ضاع عمري انا مني وضاع كل اللي بنيت
الوله يمكن يرد لي اذكرك لكن ياريت
انسى حبك انا ودي وانسى يوم انك رضيت
* * *
العجب لي من رفضتك من حياتي وانتهيت
القى كل همسات يوفي تذكرك كل ماسهيت
كنت اخاف اني ابوح بكلامي والجروح
قلبي منك انا يشكي خلني في دربي اروح
كل كلامك في جروح هقوتي منك اروح
ولا ارجع في كلامي لو طلبت مني السموح
* * *

هذا انت

=====
هذا انت كل ماتغلط تجيني تعتذر
هذا انت من غلطاتك ابد ماتعتبر
ياما صبرت وصبرت على جروحك
ياما ضنيتك تحس انت بروحك
لكن انت مثل مانت من سنين طبعك عرفته
هذا انت
* * *
هذا انت مايفيد وياك عتاب
هذا انت دنيتي وياك عذاب
لكن انت مثل مانت من سنين طبعك عرفته
هذا انت
* * *
هذا انت كل ماتغلط تجيني تعتذر
هذا انت من غلطاتك ابد ماتعتبر
هذا انت… هذا انت
* * *

حب وشقى

حب وشقى…دويتو ( جمال السيب)
حب وشقى شوق ولقى لحظه جفى وآمال
يبقى العشق طول العمر لوهو غيابه طال
* * *
لوكان الحب مثل الذي ذقته انا مابيه
ولابي ارد بدنيته ولابي ابد طاريه
يكفي اشكثر جاسيت منا عانيت
يكفيني يادنيا هالحب انا مابيه
* * *
لالا تقول ان الهوى كل تعب واحزان
الحب منا نرتوي وتتعطر الاشجان
ماظن كل من حب مثلك جذي يتعب
الحب ملح الروح والشوق يحلى في
* * *
ساعات يعشمني الفرح واسهر مع ليله
وانطر ثواني العمر واحلم واغني له
واثراها شمس الصيف تغريني باجمل طيف
لاحب ولاافراح ولا خل اداريه
* * *
مو انت اول من شكى في جرحه يتنادم
ماهي نهايه قصتك نهايه العالم
لابد لك احباب لوهم قمرهم غاب
لابد بتلقى حب كل الوفى تعطيه
* * *
حب وشقى شوق ولقى لحظه جفى وآمال
يبقى العشق طول العمر لوهو غيابه طال
* * *