كلمات عن التوجيهي

انا مش بس طالب توجيهي … انا التوجيهي طالبني كمان
الكل بيقولي خليك بدراستك … فش زي الشهاده بها الزمان
انسى الطشات والسهرات … كانك سجين والكتاب سجان
لا تشوف قرايب ولا اصحاب … لا تروح على المطعم ولا على الدكان
اتغدى قوانين واتعشى معادلات … واشرب كاس من مراره الامتحان
لا تلفزيون ولا كمبيوتر … ولا تلعب حتى مع حيوان
حتى الروحه على الحمام … قبليها استدعاء وبعدها اصدار بيان
نام متاخر واصحى مبكر … وجهك غسل واحلق بمعجون اسنان
كامل فاضل ادرس ناضل … قلمك حامل في وجه العدوان
ثابر تابع درسك راجع … لربك راكع انت وحدك الي كسبان
واجه داوم المشاكل قاوم … كون عالم بعمرك ما بتنهان
اذا نجحت بتنفع حالك … واذا بترسب بنفعكاش انسان
وقت الجد جد وما في مزح … انت مش عايش بعصر الرومان
امشي مع شباب دريسه … وسيبك من شله الزعران
روح على الدار طوالي … وفكك من معاكسه النسوان
هو صحيح الشغله بتسلي … بتشفي العليل وبتفرح الزعلان
بس التوجيهي تحدي … وما بفوز فيه الا الذكي الفهمان
بكره بتقول يا ريتني درست … يا ريتني سمعتك وما كان الي كان
بقولك ابوك : يابا يا حبيبي … اذا بتنجح بسفرك على الصين او على اليابان

وبجيبلك سياره اخر موديل Bmw… او فيراري او حتى نيسان
واذا بتحب بجوزك احلى بنت … حتى لو كانت بنت ” كوفي عنان ”
انت بس انجح وارفع راسي … وما تفضحني بين الاهل والاخوان
ركز بالحصه مع استاذك … تقضيهاش تلعب وسرحان
وبينزل فيك نصايح … تقول واقف قدام لقمان
يا طلاب التوجيهي الاعزاء … احلفكم بالله وبالانبياء وبالقران
فش احلى من النجاح … حتى لو بتقلع عينك او بطيرلك ذان
لا ترسب ولا تعيد السنه … تخليش واحد يكون فيك شمتانبلاش تكون اخرتك بويجي …
او صاحب بسطه او بياع دخان

• عبارات خلصنا توجيهي
• الي بنفعكاش
• كلمه حزينه عن التوجيهي