كلمات عن الشك

طاح العتب .. ما هيب لحيه مشاريه
……………….خل الكلام .. و حبل الاعذار طوه

ما راح اقول اشلون .. او كيف .. او ليه ؟
………………ترى السؤال بدون اجابه مشوه

العذر مااات .. و مات همه و رااعيه
……………..و الجرح جف .. و جف غيمه و نوه

صاحبك ضاع الهرج من بين اشافيه
……………..ما كنه اللي كان قبلك .. مفوه

يجمع لك من الشعر فاخر معانيه
…………….و يموت عندك قبل فيه ايتفوه

ليه انصدم ؟ و تخون قلبي هقاويه
……………و يطيح نجمي .. و انخذل في علوه

اصدق مع الواحد و احبه .. و اثاريه
………….. طوول الليالي معتبرني عدوه

لا يا بعدهم .. و اول الغيث تاليه
…………..و انت اتعرف قلبي .. و خيره و سوه

يمكن لو انك قلت غلطان .. قلت ايه
………….مير البلا انك قلت .. ناقص مروه

قل لي متى شحيت في شي اعطيه

………….و قل لي متى صارت محبتك .. خوه

يصعب على الرجال يثبت مباديه
………….و ان كانه اثبت .. كيف يثبت سموه

الله يبيحك عن خطاك و تماديه
…………و يبيح قلبك عن خطاه و غلوه

ما دام حبك خالطه شك .. ما ابيه
………..حب العتب و الشك .. ما اعيش جوه

ما كني اللي كل ما تلمس اياديه
………..يغمرك باحساس و حنان الابوه

و ما كني اللي كل ما مر طاريه
………..ضج الفضا باسمه .. و عكر هدوه

يا مرحبا بالجرح .. و الله يحييه
………..لا صار من يمناك و الجرح توه

بعض الجروح ان صابت القلب تنهيه
………..و بعض الجروح .. تزود القلب قوه

الله كتب .. و القوس في كف باريه
………..و اللي تشوفه يا ابيض الوجه ..
سوه