دامك ملكت الروح وين الغرابه
صعبه اعيش ايام عمري بلياك
وانت الحياه بدون شوفك كابه
تعال خذني لاخر حدود دنياك
مليت اقاسي من زماني عذابه !!
حاولت لكن ما تحملت فرقاك
بعدك عذاب وفي حضورك مهابه !!
للشوق فيني شي لا ماعتقد جاك
حول حياتي للملل والرتابه
اوقات اشوف ان الغلا ما تعداك
واحيان احس ان الهوى للغلابه !!
بين المحال وبين خافي نواياك
حار السؤال ولا لقيت الاجابه !!
كانك تقول هموم وقتك تقفاك
وش حيله اللي صار همه زهابه
يطرد سرابك في متاهات رجواك
نفس الطريق اللي مشيته مشابه
قلب يحبك كيف يسلا وينساك
ماللفضاء لو شفت دونك رحابه
خليتني عايش على حد الادراك
مثل الجريح اللي تمادى صوابه
ماحد ملا عيني من الناس لولاك
في غيبتك كل الاوادم تشابه !!
هذا الشعور اللي من اقصاي ينخاك
يبي القليل وما عطيته رضابه
كل القصايد داخلي همها ارضاك
غلاك مدادي لا بغيت الكتابه
اجيك كلي يوم كلي فداياك
كلش يهون الا الغالي وغيابه
رد الوفاء والغلا للي تمناك
قفى العمر واحلى ليالي شبابه
جاتك مشاعرواحاسيس مالها غير شرواك
دامك ملكت الروح وين الغرابه
ترجيتك وانا دموعي تنادي لا تفارقني
تعال وعالج احساس جرحته حيل واهملته
قتلت الشوق في لحظه عنادك وا نت ظالمني
وحب مات في مهده حبيبي كيف اعدمته ..؟
تناسيت الغلا وبعدك ياليت الموت ياخذني
وترحل روح محرومه عزاها حب ترجمته
جفاك وصدك اسهرني ودموع الحب تحرقني
تشتت فكري وقلبي عطيته لك ولا صنته
تغير قدري بقلبك وفيك ظنون تاخذني
قسيت وقلبك القاسي وانا للود علمته
خذوني من دفا قلبك وياما كنت توعدني
نسيت الحب و اخباره وكنك ما تحضنته
تردد لي صدى صوتك ( احبك ) فيها اطربني
وانا لازلت ارددها وحبك لي تجاهلته
امانه لا تخليني انا ما اقوى تودعني
تعال ارجوك في قلب تركته يموت حطمته
احبك والجروح اللي من عنادي تعذبني
تراني حيل ندمانه وعنادي انت روضته
كفانا جروح ياعمري طلبتك لاتزعلني
انا ما اقدر على الفرقى تعال بقلب جننته
وضمه حيل لا تقسي لعالم ثاني اسرقني
ولحظه حب تاخذنا وهذا الحب هو انته
احبك موت…. لا تسالني ما الدليل
ارايت رصاصه تسال القتيل .
ربما يبيع الانسان شيئا قد شراه
لكن لا يبيع قلبا قد هواه .
لا تسالني عن الندى فلن يكون ارق من صوتك
ولا تسالني عن وطني فقد اقمته بين يديك
ولا تسالني عن اسمي فقد نسيته عندما احببتك.
كنت انوي ان احفر اسمك على قلبي
ولكنني خشيت ان تزعجك دقات قلبي.
ان ياست يوما من حبك وفكرت في الانتحار
فلن اشنق نفسي او اطلق على نفسي النار ولن القي نفسي من ناطحه
سحاب لاني اعرف وباختصار ان عينيك اسرع وسيله للانتحار.
لا ثقه لدي الا عينيك فعيناك ارض لا تخون
فدعني انظر اليهما دعني اعرف من اكون.
لماذا لماذا طريقنا طويل مليء بالاشواك
