كلمات عن المطر والحب

 
أنا و الحب والمطر
يا بعيد
المطر أجبرني اكتبلك قصيدة
المطر هذي السنة..
سوه السما صفحه جديده

نشر صمتي
نشرشوقي
..نشر أحزاني السعيدة
ردلي دمعي
ردلي سمعي
ردلي حنجرتي الشديدة
المطر أجبرني اكتبلك قصيده
 
كنا طق الطر.. نرجع يهال
اثنين تحت الجام
نمشي بالعدال
الشوارع خاليه
المدينه خاليه
المحبة بليلنا الممطر حلال
اثنين تحت الجام.. يجمعنا المطر
اثنين والعالم خضر
كل شي خضر
حتى الإشارة.. وصوتنا.. وماي البحر
المطر .. هذا المغني اللي غنانه
فرحنا .. بكانا
خلانه نحب الحب ..
معزوفة على لسانه
المطر جاني .. قرالي من كتابه
عزف .. وغنى .. ورقص
سهر .. وقال .. وكتب
قال الشوارع للكتابه
الشوارع جنه فيها الواحد يصافح عذابه
عزف .. وغنى .. ورقص
.. وزع شرابه
خله عشب الغابه .. غابه
بدل السكته تحت صدري ربابه
أنا والحب و المطر..
مني دمعه
منه دمعه
حتى خلينا الجفاف يخون طبعه
وحتى خلينا الصخر يرجع له سمعه
وحتى سوينا من اللاشي له روعه

 
أنا والحب و المطر
احنا شعر والحب في مليار طبعه
احنا والناس
نازل دمعه .. دمعه
يابعيده ..
المطر عندي عباده فيها متعه
كنت نجمه شارد مني ..
وانا كل السما .. جنوب وشمال
كنت أشوفك فوق..
أوراقي تنام بدلال
كنت اشوفك حلم
يتفسر ولا ينقال
كنت احب انقل رموشك من عيونك الشمس
لعيون الظلام ..
كنت احاول ارسمك مره هلال
كنت أحاول ارسمك مره غزال
كنت احاول بس أصيدك
مره وحده في الخيال

كان صبري
كان شوقي .. كان .. كان
كان احتمالي فوق كل الاحتمال
طق المطر .. وانتفظ قلبي .. تعلق بالطر
مثل القمر .. لما يتعلق فوق اشجار السهر
حسيت في دموعي على الشعر

 
حسيت في نبضي شعر
حسيت في دمي شعر
حسيت يطبعني المطر
ديوان أوراقه خضر
/