قصيده في ملك الانسانيه بالسلامه

سيد الجود
يوم القصايد بين حاوي ومردود
جتني تدافع والخطاوي سريعه
نظمت منها عقود وعقود وعقود
واودعتها اللي ما يضيع وديعه
ويا خادم البيتين يا سيد الجود
يا حاكم الدوله بحكم الشريعه
انت الفخر والمجد بيديك معقود
ولامرك جموع الناس جاتك مطيعه
ويا وافي المده ذرى كل مضهود
يا شامخ فيك التواضع طبيعه
شمخت بافعالك وخلق الله شهود
وحصنت دارك بالحضون المنيعه
وسيفك لنشر الحق والعدل مجرود
يبتر يدين اهل المكر والخديعه
وبذلت في لم الشمل كل مجهود
ومبادراتك دايم ن فالطليعه
ويا سيدي ولك الغلا ما له حدود
وحبك على روس المنابر نذيعه
وهذي قلوب الشعب تاقف لك حشود
وتبايعك بيعه مهي باي بيعه
بيعه وفا ما بين سيد ومسيود
تجهر بها اصحاب النفوس الرفيعه
ودامك يا بومتعب على الارض موجود
شعبك بخير وشوفتك هي ربيعه
ووقفتك سالم تروي كبود وكبود
وهي غايه الشعب السعودي جميعه
ويا الله يا رحمن يا خير معبود
يا باسط السبع الفجاج الوسيعه
تحفظ ابومتعب ذرى كل مضهود
اللي حكمنا بالعدل والشريعه