كلمات قصيده الجمهره للشاعر حامد زيد
اي بالله اخطوا والخطا اللي جابهم عين الصواب
مبطي وانا اشوف الطمع يكشف رداهم واستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من اولها خراب اكيد تاليها خراب
والبندق اللي ماتثور في هدفها تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره
مشكلتي اني ماعرفت احسب لصدتهم حساب
قلطتهم صدري على ذكرى قصيد وحنجره
صوت يصول بمنبره واخطاب مامثله خطاب
والطيبه اللي زعزعت صوت الخطيب ومنبره
مافيه دمع صوبوه احبابي بوجهي وخاب
ولازرق حزني على غالي ولافج انحره
كل الزهاب اللي معي ذكرى من اصحاب الزهاب
واللي بقالي من عذاب اشرس طريقي واخطره
لاني تجنبت الغرق.. عديت من فوق السحاب
لان اكثر اصحابي ورق..ماشفت للطيب اثم ره
والله ماحطيت بين الحقدوالخوه حجاب
حتى غدوا ربعي يحدوني على الضيق اشكره
البارحه ثارت علي رقاب واوتني رقاب
البارحه ياثقل دم البارح ويامحقره
اثر المصايب ماتجيك الا من الناس القراب
وبهالزمن حتى الخوي اللي تثق فيه احذره
اهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
لابارك الله في رفيق تزعله كلمه عتاب
ولاجمع الله الرجال اللي تفرقهم مره
الصاحب اللي مايجي من صحبته غير العذاب
نذر علي ان ماهجرني والا انا اللي ب اهجره
من يفتح لفرقاي باب افك له عشرين باب
واذا خويي مايقدر خوتي ما اقدره
عودت نفسي كل ماشددت لليمه ركاب
ماصد وجهي عن طموح الا لياجبت خبره
ان روحوا فانا بري منهم ليوم الحساب
وان جرحوا قولوا لهم ماحركوا في اشعره
شفهم لهم حول السنه ولا خذوا مني جواب
احسن دوا للي يحاول يستفزك تحقره
ماكنت احاتيهم صغيير ..عاد احاتيهم شباب
الصاحب اللي ما اذخره لليوم الاسود ما اذخره
شفني جمعت اوراقهم بكتاب واغلقت الكتاب
ياوقت لم اللي تلمه وانثر اللي تنثره
اللي يخاف من الظما يترك لنا طرد السراب
واللي ماهو بقد الظلام ووحشته لايسهره
عقب اكتئاب البارحه ماعاد انا حمل اكتئاب
الطيب جرجرني وانا ماني بناقص جرجره
انا تجرعت الظما لين احترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعلام ماتستحق المغفره
انا اكثر انسان تعلم من كثر مااخطا وصاب
انا اخر لسان يتكلم في زمان الثرثره
انا القصيد اللي فزع من دفتره مليون ناب
وانا الوحيد اللي جمع مليون ناب بدفتره
جفني وجرحه السهر حيلي وهدته الصعاب
دمعي هدر،ضحكي ندر،عمري وضيعت اكثره
شيب بعقول العرب..هيبت روس ماتهاب
جمهرت ناس عمرهم مايعرفون الجمهره
ماصرت ذيب الا لان اللي تحدوني ذياب
ما كنت اغيب الا لان العفو عند المقدره
ترى حلاتك لاحملت لصاحبك كلمه عتاب
ان مانطقت بها بوجهه ماتذمه بظهره
في هالزمن مايملي عيون الحسود الا التراب
والا الحظيظ.. الطلقه اللي ماتصيبه تذعره
ودك اليا من جاتك الغلطه من الناس القراب
الصاحب اللي ماكسبت محبته ماتخسره
